JOSHUA 9:14 - Bukuit Ne Tilil

¹⁴ Ki am icheek amitwogigap pichooto ama teep ng'olyoo kobun kutitap Kamuktaindet ne Toroor.

BUKUIT NE TILIIL Sireet ne Dutero Kanon

¹⁴ Ki am icheek amitwogigap pichooto ama teep ng'olyoo kobun kutitap Kamuktaindet ne Toroor.

BUKUIT NE TILIL

¹⁴ Ak kiam ichek amitwogikab bichoto, ama teeb ng’omnatet kobun kutitab Jehovah.

JOSHUA 9:14 Referencias Cruzadas

2 SAMUEL 2:1

Kingo pata tuguuchuuto koteebe `Daudi Kamuktaindet ne Toroor kole, “Atogoste awe age eng' nganasoogap Judah?” Ak ki wolji `Kamuktaindet ne Toroor ineendet koleenji, “Togoste.” koteebee `Daudi koleenji, “Atogoste awe ano?” Ak ki leenji, “Ui Hebron.”

2 SAMUEL 5:19

koteebe `Daudi Kamuktaindet ne Toroor koleenji, “Awe kebargei ak Philistiik? Tos indoi icheek eunnyu?” Ak ki leenji `Kamuktaindet ne Toroor Daudi, “Togoste, amu andoi iman Philistiik eung'ung'.”

EZRAH 8:21

Yeityo ang'at anyun karugutetapkei, eng' aineetap Ahaba, si kobiit kiming'inge eng' taitap Kamuktaindennyo, kecheeng' eng' ineendet ooreet ne litit, eng' acheek ak lagokyok ak ne po tuguukyok tugul.

KOMONG'U 28:30

Inde ngoryonooto po tegeet ne po kirwooget Urim ak Tumim si kotebee chooto muguleldap Aron ye mandoi taitap Kamuktaindet ne Toroor. Eng' nooto anyun koibei Aron kirwoogetap piigap Israel eng' muguleldanyi eng' taitap Kamuktaindet ne Toroor kotugul.

KAITOSYEK 27:21

Ingotonon ineendet eng' taitap Eleazar tisiindet, si koteepchi ineendet kandoiset eng' taitap Kamuktaindet ne Toroor eng' kirwoogetap Urim. Eng' ng'olyoondennyi ko mandoi ak kaweeksei ineendet ak piigap Israel, agot tuiyet komugul.”

JAKOBO 1:5

Ago ngot kobetyi chii age tugul eng' okweek utaatyet, ko ingosoom Kamuktaindet, ne igoochin tugul eng' aiyebindo ama kere kong'; ak kigoochin ineendet.

JOSHUA 9:13

Kileelach lolotinwechu kiga kinyiit divaik ak ko nguno ko ki kogereeris. Ki koosegitu ngoroikyok ak kweonikyok amu panda ne kooi kot.”

KIRUOGIK 1:1

Kingo pata meetap Joshua, koteepse `piigap Israel Kamuktaindet ne Toroor kole, “Ng'oo ne tai ne togostoi si kobargei ak Kanaanik agobo acheek?”

KIRUOGIK 20:18

Ki ng'eetyo piigap Israel kotogosta Bethel, ole kiteebe Kamuktaindet kiit ne kanyool koyai. Ak ki le, “Ng'oo ne sip kotogostoi koba kobargei ak lagogap Benjamin?” Ak ki le Kamuktaindet ne Toroor, “Judah ne indoi.”

KIRUOGIK 20:28

ak kitonone taitap moingonooto Phineas, weeriitap Eleazar, weeriitap Aron, eng' peetuusyechooto,) koleenji, “Ta awe kogeny kebarge ak lagogap Benjamin tupchennyu, anan atebi?” Ak ki le Kamuktaindet ne Toroor, “Togoste, amu andoi ineendet eung'ung' mutai.”

1 SAMUEL 22:10

Kiteepsechi Ahimelek eng' Kamuktaindet ne Toroor agobo ineendet yeityo kogoochi amitwogik ak rotwetap chok ne ki po Goliat Philistindet.”