Mikha 6:7 - Hawa Naga Bible 2001

⁷ Khelbuenx pung vhingc vmunc nuiyc htumx lot muq olip puiz tix ruilx htenc, vpiq kox nuex ngaz rueq lvmz laq tauk ngoz ruiux yuq, Yehowa rueq kvruex roc shuex shuex raz tvnx? Ngvy mvrax ningkhvnc nuex isaz pekhux waz kuex pumz httungx shomc kuy tvyaungc muex ngaz rueq piq kuex lekuy juing haz?

ASII LAKDAP Bible (BSI)

⁷ Tatiwe ma skulise hingshi, riimakla, Olip tai ka khamkai ikha miishea mishreng? Ngi ngarai dokda miitu Ise chhikhuwe kriisha mikuqha?

Mikha 6:7 Referencias Cruzadas

2 HOKHVMX 16:3

Israel Hokhvmx bix layx kuex phvnx tueq. Piq rueq yac yuimx htenc muex wvr maq jauk shomc kuy tvkoc vsaz shauk doc muinz shomc nawk kuq gay tueq, Israel miqsaz htenc kvtenc kaz wvnc koq tueq, Yehowa rueq yurc gay tueq miq htenc tsuingshiq vshuy vshac lvmx kvyuq phvnx wvnc naungx tueq.

2 HOKHVMX 21:6

Piq rueq vsaz kuex wvr maq jauk shomc kuy juing muex tvyaungc vtueq shomc nawk kuq gay tueq. Piq rueq luinglawc nuiyc mantan htenc kuex shuimx lvmz vtueq, yauk ruiy lawc jix nuiyc htaungc nyuiuz hez muex wisoz ruiux rvjungc phvnc yaq. Piq rueq Yehowa muex mvrax yunghvlc yaq vtueq, thuinz tvkhaq kuq tueq.

2 HOKHVMX 23:10

Hokhvmx Josia rueq uraq muinz Molek tishox tvkoc miqmac saz miqwaz, yalxjuik sahez kuex wvr maq jauk shomc kuy shomc nawk kuq muq laz juing, Hinnom Warc tvnx wawc Tophet ngoz yaq yac yuimx nawk palx juing baung kuex tvshuy shac gay tueq.

2 HOKHVMX 3:27

Kvkhoc rvtueq piq kvlayc hokhvmx yaungc jix vsaz pekhux waz kuex shvlx laq vtueq, ghaqyungx palx ruk htauk nuex Moba tishox muex shomc nawk kuy juing tvyaungc vtueq shomc kuq gay tueq. Kvkaq Israel miqsaz htenc kuex kawc yawc wuez vtueq, ghaqyungx kvwawc tsuinghez kvyenc wvnc vtueq miqmac mungx nuex yek waung wuez tueq.

YOBA 29:6

Ngvy manx htenc nuiyc khelkhix htenc rueq puix paunghvlc kuq yaq, ngvy olip jungx htenc kuex lungrungc ghaq nuex kemz yaq.

Tvtsvmc 50:9

Yuq muinz mruk mungx wawc manx htenc kvmuinz, nuimshiq phungc wawc khelkhix htenc kvmuinz ngaz rueq shuimc roc vshaungx rvmuq;

Tvtsvmc 51:16

Mnoz rueq shomc nawk kuy lvmx kuex roc muq, rvmuq ngoz ruiux ngaz rueq shomc kuq khvmz phaungx; mnoz rueq wvr maq jauk shomc kuq yaq kvmuinz raungc raq muq.

Tvtsvmc 51:18

O Tishox lex, Zion muex menjenc vtueq romc kuq shuiuz; Yerusalem ghaq palx ruk kuex guirx yek shuiuz.

TAKSU LAK 15:8

Yehowa rueq miq hvlx jix htenc vjux thoz yaq bomc kuex raungc raq yaq, yuq muinz layx bac jix htenc rueq vlvmz laq shomc nawk kuy juing htenc kuex vpiq rueq shuiuc yaq.

TAKSU LAK 21:3

Vlvmx nuiyc hunghtaungx yaq kuex shuimx shuiuz; kvruex kuex shomc nawk kuy juing lvmz kuq laq shuiux htauk nuex jvnc vtueq Yehowa rueq raungc raq yaq.

ISAIA 1:1

Vruex luik dvp nuex Yuda hokhvmx bix rvtueq Uzia, Jotham, Ahaza nuiyc Hezekia pat nuex Yuda mungx Yerusalem nuex seng vtueq Amoza saz Esaia kox nuex httuiuc kaz tueq Tishox bomjungc rvtueq.

ISAIA 40:16

Lebanon luingx vlak nuex httax yaq ngvmx saz lotlaz kuex naungshiq Tishox muex shomc nawk kuy tvkoc hungx muq, kvwawc pulx jungx htenc muinz wvr juiuz juing janx muex hungx muq.

