NEHEMIA 9:6 - Hawa Naga Bible 2001

⁶ Kvruex yimaq Israel miqsaz htenc rueq vkhoc vjux thoz wuez tueq: “Mnoz, Yehowa vshiz dvyx Yehowa rvtueq; mnoz rueq raungmungx nuiyc raungx nuex ruiysuiyq htenc kuex tvdung sung toq. Mnoz rueq ghaq nuiyc svmuktvrax muinz, kvruex yuq httax yaq phvnx ruip saz muinz tvdung sung toq; mnoz rueq lotlaz muex thuiuzthuic tvraungx kuq toq. Raungmungx nuex luimc vkawc httax yaq htenc rueq bumx vtueq mnoz muex nawk palx wuez yaq.

ASII LAKDAP Bible (BSI)

⁶ Kra jai maq Israilnok raq mra tiidii akha achu jaüto: “Tatiwe lei, ümniili kata Tatiwe. Ümniiraq ramungtan thun tiiq laü, ra na raiqsaiq diimtlaq kra tiiq laü. Ümniiraq mangjong hiq nai sammok tra jü kra tiiq laü; kiimaq kiijaq siti wiita tiiq laü. Ümniiraq tsangshiq tarü ma tsitsü thiikuq laü. Ramungtan na siti ningkun rümti wiita raq, ümniili noqtlo.

NEHEMIA 9:6 Referencias Cruzadas

RAPHA HIQWA LAK 1:1

Vphaungc vyaungc nuex Tishox rueq raungphaungc ghaqwaungc tvdung sung tueq nuex,

RAPHA HIQWA LAK 1:9

Kvruex yimaq Tishox rueq, “Raungx khung nuex taung httaz tvkoc yuix kuex baungshiz nuex dvyx rvtuimx rax,” ngoz tueq nvr tueq rulc rv-ngvlc taung dung kaz tueq.

RAPHA HIQWA LAK 2:1

Tishox rueq mungkawx lotlaz kuex kvkhoc tvdung sung lot tueq.

RAPHA HIQWA LAK 32:2

Kvkaq raungkamx waz hez kuex khiz vtueq piq rueq, “Vruex kuex Tishox jerak rvtueq;” ngoz tueq kvruex baung kuex Mahanaim ngoz tueq muingc tueq.

1 HOKHVMX 22:19

Mikaia rueq vkhoc tvhttoarc jungx yek tueq: “Yehowa rueq yvmx lac jungx yaq nguinx kvjaz kuex majuiuc tay shuiuz! Yehowa kuex raungmungx wawc vpiq hoc daungraungc htauk nuex ngaungc vtueq, vpiq raungkamx bix lotlaz muinz vpiq hep nuex jvp wuez yaq kuex ngaz rueq khiz tauk.

1 HOKHVMX 8:27

“Yuq muinz O Tishox lex, mnoz kuex ghaq htauk vyuq vsuing haz httax lot tuiux? Raungx mungtan lotlaz doc muinz mnoz kuex suinx taq lot laz juing yungx yaq rvmuq, kvkhoc rvtueq ngaz rueq vguirx Shomc Yuimx kuex yvmx khoc lac vyungc hungx lot tvnx?

2 HOKHVMX 19:15

vjux thoz tueq, “O Yehowa Israel Tishox lex, kherubim hez htauk wawc mnoz daungraungc htauk nuex ngaungc vtueq, mnoz dvyx mungkawx mungtan lotlaz kuex guimz lawc jix waz Tishox rvtoq. Mnoz rueq raungx nuiyc ghaq kuex tvdung sung taq toq.

2 HOKHVMX 19:19

Majuiuc, Yehowa nuiyshiq Tishox lex, nuiyshiq kuex Asiria miqsaz kox wawc tvwungx wvnc koq, kvkaq mungkawx miqsaz lotlaz rueq mnoz dvyx Yehowa Tishox rvtoq kuex tuiuz wvnc wuez shuex,” ngoz tueq thoz tueq.

NEHEMIA 9:5

Lewi miqsaz htenc rvtueq: Jeshua, Kadmiel, Bani, Hashabnea, Sherebia, Hodia, Shebania nuiyc Pethahia kuex: “Kvtenc wuez vtueq Yehowa nuimshiq Tishox muex tvtsvmc wuez shuinz; vpiq muex pattup pat-sac tvtsvmc wuez shuinz! Miqsaz rueq tvtsvmc kuex yunghvlc yungx muq yuq muinz, miqsaz ruip rawx rueq piq ngauz vngax muingc jungc kuex mtvtsvmc wuez shueq,”

Tvtsvmc 102:25

Mnoz rueq mvnnuex ghaq kuex tvdung sung ruiux, m-yauk maq raungmungx kuex tvhungx taq toq.

