DANIEL 2:11 - Bukuit Ne Tilil

¹¹ Ni ka teep laitoryat ko kiit ne ma po kotugul, ama mi age ne imuuchi koboorchi laitoryat kobatee kamuktaik che meng'otennywa koma menyei ak piik.”

BUKUIT NE TILIL

¹¹ Ak ko kit ne ma bo kotugul ni kateeb laitoriat, ama mi age ne imuchi koborji laitoriat, kobate cheptalelisiek, che mamenyei ak bik.

DANIEL 2:11 Referencias Cruzadas

TAUNET 41:39

Ki leenji anyun `Pharaoh Joseph, “Amu kagoboorun Kamuktaindet chooto tugul, ma mi anyun chiito ne tinyei naet ne nin ak utaatyet ko uu inyee.

TAUNET 41:8

Kingo eech karon, koiimgei eng' muguleldanyi, ak ki iyookto keguur Siriik tugul che ng'oomen che po Misiri, che ng'oorsei, ak piik tugul che ng'oomen che ki miitei. Ki tetyi `Pharaoh icheek karwotitoennyi, ago ki ma piit chii ne ki imuuch koguiyechi Pharaoh karwotitaosyekyik.

1 LAITORINIK 8:27

“Ago tos meny Kamuktaindet ng'wony iman? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

2 ATEPTAP PEETUUSYEK 6:18

Ago tos menyei Kamuktaindet ak piik iman eng' ng'wony? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

TIENWOGIKAL 132:14

Yuto ko komosta ole amuung'e koigeny; atebee yuto; amu ki amach.

TIENWOGIKAL 68:18

Ki itogoste parak, ki imut luulenik che ki iluul; Ki itaach piik koek kagoochinoik, Ee, agot ngelelik ak icheek, si kobiit komeng'iis Kamuktaindet ne Toroor.

KOMONG'U 29:45

Amenye kwenutap piigap Israel ak aegu Kamuktaindennywa.

KOMONG'U 8:19

Ki mwachi anyun pichooto ng'oomen che ng'oorsei, Pharaoh, koleenji, “Ni ko mornetap Kamuktaindet ne Toroor. Ki uiit muguleldap Pharaoh, ak ma kas icheek ko uu ye kiga mwa Kamuktaindet ne Toroor.”

ISAIAH 47:12

Tonon anyun nguno itinye ng'oorsosyek, kobooto chaang'indap orgoinatosyeguk, che ki ibirtochigei kobooch ko ii ming'in; ngo tos imuuchi inyoorunee kelunet, ngo tos imuuchi iterteerisye.

ISAIAH 57:15

Amu mwaei ko uu ni Ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 8:18

Ogeero, anee ak lagok che ki koono Kamuktaindet ne Toroor ko ki kaboorunoik ak kwang'utik eng' tugul, che punu Kamuktaindet ne Toroor ne po lugoosyek, ne menyei tulweetap Zion.

DANIEL 4:4

Ki amunyi anee Nebukadnezar eng' koonnyu, ak atalbisi eng' koonnyu ne po laitornatet.

DANIEL 5:11

Miitei chiito eng' pounateng'ung' ne menyei tamirmiryetap kamuktaik che tiliileen. Ki kinyoorchi chiichooto eng' peetuusyegap kwandang'ung' lapkeiyet ak naet ak utaatyet, ne uu utaatyetap kamuktaik. Ki inde `kwandang'ung', Laitoryat Nebukadnezar ineendet koek kiptaiyatap piik che ng'oomen che ng'oorsei, ng'amotigap kecheik, Kaldeik ak chepsogeinik;

JOEL 3:21

Ak aanyiny korotiikwak che tomo aanyiny: amu menyei Kamuktaindet ne Toroor Zion.

KAITOSYEK 35:34

Ameng'wanit anyun emet ne omenye, ne atebee agane; amu anee, Kamuktaindet ne Toroor, atebee kwenutap piigap Israel.”

MATAYO 19:26

Ago ki keer Jeso icheek ak koleenji, “Ma imugaksei ni eng' piik, ago imugaksei tuguuk tugul eng' Kamuktaindet.”

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 14:17

nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;