Mikha 6:7 - ASII LAKDAP Bible (BSI)

⁷ Tatiwe ma skulise hingshi, riimakla, Olip tai ka khamkai ikha miishea mishreng? Ngi ngarai dokda miitu Ise chhikhuwe kriisha mikuqha?

Hawa Naga Bible 2001

⁷ Khelbuenx pung vhingc vmunc nuiyc htumx lot muq olip puiz tix ruilx htenc, vpiq kox nuex ngaz rueq lvmz laq tauk ngoz ruiux yuq, Yehowa rueq kvruex roc shuex shuex raz tvnx? Ngvy mvrax ningkhvnc nuex isaz pekhux waz kuex pumz httungx shomc kuy tvyaungc muex ngaz rueq piq kuex lekuy juing haz?

Mikha 6:7 Referencias Cruzadas

2 HOKHVMX 16:3

Kiimaq apaiq riika Israil mung hokhambi jaqsham kra khoti sham wanto. Kiimaq apaiq riika kriithaq niimin abi lin she, ase shaq kra sumla phra thun noq ma chaqtlii-honglu na kuqto. Arka Tatiwe raq Israilnok lümaq kra mung wa jobaiq wantaq nok raq Tatiwe makki na maiqphai asi jaq sham wantaq ngarai lam phan kra phanto.

2 HOKHVMX 21:6

Apaiq raq ase ka wa na chaqtlii-honglu na takuqto. Apaiq raq langtliito. Kiimaq mintin loqle kloto. Kiimaq jaqliitibi nai tei tlangti ma tei tlangto. Kiimaq wulum rai riibom wanto. Apaiq raq Tatiwe man na ngarai bihea kloto. Raüta Tatiwe tsankhiq henghea shaüto.

2 HOKHVMX 23:10

Hokhamwe Josia raq Hinnom Tan na sumla phrakaü Topheth shomnoq chang shomjam kriimin wiita tiibun baiqto. Krai mren kiijaq Molekh phra kaü ma jurmin ase maiqwe se lo, jechakse lo ka chaqtlii-honglu na kuqmak chang miitu runbaiqto.

2 HOKHVMX 3:27

Kra ningkhan she, apaiq raq ase chhikhuwe, apaiq pumsong hokham ma shong chang kriishe Mob mung riimti phra kaü ma kra chela khetuk na honglu ma takuqto. Kra chhiraüta Israilnok ka phiip raq tsaito. Kra ningkhan tsangshiq raq chela ka khat mak she riito. Raüta tsangmung niishe jang wanto.

YOBA 29:6

Imin saü kaü kong nai ichhechhi kaü kong raq apü chamtraq kuqto, kiimaq ngi olip pero ka longrong thaq na chamto raüta jong siqto.

Tvtsvmc 50:9

Kiimaq ngi ma namshiq wakram wa minsaü pongwe thun ka raamak riimakla nam nyamse phong wa chhechhi thun ka dadü mang;

Tvtsvmc 51:16

Ümniiraq nyamse honglu thun ka rariq maü, riimak nguraü ka ngi raq mikuqha wa; ümniiraq wa na chaq raüta akuq honglu thun ka rariq maü.

Tvtsvmc 51:18

O Shiikeawe lei, Jajon ka mangchanlaq laüta khrumlaq; Jerusalem ruk thun ka tiihea haikuqlaq.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

TAKSU LAK 21:3

Kechu jaqsham nai riikhaqli jaqsham ka, Tatiwe ma, honglu pahea akuq thaq na ahea.

ISAIA 1:1

Ara lakdap na waiqtaq tsütsa thun arka Juda mungti nai Jerusalemti miitu, Shiikeawe raq Isaia ma atiichhikuq bomtsi. Isaia ka Amoj se. Apaiq raq shammi jaqsham wantaq arka hokhambi Ujjia, Jotham Ahaj kiimaq Hejekia raq Juda mung na hokham jaqsham wantaq pat wa.