Tvtsvmc 103:21

Vpiq thuinroc shuimc kay jix vpiq nvrc waz hez rvtuit raungmungx luimc vkawc mvrc yaq bix lex, Yehowa muex tvtsvmc wuez shuinz!

Tvtsvmc 115:15

Raungx nuiyc ghaq tvdungc sungc jix Yehowa rueq nuimshiq muex ruimrix mkuq shueq!

Tvtsvmc 124:8

Raungx nuiyc ghaq tvdungc sungc jix Yehowa kox wawc naungshiq muex romc kuy lvmx dung wvnc yaq.

Tvtsvmc 146:6

Vpiq rueq raungx nuiyc ghaq, svmuktvrax nuiyc kvruex yuq httax yaq phvnx lotlaz kuex Tvdung Sung jix rvtueq. Vpiq rueq vpiq bomkhvmc htenc kuex mkaq muinz tvmvrc yaq;

Tvtsvmc 24:10

Yunghvlc hokhvmx waz kuex ukhaq lac? taungx wvnc lvp jix Yehowa vpiq kuex yunghvlc hokhvmx waz rvtueq!

Tvtsvmc 33:6

Yehowa vpiq rueq nvrc bomc maq raungx kuex tvdung sung tueq, shalx, yapix nuiyc ruiysuiyq htenc vpiq rueq jungx tueq kvjaz maq yaungx wvnc tueq.

Tvtsvmc 36:6

Mnoz tsuingrux lvmx kuex kanx htenc ikhoc joz yaq; mnoz tvrac vlvmz muinz svmuktvrax ikhoc thuiuz yaq. Miqsaz nuiyc ngvmx saz htenc kuex m-yauk nuex rvtueq.

Tvtsvmc 86:10

Mnoz kuex vyungx vluz raz tueq vwangc juing htenc kuex shuimx vshuiux; mnoz dvyx Tishox rvtoq.

ISAIA 37:16

“Kherubin htauk nuex ngaungc yaq Tvphaungc Tvsuip Yehowa Israel Tishox lex, mnoz kuex mungkawx mungtan lotlaz guimz jix Tishox mnoz dvyx rvtoq. Mnoz rueq ghaq nuiyc raungx kuex tvdung sung toq.

ISAIA 37:20

Majuiuc kuex, Yehowa nuiyshiq Tishox lex, Asiria miqsaz yauk wawc nuiyshiq kuex palc wvnc koq, kvkaq mungkawx wawc miqphvnx lotlaz rueq mnoz vshiz dvyx Tishox rvtoq lvmz kuex tuiuz wvnc shuex.”

ISAIA 43:10

“Israel miqsaz lex, nuimshiq kuex ngvy hakhix hez rvtuit; ngvy nvrc waz muex yaungc tvkoc mnoz kuex ngaz rueq thvl wvnc phaungx, kvkaq ngaz dvyx Tishox rvtauk kuex mnoz rueq tuiuz wvnc vtueq ngaz muex kvmluimx ruiux tuiuz tay wvnc shuiux. Ngaz maq lvy vtueq vganc tishox vguez; kvruex kuex mvnnuex pat nuex muinz, httuiuc wvnc yaq pat nuex muinz mkaq muinz httax tuex rvmuq.

ISAIA 44:6

Israel kuex guimz lawc vtueq tvkhup wungx yaq Yehowa, Tvphaungc Tvsuip Yehowa rueq, vkhoc jungx tueq: “Ngaz kuex vphaungc waz nuiyc vtvsuip waz ngoz yaq Tishox rvtauk; ngaz maq lvy vtueq tishox vganc vguez.

ISAIA 44:8

Ngvy miqsaz htenc lex, nauk hiz kaz! Mvnnuex pat maq raz tueq majuiuc nuex httuiuc laz wawc lvmz kuex mnoz rueq tuiuz yaq, ngaz rueq yvmx lac yaungx wvnc tvnx lvmz kuex tvluz nuex jungx wvnc tauk, nuimshiq kuex ngvy hakhix hez rvtuit. Vganc tishox httax yaq haz? Ngaz rueq mkaq muinz tay mauk shauk luimc vkawc yunghvlc tishox vhttax haz?”

