Mikha 6:6 - Hawa Naga Bible 2001

⁶ Ngaz kuex vpiq nawk palx tvkoc kaz taungx nuex, Yehowa raungmungx Tishox kox nuex yvmx lvmc lvy juing lac? Vpiq muex wvr maq jauk shomc kuy tvkoc vhvlx pinhtumc manx saz htenc kuex lvmc lvy juing lac?

ASII LAKDAP Bible (BSI)

⁶ Ngi raq ramungtan Tati Shiikeawe man na, jamlai wa mikuq wanha? apaiq shomnoq wa watiikang na? Ahea pinthum minsaüsetiim honglu wa na chaq ma, kuq wan latiishea miwaha?

Mikha 6:6 Referencias Cruzadas

2 SAMUEL 21:3

Kvkhoc rvtueq Dawid rueq Gibeon miqsaz htenc kuex gvl vtueq, “Nuimshiq tvkoc ngaz rueq yvmx shuimc kuy juing lac? Yehowa miqsaz muex nuimshiq rueq ruimruimc kuy tvkoc, nuimshiq muex vshuimc tvyaq gay tueq laung nuex ngaz rueq phvnx shishiz shuimc kuy roc,” ngoz tueq jungx tueq.

Tvtsvmc 116:12

Yehowa rueq ngaz muex kuq phuex kejux wvtaungx kuex yvmx maq lac shomc kuq shaungx?

Tvtsvmc 22:29

Ngamc ngax jix lotlaz rueq vpiq muex bumx nawk wuez shuex; vthueyc rvyaq miq lotlaz kuex vpiq khaungkac nuex bumx vtueq nawk palx wuez shuex.

Tvtsvmc 95:2

Vpiq khaungkac nuex kejux vyungx ngoz vtueq nyuip ruiux, shic vngoyc maq vpiq muex kokez tvtsvmc wuez ix.

Tvtsvmc 95:6

Kaz wuez luit, naungshiq rueq vpiq muex bumx vtueq nawk wuez ix; naungshiq Tvdungc Sungc jix Yehowa khaungkac nuex kuix tsvrung maq bumx wuez ix!

DUNGWVNC 12:5

Nuimshiq rueq khelbuenx rvmuq ngoz ruiux khelkhix kuex thvl taq shuinz, yuq muinz nyvmx saz kuex vmac vtsac vguez, wawc shiz khelx pung ruec rax.

DUNGWVNC 23:15

Ngaz rueq nuimshiq muex nvr phaungx rulc rv-ngvlc Ejip mungx maq dung wvnc tuit Abib yapix nuex Wisiz lomx muq Wantuc Moalx kuex moalx wuez shuinz. Raungx mvshix tup moalx shuinx baunglaung wisiz maq vtvhungx wanx kuex nauk phauk kaz. Shomc kuy juing lvmz laq muq maq ngaz muex nawk palx tvkoc mkaq muinz kay mvy muq.

TAKSU LAK 15:8

Yehowa rueq miq hvlx jix htenc vjux thoz yaq bomc kuex raungc raq yaq, yuq muinz layx bac jix htenc rueq vlvmz laq shomc nawk kuy juing htenc kuex vpiq rueq shuiuc yaq.

TAKSU LAK 21:3

Vlvmx nuiyc hunghtaungx yaq kuex shuimx shuiuz; kvruex kuex shomc nawk kuy juing lvmz kuq laq shuiux htauk nuex jvnc vtueq Yehowa rueq raungc raq yaq.

ISAIA 40:16

Lebanon luingx vlak nuex httax yaq ngvmx saz lotlaz kuex naungshiq Tishox muex shomc nawk kuy tvkoc hungx muq, kvwawc pulx jungx htenc muinz wvr juiuz juing janx muex hungx muq.

