Biblia Todo Logo
La Biblia Online
- Anuncios -




Mikha 6:5 - Hawa Naga Bible 2001

5 Ngvy miqsaz htenc lex, Moba Hokhvmx Balak rueq mkhoc lac kvmungx yaq nguinx nuiyc Beor saz Balam rueq piq muex mkhoc lac tvralc tvnx kvjaz kuex rvwvl shuinz. Akasia jerak nuiyc Gilgal jerak hvlwvl lvmx nuex yaungx wvnc tueq lvmz htenc kuex rvwvl shuinz. Nuimshiq rueq vruex lvmz htenc kuex rvwvl vtueq nuimshiq kuex palc wvnc tvkoc ngaz rueq shuimc wvnc tauk htenc kuex nuimshiq rueq tuiuz wvnc shuiux,” ngoz tueq jungx tueq.

Ver Capítulo Copiar

ASII LAKDAP Bible (BSI)

5 Isenginok lei, tiitsang rong laq, Mob hokham Balak raq phaqchi toq raüta, Beor se Balaam ma namshiq tiison dan taq, kra tiima ronglaq. Kiimaq lamjap piitiip Akasia nai, Gilgal liipan na, mra ümchuwa pin wantaq kra tiima ronglaq. Hanla ngi riidea namshiq tiichhii wanto nguta misap han.”

Ver Capítulo Copiar




Mikha 6:5
37 Referencias Cruzadas  

Yehowa rueq vpiq vwangc juing yauk shuimc htenc kuex naung-shiq muex tvlauk gay muq; vpiq kuex menjenc vtueq lawc mawc thuinz vmvrx waz rvtueq.


Yehowa lex, mbomkhvmc rulc rv-ngvlc ngaz kuex tvguing koq; mnoz vhvlx lvmx kvyuq ngaz kuilc daz vtaungx wawc ngaz kuex palc wvnc koq.


Mnoz tuiuz yaq jix htenc muex tvhttoarc vtueq lungwawx thuinz shuiuz, tsuingrux jix htenc muex tv-httoarc vtueq vhvlx yauk shuimc shuimx kuq shuiuz.


Tishox lex, mnoz tsuingrux vtuiux lvmz kuex raungx nuex htanc yaq. Yungc loayc hvlc yauk shuimc htenc kuex mnoz rueq shuimx toq; mnoz kvkhoc jix vshiz muinz vguez.


Yehowa kuex tsuingrux ningkhvnc nuex, vpiq rueq Yerusalem nuiyc kvruex wawc tharc humc wvnc jix miq ruip rawx kuex palc wvnc shuex.


Nvp yix raungnuiyq Balak rueq Balam kuex shvlx wvnc vtueq, Israel miqsaz kvkhic yaq Bamot Bala luimx nuex duiz woz tueq.


Balak rueq, “Vganc baungshiz nuex ngaz rulc vdvmz kaz naungx loq. Mnoz rueq kvruex baung maq tsuingshiq kuex httonc tvkoc Tishox thuinroc lvmx kuex mkhoc rvtueq muinz httax tuex,” ngoz tueq jungx tueq.


Israel miqsaz kuex Akasia Warc tvnx nuex jerak tec vtueq httax tueq baunglaung miqwaz rulc wvyvmc kuex Moba phvnx shvlx rulx rulc yaq phaq wuez tueq.


Yalxjuik rulx kvraq Moba tishox muex shomc kuy moalx nuex tsuingshiq gvl laq vtueq nawk palx kaz tueq. Israel miqsaz htenc muinz phuiuz vsvy phauk saq kaz vtueq Peor Bala tishox muex nawk palx kaz tueq.


Yalxjuik rulx htenc vruex kuex Balam kvmungx honc jungc rulc rv-ngvlc phvnx vtueq, Israel miqsaz kuex Peor hong maq Yehowa muex tvyaq wvnc tueq lvmz kuex rvwvl tvmaung wuez shuinz. Kvruex mvrax ningkhvnc nuex Yehowa miqsaz phungc mungx nuex thuimkux dung tueq.


Midian hokhvmx waz bv-ngac rvtueq, Ewi, Rekem, Zur, Hur, Reba muinz vlomx thvt gay tueq. Beor saz Balam muinz thvt gay tueq.


Gvnngvmx lvmx maq Pungnuk miqsaz yaungx vtuinx nuimshiq kuex vhttoar gvnc vhtungx lvmc guez jix miq ngoz tueq Yuda miqsaz rueq ngoz wuez yaq. Yuda miqsaz htenc rueq miqmac shauk pumz kv-ngoc vhttoar gvnc yoalx hez ngoz tueq kv-ngoc yaq. (Vhttoar gvnc vhtungx ngoz yaq kuex gvnngvmx nuex seng yaq yauk shuimc dvyx rvtueq.) Lvy wvnc tueq wawc nuimshiq lvmz kuex rvwvl yek shuinz.


Nuimshiq kuex Ejip mungx maq yauk lox dung kaz wvnc tuit nuex wisiz lomx muq wanx phauk tuit ikhoc, Tvlvy Wvnc Moalx moalx ruiux yuq raungx mvshix tup wisiz lomx muq wanx kuex phuiuz rax. Nuimshiq htemrvmz kuilc daz rvhumc vtueq Ejip mungx maq dung kaz wvnc tuit raungnuiyq kuex pattup rvwvl hvt tvkoc htemrvmc kuilc daz ngoz yaq wisiz lomx muq wanx kuex phauk wuez shuinz.


Nuimshiq phvnx vmaq httax ngaungc tuinx wawwawx, miqphvnx htenc muex romc kuy tvkoc muinz, tsuingshiq rungwanx juing phvnx yvmx muinz nauk shuimx kuq kaz.


