Mikha 2:7 - Hawa Naga Bible 2001

⁷ Israel miqsaz htenc kuex mvnhttonc rvhumc yaq ngoz tueq haz tvmaung vshuiux? Yehowa nuex vnanx thuinz vguez haz? Vpiq rueq kvkhoc kuex vsuing haz ruez shvnx? Vpiq rueq vlvmz yauk shuimc jix muex menjenc thuinz maq rvbomc nyamc yaq rvmuq haz?” ngoz tueq jungx tueq.

ASII LAKDAP Bible (BSI)

⁷ Israilnok ka Tatiwe manson ho raüta sitlo ngutiisha tiima tlaü? Tatiwe raq abi jaqsham ka ninlot mak she ngutiisha tiima tlaü? Tatiwe raq atinkhan abi kiimung ka miklo wandea shea? Tatiwe raq athuk atsom kloti lungwiitlo riimak shea?”

Mikha 2:7 Referencias Cruzadas

Tvtsvmc 119:65

Yehowa lex, mbomkhvmc kuex mnoz rueq taq vshuiux, mnvrc waz ngaz muex vhvlx lvmx shuimx kuq vphux.

Tvtsvmc 119:68

Mnoz kuex pinhtumc hvlx vtuiux nuiyc pinhtumc menjenc kuq vphux! Ngaz muex mnoz rueq nvrc bomc htenc kuex tvluing kuq koq.

Tvtsvmc 15:2

Phvnx ruip saz nuex Tishox kvjaz tay jix waz kuex tsuingrux yauk shuimc mkaq muinz shuimx vtueq, piq rueq jungx yaq kvjaz muinz vlvmx nuiyc kenrix yaq ningkhvnc nuex,

Tvtsvmc 18:26

Thuinz vsawc jix htenc muex vsawc thuinz mnoz rueq tvkhic vshuiux, yuq muinz layx bac jix htenc muex vtuing vshaung thuinz mnoz rueq tvkhic vshuiux.

Tvtsvmc 84:11

Yehowa kuex naungshiq muex tvkhup wungx kuy jix ngauz vngax yunghvlc hokhvmx rvtueq, menjenc thuinz maq tvtsanc nganc vtueq naungshiq muex ruimruimx kuq yaq. Vpiq rueq vlvmx yauk shuimc jix htenc muex vhvlx phvnx kuy tvkoc tvdux gay yaq rvmuq.

TAKSU LAK 10:29

Yehowa rueq tsuingrux jix miqsaz htenc muex tvkhup wungx kuq yaq, yuq muinz vyaq yauk shuimc jix kuex tvbac rvgay yaq.

TAKSU LAK 10:9

Thuinz vrux miqsaz htenc kuex tvkhup wungx kuy rvhumc tuex, yuq muinz tsuingmuq ruxmuq jix htenc kuex vlvp shuiuz gay rvhumc tuex.

TAKSU LAK 14:2

Kenrix lvmx phvnc jix waz rueq Yehowa muex hiyaz tvtsanc nganc yaq; thuinz vkoarx jix waz rueq kuex vpiq muex wvlc guez lvmx tvkhic yaq.

TAKSU LAK 2:7

Vpiq rueq tsuingrux jix nuiyc kenrix rix jix muex romc kuq vtueq tvkhup wungx kuq yaq.

TAKSU LAK 28:18

Kenrix rix httax kuiuz ngoz ruiux vpalc wvnc rvhumc tuiux. Mkhoc shoc maq mnoz tsuingmuq ruxmuq ngoz ruiux, huingc rvhek maq rul wvnc tuiux.

ISAIA 50:2

“Tsuingshiq kuex palc kay tvkoc ngaz tsuingshiq kox nuex kaz koq tueq yvmx ngoz tueq lac tsuingshiq rueq ngaz muex tvyez tvralc muq rv-phvnx? Ngaz rueq gvl koq tueq yvmx ngoz tueq lac tvralc wuez muq? Ngaz kuex tsuingshiq palc lot mauk tanc khvnc haz nulx vtaungx? Ngaz rueq svmuktvrax kuex nvr koq tueq ruic kaz lot tueq yuix yungx ruilx htenc kuex kumtsvy tvnx muex wek gay tauk, kvkhoc rvtueq yuix vguez ningkhvnc nuex ngaq htenc thueyc tueq.

