NEHEMIA 9:5 - Hawa Naga Bible 2001

⁵ Lewi miqsaz htenc rvtueq: Jeshua, Kadmiel, Bani, Hashabnea, Sherebia, Hodia, Shebania nuiyc Pethahia kuex: “Kvtenc wuez vtueq Yehowa nuimshiq Tishox muex tvtsvmc wuez shuinz; vpiq muex pattup pat-sac tvtsvmc wuez shuinz! Miqsaz rueq tvtsvmc kuex yunghvlc yungx muq yuq muinz, miqsaz ruip rawx rueq piq ngauz vngax muingc jungc kuex mtvtsvmc wuez shueq,”

ASII LAKDAP Bible (BSI)

⁵ Kra akhing na, mungmaiqse ma noqku lamsheati Lewinok ka arthun ara riito: Jeshua, Kadmiel, Bani, Hashabneiah, Sherebia, Hodia, Shebania, kiimaq Pethahia thun riito. Tsangshiq raq akha nguto: “Chap ronglaq, lanta namshiq Tati Shiikeawe ka shomnoq rong laq. Apaiq kli pattup pat-sa, tiitsam kam ronglaq! Apaiq mangchong khushü jonglu ka, hongtoshe nguta ahü; li jiimin, maiqse angu wiita raq, tiitsam kam ronglaq.”

NEHEMIA 9:5 Referencias Cruzadas

1 HOKHVMX 8:14

Miq htenc kuex kvruex baung kvyuq jvp hvt nuex Hokhvmx Solomon kuex tsuinghez kox nuex nyez vtueq tsuinghez htauk nuex Tishox rueq ruimrix kuy tvkoc thoz tueq.

1 HOKHVMX 8:15

Piq rueq, “Yehowa Israel Tishox muex tvtsvmc wuez shuinz! Iwaz Dawid muex vpiq rueq taq tueq bomkhvmc kuex tvhungx muex vpiq rueq jungx tueq kuex,

1 HOKHVMX 8:22

Kvkaq Solomon kuex miq htenc khaungkac nuex nuiyc shomrawx max nuex jvp kaz vtueq vyauk kuex tenz ruiux,

1 HOKHVMX 8:27

“Yuq muinz O Tishox lex, mnoz kuex ghaq htauk vyuq vsuing haz httax lot tuiux? Raungx mungtan lotlaz doc muinz mnoz kuex suinx taq lot laz juing yungx yaq rvmuq, kvkhoc rvtueq ngaz rueq vguirx Shomc Yuimx kuex yvmx khoc lac vyungc hungx lot tvnx?

1 KAÜWA WERAÜ 16:36

Yehowa Israel Tishox muex tvtsvmc wuez shuinz! Majuiuc vmaq vpiq muex pattup tvtsvmc wuez shuinz! Kvruex yimaq miqsaz lotlaz rueq, “Amen,” ngoz wuez ruiux, Yehowa muex tvtsvmc wuez tueq.

1 KAÜWA WERAÜ 29:11

Mnoz kuex yungc loayc hvlc raz tueq luimc vkawc httaz hvlc ngauz vngax, vsvp vrvp nuiyc muingjungc khushec yunghvlc waz rvtoq. Raungx mungtan nuiyc ghaq htauk nuex httax yaq lotlaz kuex mnoz muex rvtueq, mnoz kuex hokhvmx waz rvtoq, lotlaz htauk nuex guimz lawc jix waz rvtoq.

1 KAÜWA WERAÜ 29:13

Majuiuc nuiyshiq Tishox lex, nuiyshiq rueq mnoz muex kejux vyungx ngoz kuq vphix, mnoz ngauz vngax muingc kuex nuiyshiq rueq tvtsvmc vshix.

1 KAÜWA WERAÜ 29:20

Kvruex yimaq Dawid rueq miq htenc muex, “Yehowa nuimshiq Tishox muex tvtsvmc wuez shuinz!” ngoz tueq nvr tueq. Kvkaq rvtuimx jex yaq wvtaungx rueq Yehowa tsuingshiq jix vwaz tamx Tishox muex tvtsvmc wuez vtueq, Yehowa muex muinz, hokhvmx waz muex muinz tsuingshiq bumx vtueq tvtsanc nganc kuq tueq.

2 KAÜWA WERAÜ 20:13

Yuda miqsaz lotlaz kuex tsuingshiq juik vsaz htenc rulc vdvmz kvruex wawc Shomc Yuimx kvyuq jvp wuez yaq.

2 KAÜWA WERAÜ 20:19

Lewi miqsaz Kohat nuiyc Kora taungx htenc kuex jvp wuez vtueq Yehowa Israel Tishox muex hung vtueq tvtsvmc shix wuez tueq.

EJRA 3:11

Tsuingshiq rueq Yehowa muex vkhoc jungx yek vtueq tvtsvmc wuez tueq: “Yehowa kuex vhvlx rvtueq, vpiq lungwawc kuex Israel htauk nuex pattup httax yaq.” Shomc Yuimx vjungx vbaung tvjvp wvnc yauk shuimc kuex shuimx phaungc wvnc tueq ningkhvnc nuex miq pumz tek vtueq miqmac hungc vlaungc lotlaz maq Yehowa muex tvtsvmc kvmc wuez ruiux guyc sez rerak wuez tueq.

NEHEMIA 9:4

Lewi miqsaz htenc tvkoc vtvhungx shec pvrrawx htauk kvyuq Jeshua, Bani, Kadmiel, Shebania, Bunni, Sherebia, Bani nuiyc Kenani hez jvp tueq. Tsuingshiq rueq Yehowa tsuingshiq Tishox kox wawc guyc vtueq vjux thoz wuez tueq.

