Mikha 4:11 - Hawa Naga Bible 2001

¹¹ Miq phvnx paunghvlc rueq mnoz khvt tvkoc rvtuimx wuez yaq. Tsuingshiq rueq, “Yerusalem kuex tvbac gay rax! Vruex ghaqyungx bac kay kuex naungshiq rueq khiz wuez shix!” ngoz tueq jungx wuez yaq.

ASII LAKDAP Bible (BSI)

¹¹ Maiqmung pahea pong raüta ümnaq khatkai miitu thungto. Tsangshiq raq akha riichong tlo, “Jerusalem ka shiithenbaiq raa dongdii, Jerusalem ka athen kaiwi she michi rong i!”

Mikha 4:11 Referencias Cruzadas

Tvtsvmc 129:5

Zion muex shuiuc pac jix htenc wvyvmc kuex yvlc svy maq sumrumx wvnc vtueq khvt yurc gay mrvhumc kueq.

Tvtsvmc 83:5

Tsuingshiq kuex tsuingshiq rueq kvmungx lvmx kuex rungx raz wuez tueq, mnoz kuex khawc tvkoc kungjix phungc shiz tvhungx taq tueq.

ISAIA 10:7

Yuq muinz Asiria honoc waz piq thuinz nuex kuex yauk laungc yalawx ruec tvkoc dvyx kvmungx yaq. Piq rueq miqphvnx paunghvlc kuex tvbac khvt gay tvkoc dvnc yaq.

ISAIA 17:12

Luimc vkawc yunghvlc miqphvnx htenc kuex svmuktvrax yuix tvruingc ikhoc, yuix daungx rueq wung tvruingx yaq ikhoc thuirx tvruingx wuez yaq.

ISAIA 29:7

kvruex yimaq miqphvnx htenc nolaungx bix rueq Tishox shomrawx ghaqyungx kuex khvt wuez shuex, tsuingshiq nolaungx bix koz vlaq lotlaz nuiyc nolaungx marrarc phvnx ruip saz kuex maung maq ikhoc dvyx moz wvnc tuex, kvruex kuex raungyac nuex tvmaung shix hup vsvmx phvnx shiz shiz ikhoc yaungx wvnc tuex.

JEREMIA 52:4

kvkhoc rvtueq Nebukhadnezar nuiyc piq nolaungx bix rueq Zedekia hoc nuex ngaungc wawc tvkuiuz rac yapix lex rokshiz, raungx rokshiz raungnuiyq Yerusalem kuex khvt tueq. Tsuinghez rueq ghaqyungx ke-phic kox nuex jerak tec vtueq kvtuk htenc htuz ruiux, palx ruk tvroz tuimz maq tuimx vtueq,

EJEKIEL 26:3

“Kvkhoc rvtueq majuiuc ngaz, Johvlc Yehowa rueq jungx vshaungx vruex kuex: Tire ghaqyungx lex, ngaz kuex mralx rvtauk. Ngaz rueq mnoz khvt tvkoc miqphvnx paunghvlc shvlx laq tauk, tsuinghez kuex svmuktvrax yuix daungx htenc ikhoc kvtenc vtueq kaz yaq.

EJEKIEL 38:17

Kvruex vkhing httuiuc wvnc ruiux yuq, Israel khvt tvkoc miq vshiz kuex ngaz rueq tvkaz shaungx ngoz tueq ngvy nvrc waz htenc rvtueq Israel shvmmax bix muex mvnnuex maq phuex ngaz rueq jungx tauk romzyac tvkhic lvmz kuex mnoz rvtoq,” Johvlc Yehowa rueq jungx tueq.

Obadia 1:12

Yuda mungx wawc mphuz mnox hez kamc vbac rvhumc yaq kvmac mnoz rueq raungc raq lawc mvy muq. Tsuingshiq batac wvnc rvhumc tueq raungnuiyq mnoz rueq kokez lawc mvy muq. Tsuingshiq jamjaux kuilc daz rvhumc yaq nuex mnoz rueq tsuingshiq muex nueykuic mvy muq.

Mikha 7:10

Kvkaq, “Yehowa nuimshiq Tishox kuex m-yuq lac?” ngoz tueq ngoz ngax wiz yaq naungshiq ralx htenc rueq vruex kuex khiz vtueq yvlc svy rvhumc tuex, tsuingshiq kuex rul wvnc vtueq lvmx mungx wawc bok ikhoc nuiuz gay rvhumc yaq kuex naungshiq rueq khiz shix.

JEKERIA 12:3

Yuq muinz kvkhoc raungnuiyq httuiuc tuex nuex, ngaz rueq Yerusalem kuex liz hvlc lung vshiz ikhoc tvyaungc shaungx, kvruex kawk gay tvkoc dvnc jix miqphvnx kuex vmac vtsac tvrvhumc shaungx. Mungkawx wawc miqphvnx htenc lotlaz rueq piq kuex tuimx khvt wuez shuex.