Biblia Todo Logo
La Biblia Online
- Anuncios -




Mikha 6:4 - Hawa Naga Bible 2001

4 Ngaz rueq nuimshiq kuex Ejip mungx wawc tvdung shvlx wvnc vtueq nuimshiq dax yaungc pat wawc palc wvnc phaungx; Moshe, Arun nuiyc Miriam hez kuex nuimshiq shvlc tvkoc ngaz rueq tvkaz tauk.

Ver Capítulo Copiar

ASII LAKDAP Bible (BSI)

4 Ngi raq namshiq ka Ejip mung wa tiidong wan kang. Maiqdi ma ajahan maiqjam mong wa, dokda wan kang! Ngi raq namshiq shea wanti, Mosheq, Aron, kiimaq Miriam ma tiishea wan kang.

Ver Capítulo Copiar




Mikha 6:4
29 Referencias Cruzadas  

Mmiqsaz shauk tvyaungc muex ngoz tueq tsuingshiq kuex dax muex yaungx yaq wawc mnoz rueq palc wvnc toq, Israel rulc rv-ngvlc jix vganc phvnx kuex ghaq htauk vyuq httax muq. Tsuingshiq tvkoc mnoz rueq shuimx wvnc toq yunghvlc vwangc juing htenc kuex mungkawx lotlaz nuex mmuingc jungc kuex dung wvnc tueq shex. Mmiqsaz shauk tvyaungc muex ngoz tueq, Ejip mungx wawc mnoz rueq tvdung wvnc toq miq htenc kvtenc waung wvnc yaq kuex khiz vtueq, vganc phvnx htenc nuiyc tsuingshiq tishox htenc kuex mnoz rueq tvdung tuip gay toq.


Mnoz rueq Moshe nuiyc Arun kuex shunshvlx walaungx tvyaungc ruiux, mmiqsaz htenc kuex khelbuenx remc jix waz rueq ikhoc shvlx toq.


Kvruex raungnuiyq dvyx Yehowa rueq Israel phvnx htenc kuex Ejip mungx wawc tvdung shvlx wvnc tueq.


“Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.


Majuiuc ngaz rueq mnoz kuex Ejip hokhvmx waz kox nuex tvkaz vphaungx, kvkhoc rvtueq mnoz rueq ngvy miqsaz htenc kuex piq mungtan wawc tvdung kaz kuiuz,” ngoz tueq jungx tueq.


Yuq muinz Moshe rueq, “O Yehowa lex, ngaz kuex nauk tvkaz vkueq. Ngaz kuex mkaq muinz vbomc vnyamc khvmc mauk waz rvtauk, Mnoz rulc rvbomc vtaungx nuex doc muinz bomx nyamx thenc mauk. Ngaz kuex kvjaz vgaq, thuic duimz, kvjaz komc hvlc miq rvtauk,” ngoz tueq jungx tueq.


Piq kuex mnoz kvjaz tvraung piq rueq miq htenc muex jungx kuq shuex. Kvmaq mnoz kuex Tishox ikhoc yaungx vtueq yvmx khoc jungc juing lac kuex piq muex jungx kuq shuiuz.


Tsuingnueyc kuex Israel miqsaz htenc dungc wvnc tvkoc Ejip hokhvmx waz kox wawc thoz jix waz nueyc rvtueq.


Nuiyshiq muex ralx hez kuex vwangc juing nuiyc vyac kvtsuing rawx htenc tvkhic vtueq tvhiz tvkhuirc shuiuz, mnoz rueq mluimc vkawc nuiyc hungc vlaungc maq mmiqsaz Israel htenc kuex Ejip mungx wawc tvdung shvlx wvnc toq.


Ngaz kuex nuimshiq kuex Ejip mungx wawc shvlx wvnc vtueq, kumtsvy tvnx nuex wawc rok bvlic tup shvlx wvnc phaungx. Nuimshiq rueq Amori miqsaz ghaqphux lvp laz juing ngaz rueq kuq phaungx.


Moshe rueq Kushi phvnx shvlx lvmz koq tueq, Miriam nuiyc Arun rueq piq muex mvrax tvgurc wuez tueq.


Moshe nuiyc Arun rueq shunshvlx vtueq Ejip mungx maq vphvnx tv-phvnc kaz wvnc wuez tueq, Israel miqsaz rueq jerak tec wvnc tueq baung htenc vmuingc vlvmz kuex vkhoc rvtueq.


Piq kuex Ejip mungx nuiyc Yuix Shawx Jumx maq muinz, wawc rok bvlic tup kumtsvy tvnx nuex muinz, vwangc juing romzyac htenc tvkhic wvnc vtueq, Israel miqsaz htenc kuex Ejip mungx wawc shvlc tvdungc wvnc jix waz rvtueq.


Nuimshiq kuex Ejip mungx nuex dax muex yaungx tuit wawc Yehowa nuimshiq Tishox rueq nuimshiq tvdung wvnc tueq kuex rvwvl wuez shuinz; kvkhoc rvtueq vruex nvrc kvjaz kuex majuiuc ngaz rueq nuimshiq muex kuq vphaungx.


Nuimshiq kuex Ejip mungx nuex dax muex yaungx wvnc tuit lvmz kvmuinz, Yehowa nuimshiq Tishox rueq nuimshiq kuex tvdung wvnc tueq lvmz kvmuinz rvwvl lvp wuez shuinz; kvkhoc rvtueq vruex vnvrc kvjaz kuex ngaz rueq nuimshiq muex kuq vphaungx.


Yuq muinz nuimshiq kuex wvrkez kalc ikhoc kalx yaq Ejip mungx wawc Yehowa rueq vtvdung shvlx wvnc miqphvnx rvtuit. Vpiq miqsaz muex tvyaungc tvkoc nuimshiq kuex tvdung shvlx wvnc tueq, kvkhoc rvtueq nuimshiq kuex vpiq miqsaz ngoz tueq majuiuc raungnuiyq jvp wuez vtuinx.


Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.


‘Ngaz kuex nuimshiq Ejip mungx nuex dax muex yaungx tuit wawc tvdungc shvlc wvnc jix waz Yehowa nuimshiq Tishox rvtauk.


Yuq muinz Yehowa rueq nuimshiq lungwawx vtueq nuimshiq jix vwaz tamx muex bomkhvmc vkuq kuex tv-phaungx ngaungx roc ningkhvnc nuex Ejip hokhvmx waz dax muex yaungx yaq wawc vpiq hungc vlaungc maq nuimshiq kuex tvdung wvnc tueq.


Ngaz rueq thoz tauk, ‘Johvlc Yehowa lex, mnoz luimc vkawc nuiyc mhungc vlaungc yunghvlc maq Ejip mungx wawc tvdung shvlx wvnc toq mmiq htenc kuex nauk tvbac gay kaz.


Samuel rueq, “Yehowa kuex Moshe nuiyc Arun thvlc wvnc jix nuiyc naungshiq jix vwaz tamx Ejip mungx wawc tvdungc shvlc wvnc jix Yehowa rvtueq.


Síguenos en:

Anuncios


Anuncios


¡Síguenos en WhatsApp! Síguenos