Mikha 4:10 - Hawa Naga Bible 2001

¹⁰ Yerusalem miqsaz lex, wuic khic thuiuz yaq nyuiuz ikhoc nox jawc tvkoc kvruip rux phoal kuinz, yvmx khoc lac ngoz ruiux lec mnoz kuex vruex ghaqyungx maq kaz wvnc vtueq ghaqsawc htungx nuex httaz kaz tuiux rvtueq. Mnoz kuex Babelon mungx nuex httuiuc laz kaz wvnc tuiux, yuq muinz Yehowa rueq mnoz kuex kvruex baung mralx hez kox wawc palc wvnc kv-phux.

ASII LAKDAP Bible (BSI)

¹⁰ O Jerusalem lei, akap atsea phetrang rong laq. Jechakre ase chiitsi na phetrangtlaq ikha. Ümchaü namshiq raq chela ka abaiqthü chang miraq, Lanta hiqsii thung na sichang miraq, Namshiq ka Bebilon na wawan chang she miraq, Shatmaq kiijaq rewe jaqkhon mong wa Tatiwe raq namshiq mitiichhii kuq.

Mikha 4:10 Referencias Cruzadas

2 HOKHVMX 20:18

Mnoz muex msuiuz msaz shauk doc muinz lvp thuq wvnc vtueq Babelon hokhvmx hoc nuex yauk shuimc kuy tvkoc unuk muex yaungx wuez tuex,” ngoz tueq jungx tueq.

2 HOKHVMX 25:4

ghaqyungx palx ruk kuex tvpuc vtueq dung kaz wvnc wuez tueq. Babelon miqsaz rueq ghaqyungx kuex tuimx wvnc tueq rvhvt maq, shvrvyx nolaungx bix lotlaz kuex hokhvmx waz sunc hep wawc palx ruk vnueyc hvlwvl wawc kaluix lvmx maq raungwvrx nuex tsuinghez dung kaz vtueq, Yodan Warc tvnx kvhtaz nuex yuz wvnc wuez tueq.

2 KAÜWA WERAÜ 33:11

Kvkhoc rvtueq Yehowa rueq Asiria nolaungx vyungx vlaungx bix muex Yuda mungx nuex tv-nyuip tvkhvt kaz tueq. Tsuingshiq rueq Manase kuex lvp ruiux yanx khuiyq vtueq yanx ruiuz htenc maq khvrc ruiux Babelon nuex shvlx wvnc tueq.

2 KAÜWA WERAÜ 36:20

Piq rueq tvraungx kvjungx yaq jix htenc lotlaz kuex Babelon mungx nuex shvlx wvnc vtueq, tsuingshiq kuex piq nuiyc piq suiuz vsaz htenc Persia Honoc mungtan yaungx wvnc tueq nuex httuiuc laz dax muex yaungx vtueq shuimx kuq tueq.

2 KAÜWA WERAÜ 36:23

“Vruex kuex Persia Honoc Kiru rueq vnvr bomc rvtueq. Yehowa Raungmungx Tishox rueq ngaz muex mungkawx lotlaz tvguimz lawc vtueq, Yuda mungx Yerusalem ghaq nuex vpiq tvkoc shomc yuimx vshiz guirc muex yauk shuimc ngaz muex kuq phuex. Majuiuc kuex Tishox miqsaz rvtuit nuimshiq lotlaz kvyuq yek wuez kuinz, Yehowa nuimshiq Tishox kuex nuimshiq rulc vdvmz nuex mhttax kueq.”

Tvtsvmc 106:10

Vpiq rueq vshuiuc vpac jix yauk wawc tsuingshiq kuex palc wvnc tueq; tsuingshiq ralx htenc yauk wawc vpiq rueq tsuingshiq kuex palc wvnc tueq.

ISAIA 43:14

Mnoz palc wvnc jix Yehowa Israel muex vsawc Tishox rueq, “Mnoz kuex palc wvnc tvkoc Babelon mungx kuex khawc lvlc jix nolaungx daungx shiz kuex tvkaz shuex; Ngaz rueq ghaqyungx palx kaluix htenc kuex tvbac httak gay shaungx, ghaq miqsaz htenc guyc sez tvruingc kuex vkhoarc vsez muex yaungx wvnc tuex.

ISAIA 45:13

Ngvy shauk pumz maq ngaz rueq kvmungx vshaungx kuex tvmvrc wvnc tvkoc nuiyc phvnx ruip saz kuex tvhvlc ric tvkoc Kiru thuinz nuex tvmoay shay nvr tauk. Ngaz rueq piq khuemc juing lvmx htenc kuex tvlanc kuq shaungx. Piq rueq ngvy ghaqyungx Yerusalem kuex tvhvlc guirx shuex, vlvp rvhumc jix ngvy miq htenc kuex tvdung gay shuex. Vruex shuimc tvkoc piq kuex uraq muinz shap muq, kvruex yauk shuimc shuimc tvkoc piq muex khauloayc yauk noalc kuq muq.” Tvphaungc Tvsuip Yehowa rueq jungx tueq.

