DANIEL 2:28 - Bukuit Ne Tilil

²⁸ ago mi Kamuktaindet kipsengwet ne ng'aanyei ung'ootik, ak kagoboorchi Laitoryat Nebukadnezar tuguuk che tuun piitu eng' peetuusyek che po let. Karwotitoeng'ung' ak ng'ang'utik che ki pwa meting'ung' eng' itogung'ung' ko chu:

BUKUIT NE TILIL

²⁸ ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

DANIEL 2:28 Referencias Cruzadas

TAUNET 40:8

Koleenji icheek ineendet, “Kogirwotyi karwotitoet, ak ma mi chii ne imuuchi koboorwech ole teptoi.” Ak koleenji Joseph, “Tos ma po Kamuktaindet weekset? Kaigai anyun omwaiwo.”

TAUNET 41:16

Ki wolji `Joseph Pharaoh koleenji, “Ma pota anee; igoochin `Kamuktaindet Pharaoh waluunet ne po kaalyeet.”

TAUNET 41:25

Yeityo koleenji `Joseph Pharaoh, “Agenge karwotitoetap Pharaoh. Kagoboorchi `Kamuktaindet Pharaoh kiit ne machei si koyai ko neegit.

TAUNET 49:1

Yeityo koguur `Jakobo weeriikyik ak koleenji, “Oyumgei tugul, si kobiit aboorwok tuguuk che tuun pwonjinok eng' peetuusyek che po let.

TIENWOGIKAL 115:3

Miitei Kamuktaindennyo kipsengwet; yaei ineendet kiy age tugul ne machei.

ISAIAH 2:2

Kimitu eng' peetuusyek che po let, tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak tuun pwaanjin olooto pororyosyek tugul.

JEREMIA 10:7

Ng'oo ne ma iywein, ee Laitoryatap pororyosyek? Nyoljinin toroornatet amu ma mi ne uu inyee eng' piik tugul che utaatiin che po pororyosyek, ak eng' pounatosyekwak tugul.

JEREMIA 30:24

Ma weeksei nereegek che ng'woneen che po Kamuktaindet ne Toroor agoi koyai kogees, agoi koyai magutigap muguleldanyi kosulda: oguitosi ng'olyoondoniito eng' peetuusyek che po let.

JEREMIA 48:47

Ago aweechi kogeny luulenigap Moab eng' peetuusyek che po let, mwaei Kamuktaindet ne Toroor. Tee nooto anyun kirwoogetap Moab.

EZEKIEL 28:3

keero, ii ng'oom isiir Daniel; ma mi ung'ootyet ne imuuchi icheek koung'enen:

EZEKIEL 38:16

ak obwa obargei ak piikyuk Israel, ko uu pooldet ne tuchei emet; amutun eng' peetuusyek che po let obwa obargei ak emennyu, si kobiit konaa pororyosyek, ye tuun aegu ne itabaanat eng' inyee, ee Gog, eng' tainnywa.

EZEKIEL 38:8

Kibwonjinin ko kagosiirto peetuusyek che chaang': iite eng' kenyiisyek che po let emet ne ki kiweegune rotwetap chok, ne ki kiweech eng' pororyosyek che chaang', eng' tuloonoogap Israel, ne kiga koguber peetuusyek che chaang': ago ki kiweech komong' eng' pororyosyek ak komeng'iis tugul eng' chametapkei.

DANIEL 1:20

Eng' kiit age tugul ne po utaatyet ak naet ne ki kateepse `laitoryat pichooto, ko ki keer anyun ineendet kole siirei `pichooto konyil taman piik tugul che ng'oomen, che ng'oorsei, ak ng'amotigap kecheik che ki mi pounatennyi tugul.

DANIEL 10:14

Kanyo anyun si kobiit aboorun iguiye tuguuk che tuun pwaanjin piiguk eng' peetuusyek che po let, amu po ng'ang'utyet peetuusyek che chaang'.”

DANIEL 2:18

si kosoom rireenosyegap Kamuktaindetap kipsengwet agobo ung'ootyoni kole si ma ki par Daniel ak choronokyik kobooto piik alak che ng'oomen che po Babilon.

DANIEL 2:22

Ng'aanyei tuguuk che looen ak ko ung'ootiin. Ingen tuguuk che mi mesundeito, ak komenyei lapkeiyet kobooto ineendet.

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 2:45

ko uu ye koigeer ile ko ki ep koita ne komi tulweet ama eng' eunek, ak kotuatui karnet, sugunwet, meneet, fedha, ak thahabu. Kagoboorchi `Kamuktaindet ne oo laitoryat tuguuk che tuun piitu let. Po iman karwotitoet ak kosuldoi kaarorennyi.

DANIEL 2:47

Kowolji `laitoryat Daniel koleenji, “Iman, Kamuktaindeng'wong' ko Kamuktaindet ne pou kamuktaik, ak ko Kiptaiyatap laitorinik ak ng'ang'indetap ung'ootik, amu kaimuuch ing'aany ung'ootyoni.”

DANIEL 4:5

Ki arwotyi karwotitoet ne ki imua; ak ki ima kabwaatutik ak ng'ang'utik che ki pwanjo ami itogunnyu.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

AMOS 4:13

Amu, keero, ineendet ne yaei tuloonook, koyaei usoonet, ak komwachin chii kabwaatennyi, ineendet ne yaei karonet koimenit, ak kotyechei komoswek che torooreen che po ng'wony; kainennyi ko Kamuktaindet ne Toroor, Kamuktaindet ne po lugoosyek.

KAITOSYEK 24:14

“Kawe nguno ole mi piikyuk, ago nyoo anyun amwaun kiit ne itoi `pichu piiguk eng' peetuusyek che po let.”

MATAYO 6:9

Nooto anyun osaa ko uu ni: “Kwandanyo ne mi kipsengwet; Ingoloosunok kaineng'ung'.

NG'ATUTIK 31:19

“Osirchigei anyun nguno tyeni, si ineet piigap Israel. Inde kutusweekwak si koek paoryandennyu tyeni agobo piigap Israel.

NG'ATUTIK 4:30

Ak ye imiitei nyalilda, ak kobwonjin tuguuchu tugul, iweekyigei Kamuktaindet ne Toroor Kamuktaindeng'ung' anyun eng' peetuusyek che po let, ak igas kutinnyi.

2 TIMOTEO 3:1

Ago nai ni ile pwoonei eng' peetuusyek che po let egosyek che pichiien.

HEBRANIK 1:1

Kamuktaindet, ne ki ng'alaalji kwanisyekyok keny eng' maotik, eng' kebeberwek che chaang' ak eng' ortinwek che chaang',

2 PETERO 3:3

korook, ongen ole tuun pwoonei chombilik ak chombilisyet eng' peetuusyek che po let, che isubi maguutikwak,

NG'ANG'UTYET 1:1

Ng'ang'utyet ne po Jeso Kristo, ne ki igoochi Kamuktaindet ineendet koboorchi otwogikyik tuguuk che piitu kochogu ne matiny. Ki iyook `ineendet malaikaiyandennyi kole koboorchi kiboityondennyi Johana,