DANIEL 2:10 - Bukuit Ne Tilil

¹⁰ Kowol Kaldeik eng' taitap laitoryat kole, “Ma mi chii ng'wony ne imuuchi koboor ng'olyoondonooto po laitoryat! Ma mi laitorya, agot nda oo anan ko kiim ne kiga koteebei kiy ne uu nooto chii age tugul ne ng'oom, ne ng'oorsei anan ng'amotyotap kecheik anan Kaldeindet.

BUKUIT NE TILIL

¹⁰ Kowol Kaldeik eng’ taitab laitoriat kole, Mami chi ng’ony ne imuchi kobor ng’olyondonoto bo laitoriat: amu mami laitoriat, anan chi ne o, anan ribindet ne kiga koteebe kit ne u noto chi age tugul ne ng’om ne ng’orsei anan ng’omotiotab kecheik anan Kaldeindet.

DANIEL 2:10 Referencias Cruzadas

ISAIAH 47:13

Ki ing'eet eng' chaang'indap kirwoogutiguk: ingotononso anyun ng'amotigap kecheik, ak keerigap kecheik, ng'amotigap arawet age tugul, kosaruun eng' tuguuk che pwonjinin.

DANIEL 2:2

Ki ng'at anyun laitoryat keguur piik che ng'oomen, che ng'oorsei, ng'amotigap kecheik, pooniik ak Kaldeik si komwachi laitoryat karwotitaosyekyik. Ki pwa anyun ko ak kotononso eng' taitap laitoryat.

DANIEL 2:27

Kowol Daniel eng' taitap laitoryat kole ung'ootyet ne kateep laitoryat koma imuuchi piik che ng'oomen, anan ng'amotigap kecheik, anan piik che ng'oomen che ng'oorsei, anan chepsogeinik, koboorchi laitoryat,

DANIEL 3:8

Ki riik anyun eng' sainooto Kaldeik alage koip kataamset ne kitaame Yahudik.

DANIEL 4:7

Ki pwa anyun piik che ng'oomen che ng'oorsei, ng'amotigap kecheik, Kaldeik ak chepsogeinik. Ki amwachi icheek karwotitaonooto, ago ma imuuch koarorwo.