Mikha 4:8 - Hawa Naga Bible 2001

⁸ Tishox rueq pvrrawx maq vpiq miqsaz htenc kuex khelbuenx remc jix rueq ikhoc bvmc lawc yaq Yerusalem lex, mnoz kuex kungkhux wawc ikhoc mungtan ghaqnyuiuz jungx muex lauk shiz yaungx yek tuiux.

ASII LAKDAP Bible (BSI)

⁸ Kiimaq Jerusalem lei, Shiikeawe ka kiijaq ngaraüta, asenginok ka skusekong ikha rüm wan tlo, ümniika man na jamkhiiwa silaü, kiikha mungtan nyungchong miishe mija wan nong haü.

Mikha 4:8 Referencias Cruzadas

RAPHA HIQWA LAK 35:21

Yaku kuex kaz wvnc yek vtueq Eder pvrrawx ral nuex jerak tec tueq.

2 SAMUEL 5:7

(Yuq muinz Dawid rueq tsuingshiq Zion nolaungx ghaqshungc kuex khvt taungx gay koq tueq, kvruex ngoc “Dawid Ghaqyungx” ngoz tueq muingc tueq.)

NEHEMIA 3:25

Uzai saz Palal rueq ghaqyungx shuk rungx nuiyc bvmc juing pvrwawx hep wawc lvmx htauk hokhvmx hoc maq phaungc vtueq tvhttoarc ruk tueq; Kvruex tvhttoarc kuex Parosh saz Pedaia rueq Yuix kaluix nuiyc Shomc Yuimx bvmc juing pvrwawx hep nuex httuiuc laz ruk tueq. (Vruex baung kuex Shomc Yuimx yauk shuimc jix hez httaz juing ghaqyungx wawc Ophel ngoz tueq muingc yaq baung rvtueq.)

Tvtsvmc 24:7

Ghaqyungx palx kaluix htenc kuex daz shuinz, mvnnuex wawc kaluix htenc kuex daz shuinz, yunghvlc hokhvmx waz nyuip wvnc tuex.

Tvtsvmc 48:3

Ghaqyungx nolaungx ghaqshungc mungx nuex vpiq rulc vdvmz kvwungx httax yaq kuex Tishox rueq tvkhic tueq.

Tvtsvmc 61:3

mnoz kuex ngaz muex tvkhup wungx kuy jix nuiyc, ngvy ralx htenc kuex tvgawx lot juing ngvy hungc vlaungc rvtoq.

ASHICHONG 4:4

Mduingx kuex Dawid lunghtung ikhoc, tvroz tumz nuex ralx khvt marrarc vhingc maq vbvt shex rulc rv-ngvlc yaq.

ISAIA 1:26

Ngaz rueq nuimshiq kuex mvnnuex nuimshiq nuex httax wvnc tueq ikhoc guimz lawc jix bix nuiyc tharc rvjungc walaungx bix kuex kuq phaungx. Kvruex yimaq Yerusalem kuex tsuingrux, tvmtuing vhttax ghaqyungx ngoz tueq ngoz shuex.”

ISAIA 10:32

Majuiuc raungnuiyq ralx htenc kuex Noba ghaq nuex httax yaq, tsuingshiq kuex kvruex yuq httax vtueq Zion Kanx nuiyc Yerusalem ghaqyungx kuex tvtac vtueq tsuingshiq yauk htuimx tvtuimz vtueq tvkhic yaq.

ISAIA 5:2

Piq rueq ghaq kuex tvbur htuz ruiux lung htenc lvmz gay tueq; piq rueq vlix vhvlx svpiq ruiuz htenc kuex khic tueq. Vpiq rueq kvruex bvmc muex pvrrawx vshiz guirx tueq, svpiq thuey surc juing ghaqkhurx vshiz htuz taq tueq. Piq rueq vthuey muinc kuex bvmc yaq, yuq muinz svpiq thuey lotlaz vhix waq.

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

DANIEL 7:18

Johvlc Tishox miqsaz htenc kuex hokhvmx luimc vkawc lvp wvnc vtueq, kvruex kuex pattup lvp wvnc shuex,” ngoz tueq jungx tueq.

