JOSHUA 9:14 - BUKUIT NE TILIL

¹⁴ Ak kiam ichek amitwogikab bichoto, ama teeb ng’omnatet kobun kutitab Jehovah.

Bukuit Ne Tilil

¹⁴ Ki am icheek amitwogigap pichooto ama teep ng'olyoo kobun kutitap Kamuktaindet ne Toroor.

BUKUIT NE TILIIL Sireet ne Dutero Kanon

¹⁴ Ki am icheek amitwogigap pichooto ama teep ng'olyoo kobun kutitap Kamuktaindet ne Toroor.

JOSHUA 9:14 Referencias Cruzadas

2 SAMUEL 2:1

Ak kingobata tuguchuto koteebe Daudi Jehovah kole, Atogoste awe age eng’ nganasokab Juda? Ak kilenji Jehovah inendet, Togoste. Ak kile Daudi, Atogoste awe ano? Ak kilenji, Ui Hebron.

2 SAMUEL 5:19

Ak kiteebe Daudi Jehovah kolenji, Awe kebargei ak Pilistik? Indoi ichek eunnyu? Ak kilenji Jehovah Daudi, Togoste: amu andoi iman Pilistik eung’ung’.

EZRAH 8:21

Ang’at anyun karugutetab ge, eng’ ainetab Ahaba, si kobiit kiming’inge eng’ taitab Kamuktaindennyo, kecheng’ eng’ inendet oret ne litit, eng’ achek, ak lagokyok, ak ne bo tugukyok tugul.

KOMONG'U 28:30

Ak inde ngorionoto bo teget ne bo kiruoget Urim ak Tumim; ak kotebe choto muguleldab Aron, ye mandoi taitab Jehovah; ak koibei Aron kiruogetab lagokab Israel eng’ muguleldanyi eng’ taitab Jehovah kotugul.

KAITOSYEK 27:21

Ak kotonon inendet eng’ taitab Eleasar tisiindet, si koteepchi inendet kandoiset eng’ taitab Jehovah eng’ kiruogetab Urim: mandoi eng’ ng’olyondennyi, ak komong’u eng’ ng’olyondennyi, inendet ak lagokab Israel tugul, agot tuiyet komugul:

JAKOBO 1:5

Ago ngot kobetyi chi age tugul eng’ okwek ng’omnatet, ko ingosom Jehovah, ne igochin tugul eng’ aiyebindo ama kere kong’; ak kigochin inendet.

JOSHUA 9:13

ak ki leelach lolotinwechu kiga kinyiit divaik, ak ogeero, kigogereris: ak kigoosegitu ngoroichuchok ak kweonikyok amu banda ne koi kot.

KIRUOGIK 1:1

Ak kingobata meetab Josua, koteebe lagokab Israel Jehovah kole, Ng’o ne togostoi korok si kobargei ak Kananik agobo achek?

KIRUOGIK 20:18

Ak king’eetyo lagokab Israel kotogosta Bet-el, ak kiteebe Kamuktaindet kit ne kanyol koyai; ak kile, Ng’o ne sib kotogostoi koba kobargei ak lagokab Benjamin? Ak kile Jehovah, Juda ne indoi.

KIRUOGIK 20:28

ak kitonone taitab moingonoto Pineas, weritab Eleasar, weritab Aron, eng’ betusiechoto,) kolenji, Ta awe kogeny kebarge ak lagokab Benjamin tupchennyu, anan atebi? Ak kile Jehovah, Togoste; amu andoi inendet eung’ung’ mutai.

1 SAMUEL 22:10

Ak kiteepsechi eng’ Jehovah agobo inendet, ak kogochi inendet amitwogik, ak kogochi rotwetab chok ne ki bo Goliat Pilistindet.