NEHEMIA 9:23 - Hawa Naga Bible 2001

²³ Mnoz rueq tsuingshiq muex raungwawc ruiysuiyq paung yaq ikhoc suiuz vsaz paunghvlc kuq toq, tsuingshiq jix vwaz tamx muex mnoz rueq bomkhvmc kuq toq mungx kuex khvt tvlvp wvnc vtueq kvruex mungtan kvyuq tvhttax toq.

ASII LAKDAP Bible (BSI)

²³ Tsangshiq saü asetiim phong ka, ra na raiqsaiq diimtlaq ikha, awea lot mai tiipu kuq wan laü. Kiimaq tsangshiq ma mung ashi kuq wan laü kra, Khat wan wan maq tiijü kuq wan laü. Kriika, ‘Namsaü namsetiim pat na mikuq kang,’ nguta tsangtitiim ma akhamkuq haü riito, kra phan phan kuq wan laü.

NEHEMIA 9:23 Referencias Cruzadas

RAPHA HIQWA LAK 12:7

Yehowa kuex Abram muex kvkhic kaz vtueq piq muex ngoc, “Vruex mungx kuex msuiuz msaz hez muex ngaz rueq kuq phaungx,” ngoz tueq jungx tueq. Kvkaq Abram rueq piq muex shvmx kvkhic kaz tueq Yehowa tvkoc kvruex baung kvyuq shomrawx tvhungx tueq.

RAPHA HIQWA LAK 15:18

Kvruex yimaq Yehowa rueq Abram rulc bomkhvrc taq tueq. Vpiq rueq, “Ejip mungx ghaqruiy maq Euphrat ruilx nuex httuiuc laz,

RAPHA HIQWA LAK 15:5

Yehowa rueq Abram kuex kvlc htaq nuex shvlx laq vtueq, “Raungx nuex kac vtueq ruiysuiyq htenc kuex wvl shuiuz; mphvnx mmaq kuex kvkhoc paung yaung wvnc tuex,” ngoz tueq jungx tueq.

RAPHA HIQWA LAK 17:8

Majuiuc mnoz wuinshaung waz ikhoc httax vtuiux mungx vruex kuex mnoz nuiyc msuiuz msaz hez muex kuq phaungx. Kanaan mungx lotlaz kuex msuiuz msaz htenc muex kuy tvlanc kuq phaungx, ngaz muinz tsuingshiq Tishox muex yaungx taungx,” ngoz tueq jungx tueq.

RAPHA HIQWA LAK 22:17

msuiuz msaz htenc kuex raungwawc ruiysuiyq htenc, rvmuq ngoz ruiux svmuktvrax kawx wawc kumtsvy htenc ikhoc ngaz rueq mnoz muex kuq phaungx. Msuiuz msaz htenc rueq tsuingshiq ralx htenc kuex khvt taungx gay shuex.

RAPHA HIQWA LAK 26:3

Majuiuc httax vtuiux vyuq lawx httax kuiuz, ngaz kuex mnoz rulc vdvmz httax vtueq ruimrix kuq phaungx. Vruex hong lotlaz kuex mnoz muex nuiyc msuiuz msaz htenc muex ngaz rueq kuq phaungx. M-waz Abraham muex ngaz rueq bomkhvmc kuq tauk rulc rv-ngvlc ngaz rueq ruez shaungx.

1 KAÜWA WERAÜ 27:23

Israel miqsaz kuex raungwawc ruiysuiyq ikhoc tvpux paung shaungx ngoz tueq Yehowa bomkhvmc ningkhvnc nuex, Hokhvmx Dawid rueq rullungx rok nueyc maq kaq kox miq kuex muingc wvlc lvmz muq doc.

DUNGWVNC 1:12

Yuq muinz Ejip miqsaz rueq Israel miqsaz kuex guirguenz koq jix, Israel miqsaz kuex paung yaung wvnc vtueq, wvmungx tuimx nuex rv-nyanc httax wvnc tueq. Ejip miqsaz kuex Israel miqsaz muex hiyaz wvnc wuez tueq,

DUNGWVNC 1:7

yuq muinz Israel miqsaz tsuingshiq suiuz vsaz paunghvlc pux wvnc vtueq, Ejip mungx baung ruip saz nuex rv-nyanc httax wuez tueq.

TRI CHONGKE 28:62

Nuimshiq kuex raungwawc ruiysuiyq htenc ikhoc paunghvlc paung ruiux yuq muinz, Yehowa nuimshiq Tishox rueq nvr yaq kuex phvnx muit ningkhvnc nuex miq vthvp saz dvyx vtvraungx kvjungx wuez tuinx.