Revelation 3:18 - Hawa Naga Bible 2001

¹⁸ Kvkhoc rvtueq mnoz rungwanx wvnc muex wvr maq vtvyuimx kuimshawx muik shauk kvmuinz, mnoz sawkumx miqyvlc vsac miq htumc nuex httax muq juing puingc tvy tvkoc mnoz rueq khelc svmc muex vluiz khoz vkhvy htenc kvmuinz, muik maq khic wvnc muex nyvt juing phumz kvmuinz, ngvy kox wawc rez tvkoc ngaz rueq mnoz muex kvmungx kuq vphaungx.

ASII LAKDAP Bible (BSI)

¹⁸ Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.

Muklom

¹⁸ Eshirangma tanglom angma, wal o sot chol hun aa cha ri, iching wang ri phu ta nga nang ma batphang; etho nang hansang wang rakri ang moq angma usam eq ma apung khat shi iching wang ri phu. Etho nang aa jin khi eq u tha ba miik o jik ma ujik phan iching wang ri phu.

Revelation 3:18 Referencias Cruzadas

Tvtsvmc 107:11

Yvmx khoc lac ngoz ruiux lec tsuingshiq rueq Tvphaungc Tvsuip Tishox nvrc bomc kuex khawx lvlx gay ruiux, vpiq rueq tvhonc tvtharc yaq htenc kuex tvdux gay ningkhvnc nuex rvtueq.

Tvtsvmc 16:7

Yehowa rueq ngaz muex lvmx shvlc kuy ningkhvnc nuex ngaz rueq vpiq muex tvtsvmc vshaungx, vhvlx vbac thvl httauk thuinz rueq raungwvrx nuex ngaz muex honc tvsvmz kuq yaq.

Tvtsvmc 32:8

Yehowa rueq, “Mnoz rueq phvnc juing lvmx ngaz rueq tvluing kuq phaungx, ngaz rueq mnoz muex tharc jungx kuq ruiux shvlix lawx kuq phaungx.

Tvtsvmc 73:24

Mnoz rueq ngaz muex tharc jungx kuq ruiux lvmx shvlx kuq vtueq, mnoz rueq ngaz kuex vtvsuip nuex tvtsanc nganc vtueq lvp wvnc phux.

TAKSU LAK 1:25

Ngaz rueq honc jungx kuq phaungx htenc kuex mnoz rueq bvlvmc lawc muq maq, ngaz rueq tvtharc phaungx kvjaz muinz mnoz rueq tay roc muq.

TAKSU LAK 1:30

Mnoz kuex ngaz rueq tvhonc tvtharc phaungx tueq ngaz rueq tharc jungc kvjaz kuex mnoz rueq mkaq muinz roc muq, yvmx muinz bvlvmx lawx muq rvtoq.

TAKSU LAK 19:20

Honc vtharc jungc kuy kvjaz kuex phvnx vtueq tvluingc roc thuinz httaz jix waz kuex, raungnuiyq shishiz wvtharc waz muex yaungx tuiux.

TAKSU LAK 23:23

Vtsuing vrux, taksux tharc, tvluingc laungc nuiyc vtuiuz vtay htenc kuex vhtawz vrawz kuq vtueq rez aungx yaq, yuq muinz kvruex kuex vhtawz tsanc hvlc ningkhvnc nuex phaq tvwawc rvtueq.

THARC TVLUINGC 8:2

Hokhvmx waz rueq jungx yaq rulc rv-ngvlc shuimx shuinz, Tishox muex tvtuiuz tvruiuz bomkhvmc yvmx muinz nauk kuq.

ISAIA 47:3

Miq htenc rueq mnoz sawkumx kuex khiz wuez shuex; tsuingshiq rueq mnoz yomnamc gay rvhumc nuiyc yvlc svy rvhumc tuiux kuex khiz shuex. Ngaz rueq mnoz muex murx tvyez phaungx, ngaz kuex tvthauk lot jix vshiz muinz vguez,” ngoz tueq jungx tueq.

