Biblia Todo Logo
La Biblia Online
- Anuncios -




Revelation 3:19 - Hawa Naga Bible 2001

19 Ngaz rueq ngaz lungwawx vshaungx jix lotlaz muex tvhonc tvtharc vtueq murx tvgurc vshaungx. Kvkhoc rvtueq mnoz thuinz hungc tvyungc ruiux thuinz layc lvp shuiuz.

Ver Capítulo Copiar

ASII LAKDAP Bible (BSI)

19 Ngi raq lungwii tiikangti ka atiitsii ma, ason atsea riitiikang. Arkha maq chong tiipha. Ümchaü min, namshiq ka ngarai lam wa jang wan tlo ronglaq.

Ver Capítulo Copiar

Muklom

19 Nga utang ma tinma ang, ning thaji ma nga uqhat nia tharotasam kot ang. Eshirangma jaqhal eq sam inn etho tin kaley inn.

Ver Capítulo Copiar




Revelation 3:19
31 Referencias Cruzadas  

Ngaz kuex vwaz muex yaungx ruiux piq kuex isaz muex yaungx tuex. Piq rueq vyaq shuimx ruiux yuq, vwaz rueq vsaz muex murx tvgurc yaq ikhoc ngaz rueq piq muex murx tvgurc shaungx.


Tishox rueq tvtharc rvhumc jix waz kuex thuinhvlx yaq! Vpiq rueq mnoz muex tvtharc ruiux yuq nauk khaq kaz.


Mnoz rueq tvhonc tvtharc vshuiux lvmx htenc kvmaq nuiyshiq mvrax htenc kuex mnoz rueq murx tvgurc toq, piq rueq lungwawx yaq phvnx kuex vyung rueq tvbac gay yaq ikhoc mnoz rueq tvbac gay toq. Vsuing miq vshiz kuex nyuip dung yaq raungguil vshiz htauk nuex muinz vjvnc rvmuq!


Yehowa lex, thuinz tvkhaq vtueq ngaz kuex nauk tvtharc vkueq! Mthuinz khvy maq ngaz muex murx nauk tvgurc vkueq!


Mshomc Yuimx ngvy thuinz rvwak yaq kuex wvr ikhoc thuinz vmungx nuex luic yaq; mnoz muex shummarc yaq kvjaz kuex ngvy htauk nuex kvdaungc yaq.


Vpiq rueq miqphvnx htenc muex tvtharc yaq, vpiq rueq tsuingshiq muex murx tvgurc muq haz rvshvnx? Vpiq kuex miqsaz lotlaz muex tvluingc kuy jix waz rvtueq, vpiq kuex phaqjic httax muq haz rvtvnx?


Vyaq yauk shuimc kuex mnoz rueq shuimx ruiux yuq, daungdaungx murx tvgurc rvhumc tuiux; mshauk pumz kuex tvhonc tvtharc rvhumc muq ngoz ruiux yuq vthueyc rvtuiux.


Tvluingc lvmz kuex mnoz rueq tvdux gay ruiux yuq, mshauk pumz tvthuiuz sac rvtueq. Tvhonc tvtharc kvjaz mnoz rueq lvp wvnc ruiux kuex tharc httaz hvlc miq muex mnoz yaungx wvnc tuiux.


Nosaz rulc rueq wvlc guez waqguez maq vbac shuimx kaz yaq kuex vmvnz vrvnz rvtueq, yuq muinz vwungc vthvy raz tueq tvtharc ruiux yuq honc vyaungc vhvlc rvwvnc tuex.


Yehowa lex, mnoz rueq mmiqsaz htenc muex murx tvgurc vshuiux, tsuingshiq kuex pinhtumc kuilc daz vtueq mnoz kox wawc vjux thoz wuez tueq.


Yehowa lex, mmiqsaz htenc kuex tvtharc shuiuz, yuq muinz, nuiyshiq htauk nuex tvrac raraz tsatsaz ruez shuiuz; mnoz khaq ruiux yuq nuiyshiq muex murx nauk tvgurc vkueq; kvruex kuex nuiyshiq vtvsuip shex yaungx tuex.


Ngaz rueq nuimshiq muex murx tvgurc ruiux muinz vbac; nuimshiq muex tvhonc tvtharc kuex nuimshiq rueq roc muit. Pinhtumc khaq yaq hangsic ikhoc nuimshiq rueq nuimshiq shvmmax bix kuex thvt gay wuez tuit.


Ngaz kuex nuimshiq kox nuex kaz vtueq palc wvnc phaungx. Ngaz rueq nuimshiq tvpanc gay phaungx htenc wawc miqphvnx lotlaz kuex tvbac gay shaungx, yuq muinz ngaz rueq nuimshiq kuex tvbac gay mauk. Ngaz rueq nuimshiq kuex murx tvrvhumc mauk maq httvr mauk; yuq muinz ngaz rueq nuimshiq muex murx tvgurc ruiux yuq, ngaz rueq menjenc phaungx. Ngaz, Yehowa rueq jungx vshaungx.”