ISAIA 40:16

Lebanon mung rumnyangkhi na rum nyamse ümchuwa sitlaq ka, nashiq Shiikeawe ma honglu take rii min hong mak, kiimaq kiiwa pero thun ka apaiq raq wa tiinyaichaq rii min hongmak atsap se.

JEREMIA 19:5

Kiimaq tsangshiq raq Baal phra ma honglu take miitu berong-wacha pahea haito. Raüta tsangsetiim ka honglu na takuqto. Arka ngi raq tsangshiq ma akha klo ronglaq nguta aming min kuq mang riishatmaq klo wanto. Arka ikhutsai na min ahü dongmak dongdii.

JEREMIA 6:20

Tsangshiq raq Sheba mung wa homseng lam wan raüta honglu na chaqtlaq kra ngi ma jamlai liip wa? Riimakla pongmung luhea wa süsetapan homhea phan lam wan raüta honglu na chaqtlaq kra ngi ma jamlai liip wa? Tsangshiq raq ngi ma honglu kuq wantlaq kra ngi raq tao mang. Kiimaq tsangshiq raq ngi ma nyamse honglu takuq wan tlaq kra miitu min ngi ka shümü mang.

JEREMIA 7:31

Tsangshiq raq Hinnom thung na Topheth nguta berong-wacha ashi tei wanto. Kriika kiijaq tsangsetiim raq maiqwe sere nai jechaksere ka honglu na takuq wan raüta wa na chaq miitu shongto. Ngi raq tsangshiq ma akha thatsang wan ronglaq nguta chongkuq mangdea. Arka i khutsai niimin tiido wan mak dongdii.

EJEKIEL 23:37

Tsangnai raq awese sishat maq maiq rai srato. Kiimaq maiq tsat baiqto. Sumla phra thun rai sethoq jato. Kiimaq tsangnai raq asetiim Ngi ma achiikuq thun kra tsatbaiqto. Tsangnai raq isetiim maiq wesere ka sumla phra thun noq ma takuqto.

Hosea 5:6

Tsangshiq skusekong nai jamnyamsekong kra tsuqho raüta, Tatiwe ma shomnoqkai nguta kitlo, shatmaq Tatiwe raq, tsangshiq honglu ka tao mak she miraq, apaiq raq tsangshiq ka miimbaiqto.

Hosea 6:6

Jamkhano ngukla, Ngi riika lungwii tsantsii rit tiikang. Nyamse honglu ngamrea rit mang. Tsangshiq raq Ngi sap wan kra rit tiikang, Tsangshiq honglu ngamrea ka rit mang.

LEWI 18:21

Ümsetiim wa jumin Molekh phra shomnoq miitu honglu na naq kiinong kuqkiq. Kra raüla Shiikeawe, Tatiwe mang ka shummii miraq.

LEWI 20:1

Tatiwe raq Mosheq ma chongto

AMO LUIK DVP (AMOS) 5:22

Namshiq raq ngi ma chaqtlii-honglu, kiimaq wong-honglu kuq tlan, kra ngi raq tao mang. Namshiq raq kumchipo ikha tiijong lanta, nyamse honglu kuq tlan, kra ngi raq tao mang.

Philemon 1:12

Riita, ija ümchaü min la, ngi raq apaiq ka ümpha niishe tiijang wan tiikang. Apaiq tiiwa tiikang arka, ngi raq ümniima, i tsan i mongpo panke khan tai tlo.

PHOWEBI 11:31

ngi ka rekhat tang lata, ijam na saü wan tiikang akhing na, ijam mong wa ümriitiwa kongkhu dongki raüta ngi ka tao jiiq, kriiti ka ngi raq, ümniima wa maq chaq lata honglu na mikuqha. Ngi raq kriiti ka ümniima honglu na mikuqha.”

PHOWEBI 11:39

Jipi lünai jai miishe apaiq ka awe phana jangki nongto. Krai mren, apaiq riimin Tatiwe ma jamlai kiq wa khamkuqtaq kra kloto. Kiimaq apaiq ka rilung tiisungli jelan siraüta tsaito. Riita Israilnok mung na manphan ka armaq phahoto.

1 SAMUEL 15:22

Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.