DANIEL 2:27 - Bukuit Ne Tilil

²⁷ Kowol Daniel eng' taitap laitoryat kole ung'ootyet ne kateep laitoryat koma imuuchi piik che ng'oomen, anan ng'amotigap kecheik, anan piik che ng'oomen che ng'oorsei, anan chepsogeinik, koboorchi laitoryat,

BUKUIT NE TILIL

²⁷ Kowol Daniel eng’ taitab laitoriat, kole, Ung’otiet ne kateeb latoriat ko maimuchi bik che ng’omen, anan ng’omotikab kecheik, anan bik che ng’omen che ng’orsei, anan kipsogeinik, koborji laitoriat;

DANIEL 2:27 Referencias Cruzadas

TAUNET 40:8

Koleenji icheek ineendet, “Kogirwotyi karwotitoet, ak ma mi chii ne imuuchi koboorwech ole teptoi.” Ak koleenji Joseph, “Tos ma po Kamuktaindet weekset? Kaigai anyun omwaiwo.”

TAUNET 41:8

Kingo eech karon, koiimgei eng' muguleldanyi, ak ki iyookto keguur Siriik tugul che ng'oomen che po Misiri, che ng'oorsei, ak piik tugul che ng'oomen che ki miitei. Ki tetyi `Pharaoh icheek karwotitoennyi, ago ki ma piit chii ne ki imuuch koguiyechi Pharaoh karwotitaosyekyik.

ISAIAH 19:3

Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

ISAIAH 44:25

Ne walei tartetap kiplembechonik koek puch, ak kogoochin che ng'oorsei koiiywenso; ne weechi piik che utaatiin koba let, ak koyaei naennywa koek perberyo:

JEREMIA 10:7

Ng'oo ne ma iywein, ee Laitoryatap pororyosyek? Nyoljinin toroornatet amu ma mi ne uu inyee eng' piik tugul che utaatiin che po pororyosyek, ak eng' pounatosyekwak tugul.

DANIEL 1:20

Eng' kiit age tugul ne po utaatyet ak naet ne ki kateepse `laitoryat pichooto, ko ki keer anyun ineendet kole siirei `pichooto konyil taman piik tugul che ng'oomen, che ng'oorsei, ak ng'amotigap kecheik che ki mi pounatennyi tugul.

DANIEL 2:2

Ki ng'at anyun laitoryat keguur piik che ng'oomen, che ng'oorsei, ng'amotigap kecheik, pooniik ak Kaldeik si komwachi laitoryat karwotitaosyekyik. Ki pwa anyun ko ak kotononso eng' taitap laitoryat.

DANIEL 4:7

Ki pwa anyun piik che ng'oomen che ng'oorsei, ng'amotigap kecheik, Kaldeik ak chepsogeinik. Ki amwachi icheek karwotitaonooto, ago ma imuuch koarorwo.