Mikha 4:7 - Hawa Naga Bible 2001

⁷ Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.

ASII LAKDAP Bible (BSI)

⁷ Tsangshiq ka achuk akü luhea mung na. Shatmaq aso tiichong tlaq kiiwa, ngi raq mung anye tingsang niishe mitiichhan chhi wan ha. Tsang mung ka jonghea ashi miishe mija wan. Kra akhing miishe ngi raq, tsangshiq ka Jajon pum maq, ngalata pattup pat-sa miitushe mi peng wan ha.”

Mikha 4:7 Referencias Cruzadas

Tvtsvmc 2:6

Vpiq rueq, “Ngvy vsawc kanx Zion htauk nuex ngvy hokhvmx waz muex ngaz rueq tvduiz shec tauk,” ngoz tueq jungx tueq.

ISAIA 16:5

Kvruex yimaq Dawid suiuz vsaz washiz kuex hokhvmx yaungx tuex, piq rueq mungx miqsaz kuex tvmtuing nuiyc lungwawc thuinz maq guimz lawc shuex. Piq kuex vlvmz yauk shuimc tvkoc lvwvnz tuex, tvrac vlvmz yauk shuimc httax tuex kuex piq rueq khiz shuex.)

ISAIA 24:23

Yapix kuex nyauk wvnc vtueq, shalx muinz kawc muq shex rvtuex, yvmx khoc lac ngoz ruiux lec Tvphaungc Tvsuip Yehowa kuex hokhvmx yaungx tuex. Vpiq kuex Zion Kanx htauk wawc Yerusalem nuex guimz lawc shuex, mungx miqsaz walaungx bix rueq vpiq ngauz ngax kuex khiz shuex.

ISAIA 6:13

Kvruex mungx kvyuq miq kuex pasen 10 tanc dvyx shex kvjungx ruiux muinz, piq muinz tvbac gay rvhumc tuex; tsuingshiq kuex vduiuz vruez gay khauk rauk jungx khuiuq ikhoc yaungx tuex,” ngoz tueq tvralc phuex. (Pulx jungx khuiuq kuex Tishox vpiq miqsaz vnyalx tvjvp phaungc wvnc ngoc rvtueq.)

ISAIA 60:22

Mnoz wawc vthvp pinhtumc nuiyc kenc hvlc taungx doc muinz Yungx luz wvnc vtueq luimc vkawc vhttax miqphvnx muex yaungx wvnc tuex. Kvruex vkhing httuiuc ruiux, Ngaz rueq yauk lox maq kvkhoc tvyaungc shaungx. Ngaz kuex Yehowa rvtauk!”

ISAIA 66:8

Kvkhoc yaungx yaq phvnx kuex khic jix tay jix vshiz raung vhttax haz? Miqphvnx phvnx shiz kuex nuiyqshiz nuex dvyx jawx lot yaq haz? Israel mungtan max jawx shauk nuex Zion kuex kuilc daz loayc hvlc rvhumc tuex rvmuq.

EJEKIEL 43:7

“Vthueyc rvyaq miq lex, vruex kuex ngvy hoc daungraungc rvtueq. Vruex yuq Israel miqsaz rulc vdvmz httax vtueq tsuingshiq kuex pattup pat-sac guimz shaungx. Israel miqsaz htenc nuiyc tsuingshiq hokhvmx bix rueq vganc tishox htenc kuex nawk palx vtueq muinz, tsuingshiq hokhvmx bix maungx htenc vyuq luip vtueq muinz ngvy vsawc muingc kuex shummarc yek shuex rvmuq shex.

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

DANIEL 4:34

Hokhvmx waz rueq jungx tueq, “Wawc mvshix yix maq ngaz rueq raungx nuex kac lawc koq tueq, miqsaz thuinz vtharc kvyez yek tauk. Ngaz rueq Johvlc Tishox muex tvtsvmc kvmc ruiux pattup httax yaq waz kuex tvtsanc nganc vtueq ngauz ngax kuex tvtsvmc tauk. “Vpiq rueq pattup guimz lawc shuex, vpiq mungtan kuex patshiz maq patshiz phaungx ngaungx wvnc tuex.

DANIEL 7:14

Vpiq kuex vrangx vpangx, tvtsanc nganc, hokhvmx luimc vkawc kuy rvhumc jix waz rvtueq, miqphvnx htenc wawc miq lotlaz muinz, vphvnx htenc, nuiyc phvnx ruip kvjaz htenc rueq muinz piq muex shuimx kuq wuez shuex. Vpiq vrangx vpangx kuex pattup phaungx ngaungx yaq, vpiq mungtan mkaq muinz maq kaz muq.

