NEHEMIA 9:22 - Hawa Naga Bible 2001

²² “Mnoz rueq tsuingshiq ghaqruiy nuex httax yaq mungtan htenc nuiyc miqphvnx htenc kuex tsuingshiq muex tvyurc gay toq. Tsuingshiq kuex Sihon rueq guimz yaq Heshbon mungx nuiyc, Oga hokhvmx rueq guimz yaq Bashan mungx muinz khvt lvp wvnc tueq.

ASII LAKDAP Bible (BSI)

²² “Ümniiraq tsangshiq ma, mungrap mungrii khat kuq wan laü. Tsangshiq hiq rai wa, maiqmung ahin thun khatkuq wan laü. Tsangshiq raq Heshbon mung langti, Sihon hokham ka long wanto; raüta tangto. Kiimaq Bashan mung min long wanto. Raüta tsang hokhamwe, Og ka tangto.

NEHEMIA 9:22 Referencias Cruzadas

Tvtsvmc 105:44

Vpiq rueq tsuingshiq muex vganc jix ghaq htenc kuex kuq koq tueq, tsuingshiq rueq wuik vnax htenc kuex nyvlc lvp wvnc tueq.

Tvtsvmc 78:65

Vtvsuip nuex Yehowa kuex vkv-tsoalx wawc vsvmz wvnc waz ikhoc muinz; svpiq tix hungc maq phoal phak yaq shvrvyx waz ikhoc muinz kvtenc wvnc tueq.

JEREMIA 27:5

“Ngaz yungx luz vtaungx luimc vkawc nuiyc hungc vlaungc maq ngaz rueq mungkawx muinz, miq muinz, ghaq htauk nuex httax yaq ngvmx saz lotlaz muinz tvdung sung taq tauk; ngaz rueq vthvl wvnc miq ukhaq muex muinz ngaz rueq kuq vshaungx.

JEREMIA 32:23

Yuq muinz tsuingshiq kuex vruex mungx vyuq httuiuc waung vtueq, vruex mungx kuex guimz lvp wvnc tueq nuex, tsuingshiq kuex mnoz rueq nvr toq htenc muinz, mnoz rueq tvluing kuq vshuiux kvkhoc httaz tvkoc muinz tay phvnx wuez muq; tsuingshiq rueq shuimc tvkoc mnoz rueq nvr toq kuex tsuingshiq rueq yvmx muinz shuimx muq. Kvkhoc rvtueq mnoz rueq tsuingshiq htauk nuex vruex tvbac tac gay lvmz lotlaz tvdung kuq toq.

EJEKIEL 20:28

Tsuingshiq muex kuq phaungx ngoz tueq bomkhvmc taq tauk mungtan nuex tsuingshiq kuex shvlx wvnc tauk. Tsuingshiq rueq johvlc ghaqluimx htenc nuiyc wuiljuit wuiljaungx pulx htenc kuex khiz vtueq, kvruex htenc lotlaz nuex shomc nawk kuy juing shomc kuq tueq. Tsuingshiq rueq kvruex yuq vhomc vtumc phvnx jauk shomc nawk kuy nuiyc svpiq tix shvy vtueq shomc kuy ningkhvnc nuex ngvy thuinz tvkhaq phuex.

TRI CHONGKE 1:4

Vruex kuex Moshe rueq Heshbon ghaq nuex httax yaq Amori hokhvmx waz Sihon, Ashtarot ghaq nuiyc Edrei ghaq htenc kuex guimz jix Bashan hokhvmx waz Oga kuex khvt taungx gay yix Yehowa rueq vjungx kuq rvtueq.

TRI CHONGKE 32:26

Uraq muinz tsuingshiq kuex mlauk gay shueq, tsuingshiq kuex tvdup suik ngaz rueq tvbac gay shaungx.

TRI CHONGKE 4:47

Tsuingshiq rueq piq ghaq vraungx htenc kvmuinz, Yodan Ruilx maq shaldungc kox nuex httax yaq vganc Amori hokhvmx washiz rvtueq Bashan hokhvmx waz Oga ghaq vraungx kvmuinz khvt lvp gay tueq.

JOSHUA 10:11

Israel nolaungx bix rueq khvt yaq wawc kanx hvlwvl lvmx maq Amori miqsaz yuz wvnc koq tueq, Yehowa rueq raungwawc tv-nguirx poz yunghvlc htenc tvdvy vtueq, Azeka ghaq lvmx wvlex wawc tsuinghez kuex tuip gay tueq. Israel miqsaz rueq vthvt gay htauk nuex tv-nguirx rueq vtuip gay kuex vpaung rvtueq.

JOSHUA 11:23

Yoshua kuex Yehowa rueq Moshe muex nvr tueq rulc rv-ngvlc, wvmungx tuimx khvt vtueq Israel miqsaz muex tsuingshiq tsak jungx ghaq muex vpiq rueq kuq vtueq, miqphvnx tek muex phvlx kuq tueq. Kvkhoc rvtueq miq htenc kuex rv-khvt rvlungc yaq wawc nyec tvkuiyq wuez tueq.