NEHEMIA 9:6

Kvruex yimaq Israel miqsaz htenc rueq vkhoc vjux thoz wuez tueq: “Mnoz, Yehowa vshiz dvyx Yehowa rvtueq; mnoz rueq raungmungx nuiyc raungx nuex ruiysuiyq htenc kuex tvdung sung toq. Mnoz rueq ghaq nuiyc svmuktvrax muinz, kvruex yuq httax yaq phvnx ruip saz muinz tvdung sung toq; mnoz rueq lotlaz muex thuiuzthuic tvraungx kuq toq. Raungmungx nuex luimc vkawc httax yaq htenc rueq bumx vtueq mnoz muex nawk palx wuez yaq.

YOBA 1:21

Piq rueq, “Ngaz kuex sawkumx vjawx kaz ningkhvnc nuex, sawkumx maq dvyx thueyc wvnc taungx. Yehowa rueq kuq phuex, majuiuc kuex Yehowa rueq lvmz wvnc vshuex. Vpiq muingc kuex tvtsvmc kvmc mrvhumc kueq!” ngoz tueq jungx tueq.

Tvtsvmc 106:2

Vpiq vwangc juing yauk shuimc lotlaz kuex uraq lac jungx kuq lot shvnx? Vpiq muex ngauz vngax phvnx ruip saz kuex uraq lac tvkhic kuq lot shvnx?

Tvtsvmc 134:1

Vpiq Shomc Yuimx mungx nuex raungwvrx nuex yauk shuimc jix nvrc waz bix lotlaz lex, kaz luit, Yehowa muex tvtsvmc wuez ix.

Tvtsvmc 145:2

Wvraungx nuiyq tek mnoz muex ngaz rueq kejux vyungx ngoz shaungx; mnoz muex ngaz rueq pattup tvtsvmc kvmc shaungx.

Tvtsvmc 145:5

Mnoz ngauz vngax nuiyc ngauz vngax tsuingshiq rueq jung-phvnx wuez shuex, mnoz vwangc yauk shuimc htenc juing ngaz rueq rvwvl thvt vshaungx.

Tvtsvmc 146:2

Ngvy rullungx tvraungx wawwawx vpiq muex ngaz rueq tvtsvmc shaungx; ngvy rullungx wvlex ngvy Tishox muex tvtsvmc shaungx.

Tvtsvmc 16:2

Ngaz rueq Yehowa muex, “Mnoz kuex ngvy Yehowa rvtoq; vhvlx phvnx htenc lotlaz kuex mnoz kox wawc jvnc rvtueq,” ngoz tueq jungx tauk.

Tvtsvmc 66:2

Vpiq muingc jungc ngauz vngax kuex shix wuez kuinz; Ngauz vngax mvrc yaq tvtsvmc bomc maq vpiq muex shomc kuq shuinz!

Tvtsvmc 99:3

Miq ruip rawx rueq vpiq yungx luz vtueq ngauz vngax mvrc yaq muingc jungc kuex tvtsvmc wuez shuex. Vpiq kuex Vsawc rvtueq!

DUNGWVNC 15:11

“Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?

DUNGWVNC 15:6

“Yehowa lex, m-yaukkeq kox luimc vkawc kuex vkawc yawc juing rvtueq; m-yauk phumz maq ralx htenc kuex tvbunx gay toq.

DANIEL 2:20

“Tishox kuex taksux nuiyc luimc vkawc yunghvlc! Vpiq muex pattup tvtsvmc kvmc shuinz.

Matthew 11:25

Kvkaq Yesu rueq jungx tueq kuex, “Raungmungx nuiyc ghaq Taungjix Waz lex! Wvtharc jix nuiyc vthenc vtuiuz jix htenc muex tvtuiuz muq laz juing httuiyq puiuc ruiux, thenc tuiuz muq jix muex tvkhic kuq toq ningkhvnc nuex ngaz rueq mnoz muex kejux vyungx ngoz vphaungx.

2 Corinthians 4:6

Christu htvlx phawc nuex phelez wuix yaq ngauz vngax lvmz kuex tuiuz wvnc tvkoc naungshiq thuinz vmungx nuex raungwuic tvwuic kuy jix Tishox kuex, “Raungnyauk mungx wawc raungwuic dung wvnc tuex,” ngoz tueq jungc jix Tishox rvtueq.

TRI CHONGKE 28:58

“Nuimshiq rueq vruex luik dvp vyuq wuiyq shec tueq Tishox rueq vtvluing kuq htenc lotlaz kuex tvkhvlc muit maq phvnx muit ngoz ruiux nuiyc, Yehowa nuimshiq Tishox muex hiz juing vpiq muingc jungc kuex tvtsanc nganc muit ngoz ruiux yuq,

1 Peter 1:3

Naungshiq rueq naungshiq Taungjix Yesu Christu Waz Tishox muex kejux vyungx ngoz ix! Yvmx khoc lac ngoz ruiux lec vpiq menjenc yunghvlc maq Yesu Christu kuex vthueyc wawc tvyuing tvtenc wvnc khuec nuex vpiq rueq naungshiq muex rullungx vnyalx kuq vtueq naungshiq nuex vtvraungx httax yaq thuinz tvluimc juing kuex tvmvrc kuq phuex.

PHOWEBI 13:18

Raungkamx waz rueq, “Nuimnueyc rueq yvmx ngoz tueq lac ngvy muingc kuex tuiuz roc vshuinx? Kvruex kuex vwangc juing muingc rvtueq,” ngoz tueq jungx tueq.