ISAIA 48:20

Babelon mungx wawc dung wvnc kuiuz, wanc lix wanc laz kaz wvnc kuiuz! “Yehowa rueq vpiq nvrc waz Israel kuex palc wvnc tueq!” ngoz tueq thaungc kuex vkoz vkez maq ramc jungx shuiuz, baung ruip saz nuex nyvmc laz jungx shuinz.

JEREMIA 13:4

“Euphrat ruilx nuex kaz vtueq lung khung vshiz nuex kheyop kuex httuiyq taq shuiuz,” ngoz tueq jungx phuex.

JEREMIA 15:21

Honc bac jix nuiyc yauk laungc yalawx jix miqsaz luimc vkawc wawc ngaz rueq mnoz kuex palc wvnc phaungx. Ngaz Yehowa rueq jungx vshaungx,” ngoz tueq tvralc tueq.

JEREMIA 29:20

Babelon mungx nuex ngaz rueq tvkaz gay vtueq wuinz muex yaungx vtuinx hez lex, Ngaz Yehowa rueq yvmx lac jungx vshaungx tay tvtsuingc shuinx,’ ngoz tueq.

JEREMIA 4:31

Nox wuic khic thuiuz rvhumc yaq yalxjuik nyuiuz huinc, pekhux saz jawx tueq yalxjuik nyuiuz guyc tvruingc ikhoc ngaz rueq vkhoarc tay tauk. Kvruex kuex nyec hvlc vyauk kvkhuirc yaq, Yerusalem ghaq tvruingc rvtueq, piq rueq, “Ngaz kuex vphoc rvhumc tauk! Tsuingshiq kuex ngvy thvy muex kaz yaq!” ngoz tueq jungx tueq.

JEREMIA 48:41

miqghaq htenc nuiyc nolaungx ghaqshungc htenc kuex lvp gay shuex ngoz tueq Yehowa rueq bomkhvmc taq tueq. Kvruex raungnuiyq Moba nolaungx bix kuex nox wuic khic thuiuz rvhumc yaq yalxjuik nyuiuz ikhoc hisungx wuez tuex.

JEREMIA 52:27

hokhvmx waz rueq tsuingshiq lotlaz kuex wung vtueq soalc thvt gay wuez tueq. Kvkhoc rvtueq Yuda miqsaz kuex tsuingshiq mungtan kvwawc mungx ganc nuex thuq lvy rvhumc tueq.

Hosea 1:10

Israel miqsaz kuex svmuktvrax wawc kumtsvy ikhoc vwvlc vhtaz lot miq laz juing paung wvnc tuex. Majuiuc Tishox rueq tsuingshiq muex jungx tueq, “Nuimshiq kuex ngvy miqsaz rvmuq,” yuq muinz kvruex raungnuiyq httuiuc wvnc tuex nuex vpiq rueq tsuingshiq muex jungx shuex, “Nuimshiq kuex vtvraungx httax yaq Tishox suiuz vsaz hez rvtuit!” ngoz tueq ngoz shuex.

Hosea 13:13

Israel kuex vtvraungx httax vkhangx lvp ruiux muinz, kvruex lvmx tvmaung kuex miqyaq hvlc ngoz tueq vnyuiuz wuk wawc dungc gay tvkoc gvrx yaq nox rulc rv-ngvlc yaq.

Hosea 2:14

Kvkhoc rvtueq ngaz rueq piq kuex kumtsvy tvnx nuex shvlx laq yek ruiux; kvruex baung kvmaq lungwawc kvjaz jungx vtueq piq kuex tvlenc yek shaungx.

Mikha 5:2

Yehowa rueq, “Betlehem Ephratha lex, mnoz kuex Yuda mungx wawc miqghaq vruinx pinhtumc vshiz rvtoq, yuq muinz Israel tvkoc guimz lawc jix washiz kuex mnoz kox wawc ngaz rueq tvdung shaungx, piq waruiuz kuex vjix vwaz pat maq phuex vhttax rvtueq,” ngoz tueq jungx tueq.

Mikha 5:3

Kvkhoc rvtueq wuic khic thuiuz yaq nyuiuz kuex nox jawc jauz nuex httuiuc laz Yehowa rueq vpiq miqsaz kuex tsuingshiq ralx hez yauk nuex lekuq gay shuex. Kvruex yimaq vthuq vruez laq miqsaz htenc kuex miqmac phuz vnox bix rulc vdvmz nuex rvromc wvnc yek tuex.

Revelation 12:14

Kvruex kaq yalxjuik nyuiuz kuex bantuingx rumruix mungx nuex baz wvnc tvkoc lawx kuiux raungkungx vnueyc kuex piq rueq lvp taq tueq, piq kuex kvruex yuq wawcthuimx jvnc nuex httuiuc laz yungrex kuiux rueq tvkuilc daz yaq kvwawc luenx wvnc vtueq tvkhup wungx dungc gvy rvhumc tuex.