ISAIA 55:1

Yehowa rueq, “Khvmx svy jix ukhaq muinz, kaz luit, vyuq yuix vhttax! Kuimphox vguez jix hez lex, kaz luit, tuiuz vtsvmz kuex ruiyx saq shuinz! Kaz luit! Svpiq tix nuiyc puix kuex ruiyx shuinz, vhtawz vrawz nuimshiq sumx rac muq!

JEREMIA 13:26

Yehowa piq pumz maq mkhoz mkhvy htenc kuex put gay ruiux yvlc svy tvrvhumc kv-phux.

DANIEL 12:2

Vthueyc kay wuez miq paunghvlc muinz kvtenc yuing wvnc wuez tuex: wvyvmc kuex rullungx thuiuzthuic lvp wvnc shuex, wvyvmc kuex pattup yvlc svy rvhumc vtueq kuilc daz tuex.

Mikha 1:11

Shaphir miqsaz lex, miqyvlc vsac nuiyc sawkumx maq raz tueq vthuq wvnc rvhumc kuinz. Zaanan nuex httax yaq hez tsuingshiq ghaqyungx yuz phic nuex dung kaz khamc muq. Bethezel miqsaz htenc yonzyex tvruingc kuex mnoz rueq tay shuiux nuex, kvruex baung kvyuq kvwungx juing vguez kuex mnoz rueq tuiuz shuiux.

NAHUM 3:5

Tvphaungc Tvsuip Yehowa rueq, “Ninewe lex, ngaz rueq mnoz muex murx tvgurc phaungx! khoguez khvyguez tvyaungc vtueq miqphvnx ruip rawx muex tvlawc phaungx, mnoz yvlc svy rvhumc tuiux kuex mungx ruip rueq khiz wuez shuex.

MALAKI 3:3

Vpiq kuex kuimphox diq tvsawc jenx jix waz ikhoc httuiuc kaz vtueq khac phox shuex. Kuimphox nuiyc kuimshawx jenx jix waz rueq kuimphox nuiyc kuimshawx kuex jenx yaq ikhoc Yehowa kamx waz rueq shomc waz bix kuex tvsawc nawc shuex, kvkhoc ruez yaq lvmz kuex shomc waz bix rueq Yehowa kox nuex rvkhauk laz shomc kuy juing phvnx htenc kuex lvmc lvy tvkoc rvtueq.

Matthew 13:44

“Raungx Mungtan kuex vkhoc rvtueq, miq washiz rueq wuik nuex vluip taq tsak vnyvmx kuex humc vtueq httuiyq gay shec yek tueq tsak vnyvmx rulc rv-ngvlc yaq. Vkoz vkez thuinz maq kaz wvnc vtueq piq nuex httax yaq lotlaz kuex shaung gay ruiux kvruex wuik kuex ruiyx tueq.

Matthew 25:9

‘Wvtharc jix htenc rueq tvralc tueq, ‘Nuiyshiq tvkoc nuiyc nuimshiq tvkoc tauk kuex hungx muq rvtuex, vshaungc rvyaq kvwawc nuimhez tvkoc ruiyx kaz kuinz,’ ngoz tueq.

Luke 12:21

Yesu rueq vtvsuip jungx tueq, “Miqmac tvkoc tsak vnyvmx tvyoalc taq ruiux, Tishox htumc nuex lvp muq luz muq jix waz kuex kvruex luiz waungx waz rulc rv-ngvlc tuex,” ngoz tueq jungx kuq tueq.

2 Corinthians 5:3

Kvkhoc svmx lvp shix kvkaq naungshiq kuex shauk gvnz vguez muex yaungx tix rvmuq.

2 Corinthians 8:9

Nuimshiq rueq naungshiq Taungjix Yesu Christu kejux lvmx kuex tuiuz vshuinx rvtueq; vpiq kuex rungwanx hvlc waz rvkoq yuq muinz nuimshiq tvkoc vpiq shauk pumz kuex htemc saz tvyaungc tueq, vpiq kuilc daz rvhumc ningkhvnc nuex nuimshiq rungwanx wvnc tuit.