JEREMIA 19:5

tsuingshiq sahez kuex wvr maq jauk shomc nawk juing muex tvyaungc vtueq Bala tvkoc shomrawx htenc tvhungx taq tueq. Vkhoc shuimc tvkoc tsuingshiq muex ngaz rueq mkaq muinz nvr mauk doc; kvkhoc ngvy thuinz nuex mkaq muinz httax tueq rvmuq.

JEREMIA 6:20

Tsuingshiq rueq ngvy tvkoc Sheba mungx wawc vwvnc vhomc vtumc phvnx nuiyc lvmx luz mungx wawc vwvnc wvyshuiuz tvhomc juing htenc kuex ngaz rueq yvmx ngoz tueq lac raungc raq shaungx? Tsuingshiq rueq shomc kuq yaq kuex ngaz rueq lvp mauk, tsuingshiq rueq shomc nawk kuq yaq htenc kuex raungc raq mauk.

JEREMIA 7:31

Tsuingshiq rueq miqmac sahez kuex wvr nuex jauk shomc nawk tvkoc Hinnom Warc nuex Tophet ngoz yaq shomrawx kuex tvhungx wuez tueq. Kvkhoc shuimc tvkoc ngaz rueq nvr mauk, thuinz maq muinz tvmaung mauk.

EJEKIEL 23:37

Tsuingnueyc rueq rvsenc wvnc lvmz, miq thvy gay lvmz, yac yuimx htenc rulc htokpawx wvnc nuiyc ngvy tvkoc vjawx miqwaz sahez kuex thvt gay khac htenc yaq gay tueq. Isaz miqwaz sahez nuiyc tsuingshiq yac yuimx htenc muex shomc nawk kuq tueq.

Hosea 5:6

Tsuingshiq khelbuenx nuiyc manx kuex Yehowa muex shomc nawk juing shomc kuy tvkoc laq wuez tueq, yuq muinz kvruex kuex tsuingshiq muex vhvlx tvyaungc kuq muq. Vpiq kuex tsuingshiq kox wawc kay wvnc ningkhvnc nuex tsuingshiq rueq vpiq kuex humc lot muq.

Hosea 6:6

Ngaz rueq nuimshiq nyvmx saz shomc nawk kuq vshuinx htenc kuex roc mauk, nuimshiq lungwawc thuinz vngaungx kvdvyx roc shaungx. Ngaz rueq ngvy tvkoc wvr maq jauk shomc kuy htauk nuex ngvy miqsaz htenc rueq ngaz kuex tuiuz wvnc lvp waz roc shaungx.

LEWI 18:21

Msaz hez muex Molek tishox kuex nauk tvnawk palx kaz, yvmx khoc lac ngoz ruiux lec kvkhoc shuimx vtueq m-Tishox muingc jungc kuex nauk yomnamc kaz, Ngaz kuex Yehowa rvtauk.

LEWI 20:1

Yehowa rueq Moshe maq raz tueq,

AMO LUIK DVP (AMOS) 5:22

Nuimshiq rueq ngvy tvkoc wvr maq jauk shomc kuy nuiyc vruiy vwungx shomc kuq shuinx nuex, ngaz rueq lvp wvnc shaungx rvmuq; nuimshiq rueq ngaz muex shomc kuy tvkoc puiz waq vremc nyvmx saz htenc kuex ngaz rueq lvp wvnc mauk.

Philemon 1:12

Majuiuc piq kuex mnoz kox nuex ngaz rueq tvwaung yek vphaungx, piq rulc vdvmz nuex ngvy lungwawc thuinz vmungx muinz tvwaung naungx vphaungx.

PHOWEBI 11:31

taungx vtueq ralx lungc ruix maq yek waung taungx kvkaq, ngvy humc kay tvkoc yuimx maq vphaungc shauk shauk kaz yaq waz kuex wvr maq jauk vtueq shomc kuq phaungx. Kvruex waz kuex shomc nawk kuy juing ikhoc ngaz rueq mnoz muex shomc kuq phaungx,” ngoz tueq jungx tueq.

PHOWEBI 11:39

Yapix lex nueyc httax vtueq piq kuex vwaz kox nuex yek kaz tueq. Vwaz rueq muinz Yehowa muex bomkhvmc taq tueq rulc rv-ngvlc ruez gay tueq, piq kuex yalxtux nuex dvyx rullungx htumx wvnc tueq. Kvruex maq raz tueq vruex yauk shuimc kuex,

1 SAMUEL 15:22

Samuel rueq, “Yehowa rueq mruex phvnx lac raungc raq yaq nguinx? Vtay vphvnc lvmz shuex, rvmuq ngoz ruiux shomc kuy juing nuiyc shomc nawk juing phvnx lac? Vpiq muex vhvlx pinhtumc khelbuenx maq shomc nawk kuy htauk nuex vpiq kvjaz tay phvnc lvmz kuex pinhtumc vhvlx rvtueq.