Yehowa nuimshiq Tishox rueq vkuq hungc vlaungc maq ningkhvnc nuex hup vsvmx rungwanx wvnc tuit lvmz kuex tuiuz taq wuez shuinz. Kvkhoc luimc vkawc kuq tueq lvmx kuex vpiq rueq nuimshiq jix vwaz tamx rulc bomkhvrc vtaq kuex majuiuc raungnuiyq nuex httuiuc laz tvtsuir taq yaq ningkhvnc nuex rvtueq.


Nuimshiq kuex taruiyx lawc tvkoc ngoz tueq, vgvrx vtsvrx phvnx htenc kuex tvkaz ruiux vpiq rueq nvr yaq kvjaz htenc kuex tay phvnx vtueq shuimc kay thuinz httax yaq httax muq tuiuz lot laz juing, lvy wvnc tueq wawc rok bvlic tup Yehowa nuimshiq Tishox rueq kumtsvy tvnx lvmx luz kuex mkhoc lac shvlx kv-phuinx rvwvl shuinz.


“Kumtsvy tvnx nuex httax wvnc tuit ikaq Yehowa nuimshiq Tishox muex tvkhaq tuit kuex mkaq muinz rvwvl tvmaung hvt rvshuinz. Nuimshiq kuex Ejip mungx maq kaz wvnc tuit raungnuiyq maq phaungc vtueq, vruex hong nuex httuiuc kaz tuit raungnuiyq nuex httuiuc laz vpiq muex khawx lvlx wvnc tuit.


Kvruex yimaq Yoshua rueq Akasia jerak maq sisunx jix miq wanueyc kuex Kanaan mungx Yerikho ghaqyungx kuex tvhelc kay muex nvr tueq. Tsuingnueyc kvruex ghaq kvyuq httuiuc kaz tueq nuex vmuingc Rahab ngoz yaq mephex nyuiuz yuimx nuex wvrx shiz yuip tueq.


Yoshua nuiyc Israel miqsaz lotlaz kuex raungnvp kvyix raungnvp maq kvtenc vtueq, Akasia jerak maq kaz wvnc vtueq Yodan ruilx nuex httuiuc kaz tueq, yuix kuex max yanz nuex tsuinghez rueq kvyuq jerak tec tueq.


Miq htenc rueq vphaungc yapix raungx rokshiz raungnuiyq Yodan ruilx kuex yanz wvnc vtueq, Yerikho ghaq maq shaldungc kox Gilgal hong nuex jerak tec tueq.


Tsuingshiq rueq lvmx vlanx kuex gay ishec ruiux tsuingshiq lvmx tvmoz gay tueq; tsuingshiq kuex Beor saz Balam rueq phvnx yaq lvmx nuex phvnx wvnc wuez vshuex, Balam kuex vyaq yauk shuimc shuimx vtueq lvp yaq yauk mauk kuex rvnphvnx yaq khuec nuex,


Yuq muinz mvrax kvjungc ruiux yuq, Tishox kuex bomkhvmc tv-phaungx vtueq tvrac rulc rv-ngvlc shuimc jix waz khuec nuex naungshiq mvrax kuex dawc kuq gay ruiux, naungshiq kuex vshuy vshac htenc wawc tvsawc kuq gay phuex.


Tsuingshiq tvkoc pinhtumc kvhiz juing nyix! Tsuingshiq rueq Kain lvmx phvnc kuex phvnx wvnc wuez tueq, kuimphox muex rvnphvnx ningkhvnc nuex Balam yaq wvnc tueq kvkhoc yaq wvnc vtuex. Kora rueq ikhoc Tishox muex khawc lvlc ningkhvnc nuex sumrumx bac wvnc vtuex.


Yuq muinz yac yuimx muex shomc kuy juing phuiuz vsvy kuex phauk saq vtueq vshuy vshac ngoz yaq sahtok sapawx yauk shuimc nuex Israel miqsaz htenc rueq phvnx vtueq mvrax shuimx laz juing Balak muex tharc kvmungx kuy jix Balam rueq tvluing yaq nuex phvnc jix miq wvyvmc kuex mphungc kvyuq lomx yaq ningkhvnc nuex mnoz muex mvrax tvgurc juing raungluingx ngaz rueq khiz tauk.


Mnoz kuex Zippor saz Moba hokhvmx waz Balak htauk nuex muinz vhvlx pinhtumc ngoz tueq haz tvmaung vshuiux? Piq rueq Israel miqsaz kuex mkaq muinz thaungthoz haz naq tvnx? Piq rueq nuiyshiq kuex khvt muex khawx lvlx phuex haz?


Tay wuez shuinz! Yuix jumx htenc tvroz nuex thuirc burc jix miq kung lex, Yehowa rueq taungx wvnc tueq lvmz nuiyc, Israel miqsaz rueq taungx wvnc tueq lvmz htenc kuex jungphvnx wuez yaq! Kvruex yimaq Yehowa miqsaz htenc kuex tsuingshiq ghaqyungx htenc maq kaz wuez yaq.


Nuimshiq httax vtuinx kvyuq dvyx jvp wuez kuinz, nuimshiq nuiyc nuimshiq jix vwaz tamx palc wvnc tvkoc ngoz tueq, Yehowa rueq shuimx wvnc tueq lotlaungc yauk shuimc lotlaz maq nuimshiq muex tvhonc tvsvmz kuy tvkoc ngoz tueq Yehowa khaungkac nuex ngaz rueq nuimshiq muex mvrax nyvnc phaungx.


Síguenos en:

Anuncios


Anuncios


¡Síguenos en WhatsApp! Síguenos