NEHEMIA 9:22 - ASII LAKDAP Bible (BSI)

²² “Ümniiraq tsangshiq ma, mungrap mungrii khat kuq wan laü. Tsangshiq hiq rai wa, maiqmung ahin thun khatkuq wan laü. Tsangshiq raq Heshbon mung langti, Sihon hokham ka long wanto; raüta tangto. Kiimaq Bashan mung min long wanto. Raüta tsang hokhamwe, Og ka tangto.

Hawa Naga Bible 2001

²² “Mnoz rueq tsuingshiq ghaqruiy nuex httax yaq mungtan htenc nuiyc miqphvnx htenc kuex tsuingshiq muex tvyurc gay toq. Tsuingshiq kuex Sihon rueq guimz yaq Heshbon mungx nuiyc, Oga hokhvmx rueq guimz yaq Bashan mungx muinz khvt lvp wvnc tueq.

NEHEMIA 9:22 Referencias Cruzadas

Tvtsvmc 105:44

Apaiq raq tsangshiq ma pongmungti hiqshong rahai thun kuqto raüta tsangshiq ma kriinok wak ram thun kra kuqto,

Tvtsvmc 78:65

Atiisup niishe Tatiwe ka akon maq asamki ikhiishe sam wanto; apaiq ka nolawe chephe raüta phephiiq hotlaq ikhiishe phehoto.

JEREMIA 27:5

“Ngi arang jonghea riimtiikang kra lümaq kiimaq iningkun jonghea hotiikang kra lümaq, Ngi raq ara mangjong hiq ara, maiqphan kra, kiimaq ngamsaü ngiqse phan hiq raikhü na diimtlaq thun kra klowan kang. Kiimaq Ngi raq juma ke wan wa rotiikang, kriiwe ma arthun ara kuq tiikang.

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

EJEKIEL 20:28

Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.

TRI CHONGKE 1:4

Arka Tatiwe raq Amoraiqnok Hokhamwe Heshbon chela pengtiwe Sihon khat raüta tang wantaq kiimaq Bashan wang Hokhamwe Og, Ashtaroth chela nai Edrel chela pengtiwe kra khat raüta tang wantaq kra jai maq achong kuq riito.

TRI CHONGKE 32:26

Ngi raq tsangshiq ka miqchup tiithenbaiqha chang wa, jurmin tsangshiq ka tsan na tiitsang mak she mirwa.

TRI CHONGKE 4:47

Tsangshiq raq apaiq mungtan ka jii wanto. Kiimaq Amoraiqnok Hokhamwe Bashan wang na siti Og kiimin khatto. Raüta ahiq shong ka jiiwanto. Apaiq ka Jordan Rai maq shedong nü wang na sito.

JOSHUA 10:11

Kra akhing na, Amoraiqnok ka Israilnok phenlabi ma hai ma pumchit nü kiina lamhong wiilü juto. Tsangshiq ka kra lamhong binjü na ajurai kiiwa, Tatiwe raq rathaiq nai tsak-hiiq jonghea hea po trok raüta tsatto. Kra tsakhiiq rok raq tsangshiq ka Ajeka chela na saüli tiiqbaiqto. Tsangshiq ka Israilnok jaq na tsaitaq kra thaq na tsakhiiq raq tiiq raüta apako jiimto.

JOSHUA 11:23

Tatiwe raq Mosheq ma aming kuqtaq kra phan phan, Joshua raq mung ka kunli jiiwan raüta lapto. Raüta Joshua raq Israilnok ma tsangshiq tachong hiqshong miitu kuqto. Raüta maiqphan aweatek ma, maiqmii riirii hiqshong tiikho chumkuq raüta phea kuqto. Kiimaq, Israilnok ka mungtsing mungngang miishe shongnga wanto.