1 Timothy 6:18

Vhvlx shuimc kay tvkoc muinz, vhvlx yauk shuimc nuex rungwanx wvnc tvkoc muinz, miq vganc muex phvlc shuinc kuy lvmz nuex muinz, hungx laz htaungx laz kuy tvkoc tvyoalc yoalx maq mhttax wuez kueq tsuingshiq muex jungphvnx kuq shuiuz.

James 2:5

Lungwawc phunox bix lex, tay wuez shuinz! Kvmluimx lvmx nuex rungwanx jix yaungx vtueq, vpiq muex lungwawc jix htenc muex kuq shaungx ngoz tueq bomkhvmc taq shec tueq raungx mungtan wawc tsak vnyvmx kuex lvp wvnc laung nuex Tishox rueq mungkawx vwawc htemc saz jix htenc kuex thvl wvnc tueq.

1 Peter 1:7

Kvkhoc taruiyx rvhumc lvmz kuex Tishox muex nuimshiq vsuing shuex kvmx vtuinx, kvmx muit lac kuex talc lawc tvkoc rvtueq. Tvbac gay lot yaq kuimshawx doc muinz wvr maq tvyuimx shuz lawc shix rvtueq, kuimshawx htauk nuex muinz vhtawz tsanc hvlc phvnx nuimshiq kvmluimx kuex phaungx ngaungx rawc nuex talc lawc rvhumc vtuinx rvtueq. Kvkhoc ngoz ruiux jix Yesu Christu httuiuc kaz tuex raungnuiyq nuex tvtsvmc kvmc lvmz, ngauz vngax nuiyc tvtsanc nganc kuex nuimshiq rueq lvp wvnc wuez shuinx.

Revelation 16:15

“Tay shuinz! Ngaz kuex vguiuq ikhoc httuiuc kaz taungx! Kvkhoc rvtueq sawkumx maq khuemshamx vtueq, miq htumc nuex yvlc svy rvhumc muq mruez kueq, kvtsaq hvt maq miqmac khoz vkhvy bvmc jix waz kuex thuinhvlx yaq.”

Revelation 19:8

Piq rueq svmc juing vluiz vsawc khvynyel maq piq shauk gvnz kvmarc tvkoc vkhangx lvp tueq shex.” (Kvruex khvynyel kuex Tishox miqsaz vhvlx honc vyaungc, shuimc vkay ngoc rvtueq.)

Revelation 2:9

Mnoz rvhumc toq kuilc daz nuiyc htemc vrvmc ngaz rueq tuiuz yaq; yuq muinz vsuing mnoz rungwanx vtuiux! Yuda miqsaz rvtauk ngoz tueq kv-ngoc ruiux, Yuda miqsaz rvmuq jix miqsaz htenc rueq mnoz yomnamc yaq honc vbac shummarc bomc jungphvnx yaq kuex ngaz rueq tuiuz yaq; vsuing ngoz ruiux tsuingshiq kuex Satan phungc wawc miqsaz htenc rvtueq!

Revelation 3:17

Mnoz rueq, ‘Ngaz kuex rungwanx vtaungx; ngaz muex rax yek yaq phvnx yvmx muinz vguez shex,’ ngoz tueq mnoz rueq jungx vshuiux. Yuq muinz miqmac mtanc khvnc lac kuilc daz vtix kuex menjenc sac yaq lvmx mnoz rueq tuiuz muq, mnoz kuex vjuk vkuix, muik mawz yaungx vtueq khoguez khvyguez httax vtuiux.

Revelation 4:4

Kvruex hoc daungraungc tvroz nuex daungraungc vganc roknueyc rac bvlic kuex ngaz rueq khiz tauk, kvruex daungraungc kvyuq vyungx vlaungx bix waz roknueyc rac waz bvlic ngaungc yaq, tsuingshiq rueq khvyluiz svmx vtueq kuimshawx kushec htenc kuex buz wuez tueq.

Revelation 7:13

Walaungx bix phungc wawc washiz rueq ngaz muex, “Vruex khoz vkhvy vluiz svmc jix hez kuex ukhaq lac, mnuex maq vkaz laz?” ngoz tueq wiz phuex.