JEREMIA 6:20

Tsuingshiq rueq ngvy tvkoc Sheba mungx wawc vwvnc vhomc vtumc phvnx nuiyc lvmx luz mungx wawc vwvnc wvyshuiuz tvhomc juing htenc kuex ngaz rueq yvmx ngoz tueq lac raungc raq shaungx? Tsuingshiq rueq shomc kuq yaq kuex ngaz rueq lvp mauk, tsuingshiq rueq shomc nawk kuq yaq htenc kuex raungc raq mauk.

EJEKIEL 46:9

“Miq htenc kuex moalx raungnuiyq kvkaq Yehowa muex nawk palx kay kaz ruiux yuq, ghaqkhux kox kaluix maq nyuip ruiux tsuingshiq rueq nawk palx lot yix ghaqyaz kox kaluix maq dungc kay juing rvtueq. Ghaqyaz kox kaluix lvmx maq nyuip jix hez muinz ghaqkhux kox kaluix maq dungc kay rax. Miq vshiz muinz miqmac nyuip waungc juing kaluix lvmx maq dungc kay mvy muq, yuq muinz lvmx nungx maq jix dungc kay juing rvtueq.

DANIEL 3:26

Kvkhoc rvtueq Nebukhadnezar kuex wvrkez kaluix nuex kaz vtueq, “Shadrak! Meshak! Abetnego! Johvlc Tishox nvrc waz hez! Dung kaz luit!” ngoz rueq ramc tueq. Tsuinghez muinz lvmx lvy dung kaz tueq.

DANIEL 4:9

Luinglawc jix hez muex walaungx waz Belteshazar lex, vsawc tishox htenc siyac mnoz nuex httax yaq ningkhvnc nuex vhttuiyq vpuiuc vruez lotlaz mnoz rueq tuiuz yaq kuex ngaz rueq tuiuz yaq. Vruex kuex ngvy maung rvtueq. Ngaz muex vlvmz jalc jungx kuq koq.

DANIEL 5:18

“Johvlc Tishox rueq m-waz Nebukhadnezar kuex hokhvmx yunghvlc muex tvyaungc vtueq ngauz vngax nuiyc muingjungc khushec kuex kuq tueq.

DANIEL 5:21

Piq thuinz vtharc kuex ngvmx saz vshiz ikhoc yaungx wvnc vtueq, miq phungc wawc yurc gay rvhumc tueq. Piq kuex yaruix loze htenc rulc vdvmz httax vtueq, manx rueq ikhoc namx kuex phauk ruiux buing jamx nuex woalc yaq. Tvsuip nuex Johvlc Tishox vpiq rueq vthvl miq ukhaq muex muinz miqsaz mungtan lotlaz kuex guimz tvkoc kuq yaq kuex piq kvjungx yaq.

Hosea 5:6

Tsuingshiq khelbuenx nuiyc manx kuex Yehowa muex shomc nawk juing shomc kuy tvkoc laq wuez tueq, yuq muinz kvruex kuex tsuingshiq muex vhvlx tvyaungc kuq muq. Vpiq kuex tsuingshiq kox wawc kay wvnc ningkhvnc nuex tsuingshiq rueq vpiq kuex humc lot muq.

AMO LUIK DVP (AMOS) 5:22

Nuimshiq rueq ngvy tvkoc wvr maq jauk shomc kuy nuiyc vruiy vwungx shomc kuq shuinx nuex, ngaz rueq lvp wvnc shaungx rvmuq; nuimshiq rueq ngaz muex shomc kuy tvkoc puiz waq vremc nyvmx saz htenc kuex ngaz rueq lvp wvnc mauk.

Matthew 19:16

Laukshiz miq washiz kuex Yesu kox nuex kaz vtueq, “Tvluingc waz lex, pattup rullungx lvp wvnc laz juing ngaz rueq vhvlx phvnx yvmx shuimc juing lac?” ngoz tueq wiz tueq.