ISAIA 45:12

Ngaz rueq ghaq kuex tvhungx ruiux kvyuq httaz tvkoc miqsaz htenc kuex tvdung sung taq tauk. Ngvy luimc vkawc maq raungmungx htenc kuex tvparc ruiux; Ngaz rueq shalx, yapix nuiyc ruiysuiyq htenc kuex ngaz rueq lawc yaq.

JEREMIA 32:17

“Johvlc Yehowa lex, mnoz rueq mluimc vkawc yunghvlc nuiyc hungc vlaungc maq ghaq nuiyc raungx kuex tvdung sung taq toq; mnoz tvkoc gvrc hvlc ngoz tueq yvmx muinz vguez.

EJEKIEL 20:11

Ngaz rueq nvrc bomc htenc nuiyc ngvy tvrac htenc kuex tvluing kuq tauk, kvruex phvnc jix kuex rullungx tvraungx httax tuex.

Jona 1:9

Yona rueq, “Ngaz kuex Hebre phvnx rvtauk. Ngaz kuex ghaq nuiyc svmuktvrax kuex tvdungc sungc jix Yehowa raungmungx Tishox muex nawk palx jix waz rvtauk,” ngoz tueq jungx tueq.

John 10:30

Ngaz nuiyc Iwaz kuex vshiz dvyx rvtiq,” ngoz tueq.

Acts 4:24

Kvruex tay wuez vtueq tsuinghez thuinz shiz maq Tishox muex, “Raungx nuiyc ghaq, svmuktvrax nuiyc kvruex yuq httax yaq phvnx ruip saz tvdungc jix Waz Taungjix rvtoq!

TRI CHONGKE 10:14

Yehowa rueq johvlc raungmungx htenc muinz, ghaq nuiyc kvruex htauk nuex httax yaq phvnx lotlaz muinz guimz yaq.

TRI CHONGKE 32:39

“‘Ngaz nuiyc ngaz washiz dvyx, Tishox rvtauk; Ngaz maq lvy vtueq vganc tishox vguez. Ngaz rueq thvt gay ruiux tvyuing wvnc tauk, ngaz rueq tvmac vtueq ngaz rueq tvhvlc tauk, Ngaz rueq shuimx shaungx kuex uraq muinz tuing lot muq.

TRI CHONGKE 6:4

“Israel miqsaz lex, vruex nauk lauk wuez kaz! Yehowa vshiz dvyx naungshiq Tishox rvtueq.

Hebrews 1:3

Vpiq kuex Tishox ngauz vngax maq phelez httax yaq, vpiq kuex Tishox shvmx vrvmx yac yaungx ruiux, vpiq luimc vkawc mvrc yaq bomjungc maq raungx vghaq kuex tv-phaungx ngaungx taq tueq. Vpiq rueq miqsaz htenc mvrax wawc tvdungc wvnc tvkoc shuimc tvlot yix maq, raungmungx nuex Luimc Vkawc Yunghvlc Tishox yaukkeq kox nuex ngaungc yaq.

Hebrews 1:6

Yuq muinz Tishox rueq Vsaz pekhux waz kuex mungkawx nuex tvkay dvnc tueq nuex, “Tishox raungkamx bix lotlaz rueq kvruex waz kvmac nawk palx wuez shuex,” ngoz tueq jungx tueq.

Revelation 14:7

Kvruex raungkamx waz kvraq, “Tishox muex tvtsanc nganc wuez shuinz, vpiq yungx luz yaq kuex tvtsvmc wuez shuinz! Yvmx khoc lac ngoz ruiux lec vpiq rueq khac phoc vkhing kuex httuiuc wvnc yaq shex. Raungx nuiyc ghaq, svmuktvrax nuiyc yuix kuiuq htenc tvdungc sungc jix waz muex nawk palx wuez shuinz!” ngoz tueq ramc tueq.

Revelation 4:11

“Nuiyshiq Taungjix Tishox lex! Mnoz rueq vphaungc vyaungc maq phuex tvdung sung vtueq, kvruex kuex mthuinz roc httax vtueq rullungx tvraungx httax wuez yaq, kvkhoc rvtueq mnoz kuex ngauz vngax, tvtsanc nganc nuiyc luimc vkawc kuex lvp aungx yaq,” ngoz tueq jungx wuez yaq.