Mikha 4:7 - ASII LAKDAP Bible (BSI)

⁷ Tsangshiq ka achuk akü luhea mung na. Shatmaq aso tiichong tlaq kiiwa, ngi raq mung anye tingsang niishe mitiichhan chhi wan ha. Tsang mung ka jonghea ashi miishe mija wan. Kra akhing miishe ngi raq, tsangshiq ka Jajon pum maq, ngalata pattup pat-sa miitushe mi peng wan ha.”

Hawa Naga Bible 2001

⁷ Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.

Mikha 4:7 Referencias Cruzadas

Tvtsvmc 2:6

“Jajon kin, ngi ma asii kin na ngi raq ihokhamwe ka shongkang,” nguta apaiq raq ngutlo.

ISAIA 16:5

Kra akhing na Dawit saüse phan phong wa weshi ka hokham ma mishong wan. Raüta apaiq raq mung ka tsapsaü kapse maq nai lungwii tsantsii maq mirüm wan. Apaiq riika tingting kappe tri maq mung mipeng wan. Kiimaq apaiq raq tri khaqkhaq sham raüta mung mipeng wan.)

ISAIA 24:23

Jipi li ka amo she mirwan. Raüta ra minyaqki. Kiimaq rashe ka kiimak she miraq. Jamkhano ngukla Tati Ajong Pinthumwe ka hokhamwe miraq. Apaiq raq Jajon pum na atei Jerusalem na ngaraüta mung mipeng. Kiimaq mungmaiqse pengti tuwe jongbi raq apaiq khushü ka michhi.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

ISAIA 60:22

Ümsengi phong wa aranse wepuq weseta kiimin, Maiq mung jonghea, achet alet mung ashi ma mitiija wan. Akhing riikhaqli saüto angu na Ngi raq ara bom chong ara mitiikuha, Ngi raq ara jaqloli mitiihongha. Ngi ka Tatiwe!

ISAIA 66:8

Maiq ashi ra raq akha maiqse chiitlo ngutiika chhiha wan lan shea? Riimakla akha tsütsa ka tai lan shea? Maiq mungtan ashi ka ranaiq shi niili chiitlaq shea? Jajon ka rahiq alu chamchao mak she, mungtan chii wan ma.

EJEKIEL 43:7

“Maiqse lei, Ngi hokham ngacho ka arjaq. Ngi ka arjaq Israilnok rai misiha. Lata tsangshiq ka pattup pat-sa miitu she mipeng wanha. Israilnok mungmaiqse raq kiimaq tsangshiq hokhambi raq jiimin, i mangchong asii arka ahin phra thun shomnoq raüta riimakla, tsang hokhambi maa thun ka lap raüta tiishe shi mak she miraq.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

Hosea 1:10

Israilnok ka puchi wan raüta khamjong phii na kumtsai riiphong tlaq ikha miraq. Awealot chang riimak miraq. Riita ümchaü ka Shiikeawe raq tsangshiq ma, “Namshiq ka isengi riimak” nguta ngutlo. Shatmaq akhing ashi misaü wan, “Namshiq ka atra Shiikeawe setiim!” nguta apaiq raq tsangshiq ka mihea wan.

Yoel 2:32

Kiijiishe jurwa Tatiwe mang chong tlaq, kriiti thun mitiichhii wan. Arka Tatiwe raq, ‘Jerusalem wa ngi raq tsea wan kang thun mitiichhii wan,’ ” ngutaq kra phanphan miraq.

Yoel 3:17

Riita namshiq raq ngi dea, Tati namshiq Shiikeawe ka, asii Jajon hiqlam pumkhu thaq na sitiikang nguta sap ronglaq. Jerusalem chela ka asii chela she mija wan. Pongmungti raq kra chela ka niwamak she miraq.

Obadia 1:21

Jerusalem chelati ka rekhat tang wan raüta, arü ariiq wawan tlaq kong raq, Edom mung ka mikhat wan. Raüta mitang wan. Raüta Edom mung ka misiq wan. Kiimaq kra akhing na, Tatiwe apaiq kli Hokhamwe ma mija wan,” nguta Tatiwe raq chongtlo.

Mikha 2:12

Shatmaq Tatiwe raq ngutlo, “O Israilnok lei, Rejaq song ka ngi raq mirchomha. Namshiq wiita rü adam na mitriitamha. Skusekong akheti raq shea wantlaq ikha, Sku rümchang nyiimlung rüram na; Skukong atsamphaq haisiq tlaq ikha, Israil mung ka pahea ra ma hiq ma hali, mitiipu wan nong ha,” nguta Tatiwe raq ngutlo.

Mikha 2:13

Shiikeawe raq tsangshiq dong wan chang kilü mirkuq, Raüta pongmung wa tsangmung na mitsuq wan, Tsangshiq ka chela kilü thun linwan raüta, wase miishe mijawan. Tsangshiq hokham Tatiwe raq Lamshea raüta re mung wa, tsangmung niishe mi laü wan.

Mikha 5:3

Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEPHANIA 3:20

Akhing ka saü wantlo she! Ngi raq ümsengi pongmung na, amo miirai kiiwa, jam niishe mitsuq wanha, Ngi raq ümniika mangjong tlotli na, ajong pinthum she mitiijaha. Lata ümniika thongshiri hali, chiithe jong ma mitiija wanha.” Arka Tatiwe raq ngutlo.

Luke 1:33

Kiimaq apaiq ka, ati tipai Jakob saüsetiim thaq na, pattup pat-sa hokham we miishe mija wan. Apaiq hokham jaqsham kriika, ümtiikiimin thumki mak phan she miraq!” nguta rase raq apaiq ma chongkuqto.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”