“Ngaz rueq Israel miqsaz rvjungc yaq yonzyex tvruingc kuex tay tauk, ‘Yehowa lex, nuiyshiq kuex tsvy hvlc ngvmx saz ikhoc yaungx kaz vtix, yuq muinz nuiyshiq rueq phvnc tvkoc mnoz rueq tvluing kuq phux. Nuiyshiq kuex shvlx wvnc yek koq; nuiyshiq kuex Yehowa nuiyshiq Tishox kox nuex yek tvkoc tvyoalc yoalx rvtiq.


Mnoz rueq tsuingshiq kuex tsuingshiq Yehowa Tishox kvjaz phvnx vtueq, murx tvgurc yaq wawc tharc humc jix miqphvnx rvmuq lvmz kuex jungx shuiuz. Tvmtuing kvjaz kuex moz kaz shex. Vlvmx kuex jungx wuez muq.


Kvruex ghaq kuex Yehowa kvjaz tay muq nuiyc vpiq tvrac kuex phvnx muq. Yehowa muex kvmx muq kvdvyx muinz rvmuq, piq tvkoc romc kuy thoz muq.


Kvkaq yalxtux nyuiuz rokshiz kuex kvtenc vtueq miqmac wvrkok tvyoalc wuez tueq.


Kvkaq vpiq sangac hez rueq Rumvrc luik nuex, “M-yuimx muex rvnphvnx vtuiux thuinz kuex ngvy thuinz mungx nuex wvr ikhoc luic yaq,” ngoz tueq vwuiyq taq kvjaz kuex rvwvl lvp tueq.


Vshuimc vkay nuex nauk duimz yoz kaz. Khauk rvnrvnx phvnphvnx thuinz vmungx maq Taungjix yauk shuimc shuimx wuez shuinz.


Yuq muinz naungshiq muex vkhoc Taungjix rueq murx tvgurc vtueq phoc kuy kuex, naungshiq mungkawx miqsaz htenc rulc vdvmz nuex murx tvgurc tvrvhumc muq tvkoc tvhonc tvtharc kuy rvtueq.


miq rulc muingc rvtuiuz vthvp saz ngoz ruiux muinz muingc dung yaq; vmaungx ikhoc ngoz ruiux muinz, nuimshiq rueq khiz vshuinx rulc rv-ngvlc thuiuzthuic tvraungx vtix. Mvrax tvgurc rvhumc ruiux muinz vthvy gay rvhumc miq;


Nuimshiq yonzyex vtuinx kuex Tishox rueq yvmx khoc lac shuimx yaq nguinx lawc shuinz: nuimshiq kuex thuinz tvyungc vtueq kaz wuez vruinx, miqmac kox nuex mvrax vguez lvmx tvkhic tvkoc roc vshuinx! Pinhtumc khaq vtuinx, pinhtumc rvwvl vtuinx, pinhtumc tvmaung vshuinx, pinhtumc menjenc thuinz yungx vtuinx, mvrax vhttax jix muex mvrax tvgurc tvkoc roc vshuinx! Nuimshiq kuex vruex phvnx htenc vyuq miqmac mvrax vguez lvmz tvkhic wuez vshuinx.


Vhvlx kvmungx maq thuinz lomx vtueq rvwvlc tvmaung lvmx rvtueq ngoz ruiux kuex vhvlx rvtueq. Ngaz nuimshiq rulc httax taungx nuex dvyx vhvlx lvmx kuex rvwvlc tvmaung mvy yaq rvmuq, mkaq muinz vhvlx lvmx kuex rvwvlc tvmaung vtueq httaz rax yaq.


Vwaz rueq vsaz hez muex mvrax murx tvgurc vtueq tvtharc yaq ikhoc, Yehowa nuimshiq Tishox rueq murx tvgurc vtueq tvtharc yaq kuex rvwvl shuinz.


Naungshiq kuex layx bac phvnx lotlaz wawc palc wvnc tvkoc muinz, naungshiq kuex thuinz vsawc maq vpiq muex dvyx seng yaq miqphvnx muex yaungx vtueq, vhvlx yauk shuimc muex thuinz tvyungc wvnc jix phvnx yaungc tvkoc muinz, Christu kuex naungshiq laung nuex vpiq shauk vpumz lekuq gay tueq.


Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.


Kvkhoc rvtueq mnoz mtanc khvnc lac dvy wvnc vtuiux kuex rvwvl shuiuz! Mmvrax htenc kvwawc kvwek wvnc yek vtueq vphaungc nuex shuimx toq kvkhoc shuimx yek shuiuz. Kvkhoc mmvrax htenc wawc kvwek wvnc muq ngoz ruiux kuex, ngaz mnoz kox nuex httuiuc kaz vtueq m-wvrkok kuex kvruex baung kvwawc ngaz rueq tvhttot lvmz gay shaungx.


Síguenos en:

Anuncios


Anuncios


¡Síguenos en WhatsApp! Síguenos