Revelation 3:18 - ASII LAKDAP Bible (BSI)

¹⁸ Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.

Hawa Naga Bible 2001

¹⁸ Kvkhoc rvtueq mnoz rungwanx wvnc muex wvr maq vtvyuimx kuimshawx muik shauk kvmuinz, mnoz sawkumx miqyvlc vsac miq htumc nuex httax muq juing puingc tvy tvkoc mnoz rueq khelc svmc muex vluiz khoz vkhvy htenc kvmuinz, muik maq khic wvnc muex nyvt juing phumz kvmuinz, ngvy kox wawc rez tvkoc ngaz rueq mnoz muex kvmungx kuq vphaungx.

Muklom

¹⁸ Eshirangma tanglom angma, wal o sot chol hun aa cha ri, iching wang ri phu ta nga nang ma batphang; etho nang hansang wang rakri ang moq angma usam eq ma apung khat shi iching wang ri phu. Etho nang aa jin khi eq u tha ba miik o jik ma ujik phan iching wang ri phu.

Revelation 3:18 Referencias Cruzadas

Tvtsvmc 107:11

tsangshiq raq Ningkun Ajong Shiikeawe aming thun jinto raüta apaiq tsü chong taimak shummiito.

Tvtsvmc 16:7

Ngi raq Tatiwe tiitsam tiikang, jamkhano ngukla apaiq raq ngi shunsheatlo, kiimaq rawa na imong jii raq hon tlamtlo.

Tvtsvmc 32:8

Tatiwe raq ngutlo, “Ngi raq ümniima mishrinkuq kang jamkha khum chang wa; ngi raq tsii michongkuq kang kiimaq midanhon kuq kang.

Tvtsvmc 73:24

Ümniiraq ngi ka hon atsii chongkuq wan wan maq tiichhan chhi wan laü laüta atiisup na ümniiraq ngi ka shreng laüta mitao wan haü.

TAKSU LAK 1:25

Ümniiraq itsii chong shishe wan laü, kiimaq ümchuwa tsat-son wan kang, kra wiita tai maü tlea wanlaü;

TAKSU LAK 1:30

Ümniiraq ümtiikiimin, itsii chongke tai wan romaü riilaü, kiimaq ümchuwa tsat-son wankang kra, jangshi min taiwan maü shishe wan laü.

TAKSU LAK 19:20

Hon atsii chongkuq tlaq, kra samhea tiitsang tailaq. Raüla ümnaq maiqshaq ma mija haü.

TAKSU LAK 23:23

Tengteng, nyan phaqchi, asaptsin, kiimaq taksu tsii, arka athii tsinhea maq richang. Arka rahea phan maiq ma naqshakiq,

THARC TVLUINGC 8:2

Hokham aming ka lang laq. Shiikeawe man na taü laükhiq kiq naqkhamkiq.

ISAIA 47:3

Maiq raq ümniika naiqhü ma she michhi; tsangshiq raq ümniika jea ngaü laüta munjuk mijuk she michhi. Ngi raq phuk milamha, kiimaq jurmin Ngi ka shiikhinglot mak.”

ISAIA 55:1

Tatiwe raq ngutlo, “Warong ra, loweatek khamnyangtsiti— arjaq kham asi! Warong ra, namshiq kampho ahüt— püwong ka ri lantea phaq ronglaq! Warong ra! spiqtai nai minsaü pü ka rilanta nyang ronglaq— namshiq ma rihü maq kuqtlo!

JEREMIA 13:26

Tatiwe apaiq jaq maq ümkhum wa khu akhea ka michhut baiq. Raüta ümniika naiqhü maq jea mitiingaü.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

Mikha 1:11

Saphir chelati lei, khaiqhü naiqhü warong lüna, Rewa shumwikong ma jalanta, khushü jampaqpaq maq warong laq. Janan chelati lei, chela mongwa naq dong rongkiq, Bethejel chelati hoq trangtlo, Tsangshiq sichang ba ahü.

NAHUM 3:5

Tati Ningkun Ajong Pinthumwe raq ngutlo, “Ninewi lei ngi raq ümniika, atiichamchao she mirha! Ngi raq ümnaiq kiimin achhut she mirbaiq ha! Lata maiqmung wiita man na, jea tiingaü mitiichap pha;

MALAKI 3:3

Apaiq ka, maiqse khaphokai miki. Apaiq raq kampho ngam ka khi wa na tiiqwe raq tiikhiim raüta tiijo tlaq, raüta abi ashe jinpü ka tiidoq bukbaiq tlaq ikha, maiqse kiimin michen wan. Kiimaq jatiiqti raq kampho ngam nai chaq ngam bu ka tiikhiim chaq tlaq ikha, raüta ashe ashi jinpü ka sintu maq tiihiip tiiqbaiq tlaq ikha Tatiwe kiimwe raq ramwebi ka mitiiq wan. Raüta asii ramwebi miishe mitiija wan. Kra tiisii tiiq wan tlaq krai mren ramwebi raq tsangshiq khum ka asii miishe Tatiwe ma asii honglu she mikuq wan.

Matthew 13:44

“Ramungtan ngutlaq ka akha: Maiq weshi raq wak jam na longseng po kaü ashi humratto. Kra hum raüta, apaiq raq kra samhea wiq maq apang raüta thüto. Raütiishe apaiq ka chochikhiq ajam na waraüta, ajam kun wa tachong wiira hupsam ümchuwa sitlaq kra sha raüta, kra kampho maq kra wak dam kriishe riwanto.”

Matthew 25:9

‘Ahü, nashiq tarü miika loq mak miraq. Namshiq ka kat wa riki rongkiq’ nguta treto.

Luke 12:21

Kiimaq Jesuq raq bom ka akha shatto, “Ara chong tiikang akhiisii maiq juwa han-ngam niili rongboq win tlaq, shatmaq, Shiikeawe maklii na, miitsan sitlaq, kriiti thun ka athum mirki.”

2 Corinthians 5:3

Kriishe nashiq ma tiisamkuq raüla, nashiq ka khum ahü miika simai she.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

1 Timothy 6:18

Tsangshiq ma, shamhea kaihea kli apapa sham ronglaq nguta aming kuq laq. Shamhea kaiwa na tsangshiq ka chiithe jawan ronglaq nguta aming kuq laq. Phanrap na tsan achhü maq, maiq ma keke neinei angu na, kiimaq nanok rai riiphea riinyin raüta si ronglaq nguta chongkuq laq.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 19:8

Junrii nyung miika siirairai hea namrai khea miirii akekun she!” (Ara namrai khea miirii arka Shiikeawe sengi raq, asii jaqsham wantaq thun kra riito.)

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Revelation 3:17

Namshiq ka, ‘Ngi ka chiithe kiimaq rongboq; ngi ka winta sitiikang,’ nguta tiishom ra rai tlan. Shatmaq, namshiq raq, maiqmii ka thümse sang, kiimaq tiinan miishan sitiikai nguta heman! Namshiq ka miitsan, makchuk, kiimaq kheahü sitlan.

Revelation 4:4

Hokham ngacho komtam na, hokham ngachang ngacho ahin ka roqnai ri blai asi. Kiijaq nyungwere shiilangbi roqnai ri weblai ngaraqraq riito. Tsangshiq miirii ka alü, kiimaq tsangshiq ka chaq khuphok phok raq raq.

Revelation 7:13

Kiijiishe, nyungwere phong wa weshi raq, “Ara khealü miirii samtong jong samraqraq maiqkong ara juwa? Tsangshiq ka ümriibati wa?” nguta ngi ma waito.