Mark 12:33

Kvmaq mthuinz mmungx lotlaz maq, nhonc mtharc lotlaz maq, mhungc mlaungc lotlaz maq, piq muex lungwawx rax, miqmac phic vphaungx jix kuex miqmac shauk vgvnz rulc rv-ngvlc lungwawx rax, ngoz tueq nvr shec tueq, vruex kuex Tishox muex nyvmx saz maq shomc kuq yaq nuiyc vganc shomc nawk kuq yaq htauk nuex muinz vkhek pinhtumc rvtueq,” ngoz tueq piq muex jungx tueq.

Mark 5:7

“Johvlc Pinhtumc Tishox Saz Yesu lex! Mnoz rueq ngaz yvmx khoc ruec lac dvnc vphux? Mnoz rueq ngaz kuex nauk guirx guenz vkueq, Tishox ningkhvnc maq mnoz muex ngaz rueq kvmenc jenc thoz vphaungx!” ngoz tueq yunghvlc maq ramc tueq.

Luke 10:25

Tvrac tvluingc waz washiz kuex Yesu kox nuex kaz vtueq, “Tvluingc waz lex, pattup rullungx lvp wvnc laz juing ngaz rueq yvmx ruec juing lac?” ngoz tueq Yesu muex taruiyx wiz tueq.

John 6:26

Yesu rueq, “Ngaz rueq nuimshiq muex vsuing jungx kuq ix, nuimshiq rueq ngaz thuiyx vphuinx lvmx kuex ngaz rueq tvkhic phaungx romzyac vlvmz kuex tuiuz vtueq thuiyx vphuinx rvmuq, wanx phauk saq vtueq phoay kv-phuinx tueq jix thuiyx vphuinx, ngoz tueq tvralc tueq.

Acts 16:17

Kvruex nvrc nyuiuz kuex Polu nuiyhez yix nuex phvnx vtueq, “Miq vruex hez kuex Johvlc Pinhtumc Tishox nvrc waz hez rvtueq, nuimshiq rueq yvmx khoc laz palc daungc wvnc rvhumc lvmx jungphvnc kuy jix hez rvtueq!” ngoz tueq ramc tueq.

Acts 16:30

Kvruex yimaq tsuingshiq kuex yuz phic nuex shvlx wvnc vtueq, “Jiyungx wanueyc lex, palc daungc wvnc rvhumc tvkoc ngaz rueq yvmx khoc shuimc wvnc juing lac?” ngoz tueq wiz tueq.

Acts 2:37

Nuk miqsaz htenc rueq kvruex kvjaz kuex tay wuez vtueq, tsuingshiq thuinz nuex heq koq tueq tsuingshiq rueq Peter nuiyc vganc kamx waz hez muex, “Phunox bix lex, nuiyshiq vruex yvmx khoc yaungc juing lac?” ngoz tueq.

Ephesians 3:14

Vruez lvmz ningkhvnc nuex raungmungx nuex nuiyc ghaq htauk nuex httax yaq yuimx taungx tek muex tsuingrux vjungx rvtueq

Hebrews 10:11

Yuda shomc waz bix tek vtueq vpiq muex shuimc kuy yauk shuimc kuex wvraungx nuiyq shuimx ruiux, shomc nawk kuy juing phvnx shiz kvdvyx paunghvlc shex shuimx tueq; yuq muinz kvkhoc shomc nawk kuy juing htenc rueq mvrax htenc kuex mkaq muinz tvsawc kuq gay lot yaq rvmuq.

1 SAMUEL 15:22

Samuel rueq, “Yehowa rueq mruex phvnx lac raungc raq yaq nguinx? Vtay vphvnc lvmz shuex, rvmuq ngoz ruiux shomc kuy juing nuiyc shomc nawk juing phvnx lac? Vpiq muex vhvlx pinhtumc khelbuenx maq shomc nawk kuy htauk nuex vpiq kvjaz tay phvnc lvmz kuex pinhtumc vhvlx rvtueq.