NEHEMIA 9:5 - ASII LAKDAP Bible (BSI)

⁵ Kra akhing na, mungmaiqse ma noqku lamsheati Lewinok ka arthun ara riito: Jeshua, Kadmiel, Bani, Hashabneiah, Sherebia, Hodia, Shebania, kiimaq Pethahia thun riito. Tsangshiq raq akha nguto: “Chap ronglaq, lanta namshiq Tati Shiikeawe ka shomnoq rong laq. Apaiq kli pattup pat-sa, tiitsam kam ronglaq! Apaiq mangchong khushü jonglu ka, hongtoshe nguta ahü; li jiimin, maiqse angu wiita raq, tiitsam kam ronglaq.”

Hawa Naga Bible 2001

⁵ Lewi miqsaz htenc rvtueq: Jeshua, Kadmiel, Bani, Hashabnea, Sherebia, Hodia, Shebania nuiyc Pethahia kuex: “Kvtenc wuez vtueq Yehowa nuimshiq Tishox muex tvtsvmc wuez shuinz; vpiq muex pattup pat-sac tvtsvmc wuez shuinz! Miqsaz rueq tvtsvmc kuex yunghvlc yungx muq yuq muinz, miqsaz ruip rawx rueq piq ngauz vngax muingc jungc kuex mtvtsvmc wuez shueq,”

NEHEMIA 9:5 Referencias Cruzadas

1 HOKHVMX 8:14

Mungmaiqse ka kiijaq chap raq raq thungtlaq akhing na Hokhamwe Solomon raq mungmaiqse phanü na nyi raüta Shiikeawe jaq wa tsangshiq miitu achu shiiman jaüto.

1 HOKHVMX 8:15

Apaiq raq akha jaüto, “Tatiwe Israilnok Shiikeawe kli tiitsam rong laq! Apaiq raq iwe Dawit ma akiq kham raüpot akuqthü kra tiikupikuq wanto she. Apaiq raq akha khamkuqto,

1 HOKHVMX 8:22

Raütiishe Solomon ka mungmaiqse makki na Shomjam mong na nyap wato raüta berong-wacha khaki kiijaq chap wato. Raüta ajaq ka ra nü na doto.

1 HOKHVMX 8:27

“Shatmaq, O Shiikeawe lei, ümniika ara mangjong hiqrai khü na silichang ka mibin haü shea? Jamkhano ngukla ramungtan wang win sitlaq kra tlotli santla ümnaq singa miitu ka aranse miraq. Riita ikhiijiika ara ngi raq ahaiha Shomjam khoshose armong niika jamkho misiim haü?

1 KAÜWA WERAÜ 16:36

Tatiwe, Israilnok Shiikeawe kli tiitsam rong laq! Tiitsam rong laq apaiq kli ümchaü kiimaq pattup pat-sa. Kiijiishe mungmaiqse kunli raq, “Amen,” nguto, kiimaq Tatiwe ka tiitsamto.

1 KAÜWA WERAÜ 29:11

Ümniika ajong pinthum kiimaq ningkun jonghea riimtiwe, khushü jonghea, achhai anyii, kiimaq maiqkha akii. Ramungtan na ümchuwa sitlaq kiimaq mangjong hiq na ümchuwa sitlaq kra ümrii siisaq. Kiimaq ümniika hokham, ajong thaq niimin ajong pinthum phanrap kunli riimtiwe.

1 KAÜWA WERAÜ 29:13

Riita ümchaü min, naishiq Shiikeawe lei, naishiq raq ümniima kechu tum tiikai, kiimaq naishiq raq ümmang achhai anyii jonglu tlaq kra tiitsamkam tiikai.

1 KAÜWA WERAÜ 29:20

Raütiishe Dawit raq mungmaiqse ma, “Namshiq Tatiwe Shiikeawe ka tiitsam ronglaq!” nguta aming kuqto. Kiimaq ngongthun tlaq mungmaiqse kunli raq tsangtitiim Tatiwe, Shiikeawe ka tiitsamto. Kiimaq tsangshiq ka hiq na bumtlii raüta Tatiwe shrengto kiimaq hokhamwe min shrengto.

2 KAÜWA WERAÜ 20:13

Juda mungti maiqwere thun kunli tsang nyung re nai tsangsetiim rai Shomjam rinkea na chapraq raq riito.

2 KAÜWA WERAÜ 20:19

Kiimaq Lewinok Kohath weraü phan nai Kora weraü phan thun ka chap rang chapto. Raüta tiihong raüta agilülü Tatiwe Israilnok Shiikeawe ka tiitsamto.

