Mikha 4:10 - ASII LAKDAP Bible (BSI)

¹⁰ O Jerusalem lei, akap atsea phetrang rong laq. Jechakre ase chiitsi na phetrangtlaq ikha. Ümchaü namshiq raq chela ka abaiqthü chang miraq, Lanta hiqsii thung na sichang miraq, Namshiq ka Bebilon na wawan chang she miraq, Shatmaq kiijaq rewe jaqkhon mong wa Tatiwe raq namshiq mitiichhii kuq.

Hawa Naga Bible 2001

¹⁰ Yerusalem miqsaz lex, wuic khic thuiuz yaq nyuiuz ikhoc nox jawc tvkoc kvruip rux phoal kuinz, yvmx khoc lac ngoz ruiux lec mnoz kuex vruex ghaqyungx maq kaz wvnc vtueq ghaqsawc htungx nuex httaz kaz tuiux rvtueq. Mnoz kuex Babelon mungx nuex httuiuc laz kaz wvnc tuiux, yuq muinz Yehowa rueq mnoz kuex kvruex baung mralx hez kox wawc palc wvnc kv-phux.

Mikha 4:10 Referencias Cruzadas

2 HOKHVMX 20:18

Ümsaü ümsetiim phong wa maiq wiijam ka Bebilon mung na munglu shumwi ma mitsuq wan. Raüta tsangshiq phong wa maiq wiijam ka ashoq wetiim ma mitiija baiq. Raüta Bebilon mung hokhamwe jam na jaqshamketi ma mitiija baiq wan.”

2 HOKHVMX 25:4

Re raq chela tro ruk thun ka atiipu she riibaiqto. Bebilon mung phenlabi ka chela tro tam maq kheshat li jiimin, Israilnok phenlabi ka rawa mong na tlotli juhoto. Tsangshiq ka hokhamwe sonruk na kailam kriimaq riita, chela ruk wiinai triiche chang kilamchong kriimaq juhoto. Raüta Jordan rai tan nü nü kiiniishe juhoto.

2 KAÜWA WERAÜ 33:11

Kra ningkhan she Tatiwe raq Asiria mungti phentubi ka tsangshiq phen phung kra sheaho raüta Juda mung ka tiikhatto. Tsangshiq raq Manase ka lapto. Raüta adü na jinkom kharii maq khato. Kiimaq jinraü kharii maq banto. Raüta apaiq ka Bebilon mung na shumwi ma shea wanto.

2 KAÜWA WERAÜ 36:20

Raüta apaiq raq kiiwa maiq ümchuwa jaq song aso tiichong tlaq thun kra Bebilon mung niishe shumwi kong ma tsuq wanto. Kiijaq tsangshiq nai tsangsetiim pat na saüli, Persia Mungtan kra mijong wan shaq wiiwii, tsangshiq ka maiqdikong ma jaraüta tsangtijongnok kra shiikum pan raüta sito.

2 KAÜWA WERAÜ 36:23

“Arka Parsia mung pengti Ajong Hokhamwe raq akuq aming. Tatiwe, Ramungtan Riimti Shiikeawe raq, ngi ka mangjong tlotli pengtiwe miishe shongto. Kiimaq ngi ma Juda mung na Jerusalem na apaiq miitu Shomjam ashi kra haike miitu arang kuqto. Riita ümchaü min, namshiq tarii Shiikeawe senginok thun ka, kiina kirong laq. Riita namshiq Tatiwe namshiq Shiikeawe kli namshiq rai adam misilaq.”