Obadia 1:21

Yerusalem wawc lotlaungc taungx wvnc jix hez rueq Edom kuex khvt ruiux kvruex mungx kuex guimz wuez shuex. Kvmaq Yehowa vpiq pumz shauk kuex Hokhvmx yaungx tuex.”

Mikha 2:12

“Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”

JEKERIA 9:10

Yehowa rueq, “Ngaz rueq Israel wawc ralx lungc renc htenc kuex tvhttot lvmz gay ruiux Yerusalem wawc mvre htenc kuex lvmz gay shaungx; ralx khvt nuex shuimx yaq laq htenc kuex tvbac gay shaungx. Nuimshiq hokhvmx waz kuex miqphvnx htenc hvlwvl nuex nomic tvhttax vtueq; vpiq rueq svmuktvrax maq svmuktvrax nuex httuiuc laz, Euphrat Ruilx maq ghaq tvsuip nuex httuiuc laz guimz shuex,” ngoz tueq jungx tueq.

JEKERIA 9:12

Vthuq lvy rvhumc jix hez lex, yek waung luit, tvluimc juing vhttax; nuimshiq kvguing kvwungx juing ghaq baung nuex yek luit. Majuiuc ngaz rueq nuimshiq muex jungx ix, nuimshiq rvhumc wvnc tuit kuilc daz lotlaz laung nuex kejux mvnnueyc tvyez kuq phaungx.

JEKERIA 9:9

Zion miqsaz lex, kokez wuez kuinz, kokez wuez kuinz! Yerusalem miqsaz lex, vkoz vkez maq guyc sez wuez kuinz! Lawc shuinz, nuimshiq hokhvmx waz kuex nuimshiq kox nuex kaz yaq! Vpiq rueq taungx vtueq lotlaungc wvnc tueq, yuq muinz thuinz tvyomz vtueq loze htauk nuex ngaungc yaq, loze saz vshiz htauk nuex, loze kuiux kvruex saz htauk nuex ngaungc yaq.

WEAWEA 24:19

Israel miqsaz rueq tsuingshiq kuex nyet nuiuz gay ruiux, Washiz muinz tvjungx muq tvsawc ruiyc tvbac gay shuex.”

Matthew 21:33

Yesu rueq, “Bomc tv-ngvlc vganc vshiz vmuinz tay shuinz. Lauk shiz nuex svpiq sunc khic tvhungx jix washiz httax tueq, piq rueq vtvroz nuex rukruk taq ruiux svpiq surc juing ghaqkhurx htuz tvhungx tueq, pvrrawx muinz guirx shec ruiux, sunc shuimc jix muex tvshap kuq shec vtueq piq kuex pungmungx nuex kaz wvnc tueq.

Mark 12:1

Kvkaq Yesu rueq bomc tv-ngvlc maq tsuingshiq muex jungx tueq kuex, “Miq washiz rueq svpiq sunc vshiz khic shec vtueq, vtvroz nuex vhvlx waq ruk tueq nuiyc svpiq surc juing muinz htuz shec ruiux, pvrrawx vshiz tvhungx shec tueq. Kvruex yimaq piq rueq sunc shap jix hez muex tvshap shec ruiux mungx ganc nuex kaz wvnc tueq.

Ephesians 1:21

Kvruex yuq Christu kuex raungmungx guimz jix htenc, vrangx vpangx httax yaq jix htenc, luimc vkawc httax yaq jix htenc, taungjix htenc lotlaz htauk nuex guimz lawc jix waz rvtueq. Vpiq muingjungc kuex majuiuc pat wawc mungkawx nuiyc yix maq pat wawc mungkawx nuex bomkhvrc vrangx vpangx lvp jix kvmuingc yaq lotlaz htauk nuex vyungx pinhtumc rvtueq.

Revelation 22:5

Kvruex ghaqyungx kvyuq raungnyauk ngoz tueq muinz vguez shex, wvrkok luic muinz, shalx kawc muinz tsuingshiq muex rax muq shex, yvmx khoc lac ngoz ruiux lec Taungjix Tishox rueq tsuingshiq muex tvwuic kuq shuex, kvdvyx muinz rvmuq, tsuingshiq kuex hokhvmx yaungx vtueq pattup guimz wuez shuex.