EJRA 3:11

Kra raüta, tsangshiq raq tsangshiq dang ka riido riipan raütiishe, Tatiwe tiitsam kam wan nai Tatiwe shomra wan kechutum wan akhiishe shinge wanto: “Tatiwe ka ahea pinthum, Kiimaq Irsailnok miitu apaiq, lungwiitsii ka pattup siruq miraq.” Tsangshiq wiitarü raq pinthum tiihong raüta, Tatiwe ka tiitsam kam siq wanto. Jamkhano ngukla Shomjam hai wan chang jamkhü na khamlawetiim shong wan chang ka sürii wanto she.

NEHEMIA 9:4

Kra mungthung tlaq kiijaq, maiqchap chang riirin apa kiijaq Lewinok ka chapto. Kiijaq chap wanti Lewinok ka arthun ara: Jeshua, Bani, Kadmiel, Shebania, Bunni, Sherebia, Bani, kiimaq Chenani riito. Raüta, tsangshiq raq Tatiwe tsangshiq Shiikeawe man na, hong raüta, agilülü achu jaüto.

NEHEMIA 9:6

Kra jai maq Israilnok raq mra tiidii akha achu jaüto: “Tatiwe lei, ümniili kata Tatiwe. Ümniiraq ramungtan thun tiiq laü, ra na raiqsaiq diimtlaq kra tiiq laü. Ümniiraq mangjong hiq nai sammok tra jü kra tiiq laü; kiimaq kiijaq siti wiita tiiq laü. Ümniiraq tsangshiq tarü ma tsitsü thiikuq laü. Ramungtan na siti ningkun rümti wiita raq, ümniili noqtlo.

YOBA 1:21

Apaiq raq akha nguto, “Inyung puk maq siipe chiito, kiimaq ngi ka siipe hali mitsai nong ha. Tatiwe raq kuqto, kiimaq ümchaü apaiq raq hali lam wan nongto. Apaiq mang kli mitiitsam laq!”

Tvtsvmc 106:2

Apaiq raq ümtinkhan wa jonghea jaqsham wantaq kra juro michonglot? Jurwa apaiq ma hongli mitiitsamkuq lot?

Tvtsvmc 134:1

Warong ra, Tatiwe tiitsam rong i, tlotli ajaqshisetiim lei, tlotli apaiq Shomjam na rawa jaqshamtibi lei.

Tvtsvmc 145:2

Wranaiqtek ngi raq ümniima kechu mitumha; ngi raq ümniika pattup pat-sa mitiitsam kamha.

Tvtsvmc 145:5

Tsangshiq raq ümkhushü nai ümngao jonglu kra michong wan, kiimaq ümniiraq amao chang jaqshamlaü thun kra ngi raq misidi wanha.

Tvtsvmc 146:2

Ngi atra sikang wiiwii apaiq mitiitsamha; Ngi raq rilung pattup i Shiikeawe mitiitsamha.

Tvtsvmc 16:2

Ngi raq Tatiwe ma akha ngukang, “Ümniika i Tatiwe; i jaq na ümchuwa ahea awa phan sitlaq kra ümpha wa aki siisaq.”

Tvtsvmc 66:2

Apaiq mangchong tiijong miitu shinge ronglaq; apaiq ma achhai anyii tiitsam kuq ronglaq!

Tvtsvmc 99:3

Wiitarü raq apaiq jonglu nai akhakii ngiim jonglu kra mitiitsamkam. Apaiq ka asii!

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

DUNGWVNC 15:6

“Tatiwe lei, ümjaq jaq tsi nü ningkun ka maiqkii maiq nyii henghea; kriimaq re thun ka bunlak buncha bukbaiqtlo.

DANIEL 2:20

“Shiikeawe ka taksma kiimaq ningkun tu! apaiq kli pattup pat-sa tiitsam ronglaq.

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

TRI CHONGKE 28:58

“Kiimaq ümniiraq ara lakdap na Shiikeawe raq shrinkuqtlaq bomtsi thun ara tsapkapkap maq lang maü raüla, kiimaq ümniiraq awang chang mang kiimaq maiqkha akii haisi chang Tatiwe üm Shiikeawe mang kra shreng maü rii haüla,

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

PHOWEBI 13:18

Kiijiishe rase raq waito, “Ümniiraq imang ka jaram sap ro wa? Kriika pinthum amao chang mang tiina.”