DANIEL 7:27

Ghaq htauk wawc mungtan lotlaz luimc vkawc nuiyc yungx luz yaq htenc kuex Johvlc Tishox miqsaz htenc muex kuq gay shuex. Tsuingshiq hokhvmx luimc vkawc kuex mkaq muinz htumx wvnc tuex rvmuq, ghaq htauk wawc guimz lawc jix vyungx vlaungx bix lotlaz rueq muinz vpiq muex shuimx kuq ruiux vpiq kvjaz kuex phvnx wuez shuex,” ngoz tueq jungx tueq.

Hosea 1:10

Israel miqsaz kuex svmuktvrax wawc kumtsvy ikhoc vwvlc vhtaz lot miq laz juing paung wvnc tuex. Majuiuc Tishox rueq tsuingshiq muex jungx tueq, “Nuimshiq kuex ngvy miqsaz rvmuq,” yuq muinz kvruex raungnuiyq httuiuc wvnc tuex nuex vpiq rueq tsuingshiq muex jungx shuex, “Nuimshiq kuex vtvraungx httax yaq Tishox suiuz vsaz hez rvtuit!” ngoz tueq ngoz shuex.

Yoel 2:32

Yuq muinz romc kuy tvkoc Yehowa kox wawc thoz jix lotlaz kuex palc daungc wvnc rvhumc tuex. Yehowa rueq jungx tueq rulc rv-ngvlc, ‘Yerusalem wawc wvyvmc luenx wvnc tuex; kvruex hez kuex ngaz rueq vthvl shex hez ningkhvnc nuex tvraungx lvp tuex.’”

Yoel 3:17

“Kvruex yimaq, Israel lex, ngaz kuex Yehowa nuimshiq Tishox rvtauk nuimshiq rueq tuiuz shuinx. Ngaz kuex Zion ngoz yaq ngvy vsawc ghaqluimx nuex httax vtaungx. Yerusalem kuex vsawc ghaqyungx yaungx wvnc vtueq; pungnuk miqsaz rueq mkaq muinz guimz shuex rvmuq.

Obadia 1:21

Yerusalem wawc lotlaungc taungx wvnc jix hez rueq Edom kuex khvt ruiux kvruex mungx kuex guimz wuez shuex. Kvmaq Yehowa vpiq pumz shauk kuex Hokhvmx yaungx tuex.”

Mikha 2:12

“Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”

Mikha 2:13

Tishox rueq tsuingshiq tvkoc lvmx daz kuq shuex, tsuingshiq kuex thuq laq tueq kvwawc shvlx wvnc yek shuex. Tsuingshiq rueq palx kaluix htenc kuex rop httak gay ruiux dung kaz wuez tuex. Tsuingshiq hokhvmx rvtueq Yehowa vpiq pumz maq tsuingshiq kuex tvdung shvlx wvnc shuex.

Mikha 5:3

Kvkhoc rvtueq wuic khic thuiuz yaq nyuiuz kuex nox jawc jauz nuex httuiuc laz Yehowa rueq vpiq miqsaz kuex tsuingshiq ralx hez yauk nuex lekuq gay shuex. Kvruex yimaq vthuq vruez laq miqsaz htenc kuex miqmac phuz vnox bix rulc vdvmz nuex rvromc wvnc yek tuex.

Mikha 7:18

O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

JEPHANIA 3:13

Kvjungx yaq Israel miqsaz htenc kuex mruex jix htauk nuex muinz vyaq yauk shuimc shuimx shuex rvmuq, vrot vkaq kvjaz jungx shuex rvmuq, vlauc vlawc phuiuz svy tvkoc hungc maq jungx shuex rvmuq. Tsuingshiq kuex ukhaq muex muinz hisungx rax muq, kvkhup wungx httax vtueq rungwanx wvnc wuez tuex,” ngoz tueq jungx tueq.

JEPHANIA 3:20

Vkhing kuex httuiuc wvnc yaq! Ngaz rueq rv-phvlc nyanc khuemx wvnc tueq miqsaz htenc kuex yuimx nuex shvlc wvnc yek shaungx; Ngaz rueq nuimshiq kuex mung-kawx lotlaz nuex thaungbaungx yaq phvnx tvyaungc phaungx, nuimshiq kuex lauk shiz hulawx tvrungx wanx yek phaungx,” ngoz tueq jungx tueq. Yehowa rueq vjungx kvjaz rvtueq.

Luke 1:33

Vpiq rueq Yaku suiuz vsaz htenc htauk nuex pattup guimz lawc shuex; vpiq mungtan kuex mkaq muinz htumx wvnc tuex rvmuq!” ngoz tueq.

Revelation 11:15

Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.