ISAIA 58:1

Yehowa rueq, “Mnoz kuex bolic tuimz shuiux ikhoc guyc lot tuiux tanc khvnc guyc kuiuz! Tsuingshiq mvrax htenc nuex seng vtueq ngvy miqsaz Israel htenc muex jungx kuq shuiux!

JEREMIA 15:16

Mnoz rueq ngaz muex jungx vphux bomc poz lotlaz ngaz rueq tay vshaungx. Tvphaungc Tvsuip Yehowa Tishox lex, mnoz rueq ngaz guimz vphux ningkhvnc nuex mbomc htenc kuex ngvy thuinz vmungx nuex vkoz vkez raungc raq vtueq tvmvrc kuq phux.

JEREMIA 2:4

Yaku suiuz vsaz hez, Israel phvnx waruiuz htenc lex, Yehowa vpiq bomjungc kuex tay shuinz.

Hosea 14:9

Vruex wuiyq shec tueq luik kuex taksux tharc tuiuz tay jix ukhaq rueq muinz tuiuz wvnc vtueq thuinz vmungx nuex mhtawc taq shueq. Yehowa lvmx htenc kuex vlvmz rvtueq ningkhvnc nuex, tsuingrux miqsaz htenc kuex kvyuq khuemx vtueq phvnx wuez yaq, yuq muinz mvrax vhttax jix htenc rueq kvruex htenc kuex wvlc guez tvyaungc ningkhvnc nuex kvhtuip vtueq rul wuez yaq.

Mikha 3:9

Tvrac vlvmz kuex shuiuc pac vtueq vlvmz wawc vyaq nuex kvroz wvnc jix Israel nuimshiq guimz lawc bix lex, ngvy kvjaz kuex tay shuinz.

JEKERIA 4:6

Raungkamx waz rueq Yehowa kox wawc vruex bomjungc kuex Zerubabel muex kuy tvkoc ngaz muex vkhoc jungx phuex: “Mnoz kuex nolaungx bix hungc maq muinz rvmuq, mhungc vlaungc maq muinz rvmuq, yuq muinz ngvy siyac maq jix taungx wvnc shuiux.

WEAWEA 11:23

Yehowa rueq, “Ngvy luimc vkawc maq lot laungc mauk phvnx vhttax haz? Ngaz rueq nvr phaungx rulc rv-ngvlc yaungx tuex shuex yaungx muq lac kuex mnoz rueq mtanc httax muq nuex khiz shuiux!” ngoz tueq tvralc tueq.

Matthew 3:8

Kvkhoc ningkhvnc nuex nuimshiq mvrax wawc thuinz layc kvwek wvnc tuit lvmz nuimshiq honc vyaungc maq tvkhic shuinz!

John 8:39

Tsuingshiq rueq, “Nuiyshiq jix vwaz kuex Abraham rvtueq,” ngoz tueq tvralc tueq. Yesu rueq, “Nuimshiq kuex vsuing Abraham suiuz vsaz ngoz ruiux kuex Abraham rueq shuimx wvnc tueq kvkhoc shuimx khvmz tuit.

Romans 7:13

Kvkhoc ngoz ruiux kuex vhvlx phvnx rueq ngvy tvkoc vthueyc juing haz yaungx yaq nguinx? Kvkhoc kuex rvmuq! Ngvy tvthueyc jix kuex mvrax rvtueq; mvrax rueq pukdungc honc vyaungc vbac kuex tvkhic kuy tvkoc vhvlx kuex shuimx vtueq ngaz kuex tvthueyc gay phuex. Kvkhoc rvtueq mvrax kuex mtanc kvhiz juing lac lvmz kuex tvrac maq tvkhic yaq.

2 Corinthians 6:12

Thuinz vmungx kaluix shuiuz jix kuex nuiyshiq rvmuq; nuimshiq rueq dvyx miqmac thuinz vmungx kaluix kuex nuiyshiq tvkoc shauk gay vshuinx.

2 Timothy 3:5

tsuingshiq kuex tsuingshiq nawk palx lvmx nuex seng vtueq htungx vlayx kuex phvnx ruiux yuq muinz, nawk palx lvmx rueq shunshvlx yaq hungc vlaungc kuex tvdux gay jix rvtueq. Kvkhoc jix miq htenc kuex koayc shuiuz.