Tvtsvmc 106:10

Apaiq raq tsangshiq chhiito tsangshiq ngengti jaqkhon mongwa; apaiq raq tsangshiq ka tsangjaqtinok jaqkhon mong wa dokda wanto;

ISAIA 43:14

Israilnok asii Shiikeawe, Tatiwe, ümnaq chhiitiwe raq ngutlo, “Ümnaq tiichhii wan miitu, Ngi raq iphenlabi mitiikiha, Bebilon mung khatkai; Ngi raq chela tro wa kilü thun kra mibukbaiqha, kiimaq asengi gisiitrang ka ahotrang ma mijaki,

ISAIA 45:13

Ngi raq Sairas tsantsii ka jaqsham miitu tiishaibaiqkang, Ngi raq thapthi kang jaqsham kra tiikuwan miitu kiimaq riikhaqli tiikuri wan miitu. Ngi raq apaiq khumchang lamtek ka rusansan mitanha. Apaiq raq ichela, Jerusalem kra mitiihea hai wan, kiimaq isenginok ka kharü mong wa midokda wan. Ara jaqsham miitu apaiq ma jurmin raikao tatmak dea; riimakla apaiq ma jurmin tsiiqlap kuqmak dea.” Arka Ajong Pinthum Tatiwe raq ngutlo.

ISAIA 48:20

Bebilon mung wa wawantlo ronglaq, wase ma jalanta wawan ronglaq! Arü ariiq chochikhiq tsütsa ka tiitai ronglaq! Tsütsa ka barapse na tiitai ronglaq: “Tatiwe raq ajaqshi se Israil chhiikuqto she!”

JEREMIA 13:4

“Ümniika Euphretis rai kiina walaq. Laüta patulong thun ka longkhong mong na paüthülaq.”

JEREMIA 15:21

Ngi raq ümniika abi maiqse nai jasam piqsii maiqse jaq khon mong wa mikhup wongkuqha. Arka Ngi, Tatiwe raq ngutiikang.”

JEREMIA 29:20

Namshiq tarü kunkun, Ngi raq Bebilon mung na munglu shumwi ma tsuq wan kang thunti raq, Ngi, Tatiwe raq jamlai bomtsi wa toqtan tiikang ara tiitsang taironglaq.’

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 48:41

Raüta Mob mung wa chela thun nai chela kiitelong ruk thun ka wiita khat raüta mijii wan. Kra ranaiq akhing na Mob mungti phenlabi thun ka jechak nyung asechii nowüchhi tsi dongho raüjaq kiinyii phephiiq tlaq ikha mihaisiq.

JEREMIA 52:27

Ribla chela ka Hamath wang na. Kiijaq hokhamwe raq tsangshiq ka atiibuk riito. Raütiishe tsangshiq ka tiijiipbaiqto. Akha Juda mungti ka Bebilon mung na munglu shumwi ma tsuq wanto.

Hosea 1:10

Israilnok ka puchi wan raüta khamjong phii na kumtsai riiphong tlaq ikha miraq. Awealot chang riimak miraq. Riita ümchaü ka Shiikeawe raq tsangshiq ma, “Namshiq ka isengi riimak” nguta ngutlo. Shatmaq akhing ashi misaü wan, “Namshiq ka atra Shiikeawe setiim!” nguta apaiq raq tsangshiq ka mihea wan.

Hosea 13:13

Israilnok chhun wan chang lamlu asi. Shatmaq tsangshiq angi maiqjiq. Nowüchhi akhing na, anyungwok mong wa rawüchhiki romak, anyung puk niili ngatlaq no ikha

Hosea 2:14

Arkha na ngi raq apaiq ka, rumnyangkhi kumtsaiphii na hali misheaho nongha. Lata kiijaq ngi raq apaiq ma, tlung tiiwii bomtsi chongkuq lata, ngi rai siwan nong miitu mitlin wanha.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Mikha 5:3

Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

Revelation 12:14

Kra jechak nyung ma, liiha we rakong ajong anai kuqto. Kra rakong maq, apaiq ka kumtsaiphii na, apaiq tiipaü kai chang hiq bashi tiihongje kiina biwan raüta misiki. Kiijaq apaiq ka wiitsam ri wiithiq, natkaü raq longliiq kilot mak chang na, aheawiq maq shiililii raüta mitiisi.