Mikha 2:7 - ASII LAKDAP Bible (BSI)

⁷ Israilnok ka Tatiwe manson ho raüta sitlo ngutiisha tiima tlaü? Tatiwe raq abi jaqsham ka ninlot mak she ngutiisha tiima tlaü? Tatiwe raq atinkhan abi kiimung ka miklo wandea shea? Tatiwe raq athuk atsom kloti lungwiitlo riimak shea?”

Hawa Naga Bible 2001

⁷ Israel miqsaz htenc kuex mvnhttonc rvhumc yaq ngoz tueq haz tvmaung vshuiux? Yehowa nuex vnanx thuinz vguez haz? Vpiq rueq kvkhoc kuex vsuing haz ruez shvnx? Vpiq rueq vlvmz yauk shuimc jix muex menjenc thuinz maq rvbomc nyamc yaq rvmuq haz?” ngoz tueq jungx tueq.

Mikha 2:7 Referencias Cruzadas

Tvtsvmc 119:65

Ümniiraq ümkiqkham ka riikhaqli tiikulaü, Tatiwe lei kiimaq ümniika ngi, ümjaqshise miitu ahea.

Tvtsvmc 119:68

Ümniika pinthum ahea— pinthum lungwiihea! Ngi ma ümtri aming thun ka shrinkuqlaq.

Tvtsvmc 15:2

Jurwa phanrap na Shiikeawe aming langtlaq kiimaq wranaiqshe tri na riikhaqli kli shamtlaq, jurwa abom ka khaqkhaq kiimaq tingtingli bomtlaq,

Tvtsvmc 18:26

Ümniika juwa asii kriiti ma asii klokuq tlaü, shatmaq juwa abi kriiti rai wesang sitlaü.

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

TAKSU LAK 10:29

Tatiwe raq tingting maiqse khupwongtlo; Shatmaq ashut kloti ka atiithen mirbaiq.

TAKSU LAK 10:9

Tingting maq siti ka khup wong shat, ahaisong chang ahü. Shatmaq ajiq aphiq kloti ka, maiqmii thiikho niili midea wa.

TAKSU LAK 14:2

Juwa tingting maq sitlaq, kriiti raq Tatiwe shreng tlo. Juwa ajok aliiq sitlaq, kriiti raq Tatiwe shreng mak.

TAKSU LAK 2:7

Apaiq raq kechu maiqse nai, tingting maiqse ma khrum kuqtlo, kiimaq tiikhup wong kuqtlo.

TAKSU LAK 28:18

Mitting maiqse ka, khupwong kuq shat. Shatmaq arot akiq kiimungti ka, tiihanghiiq miili thiikho na mithap wa.

ISAIA 50:2

“Isenginok raq ibom jam nguto tremak, Ngi ka tsangshiq phana tsangshiq tiichhiikekai kikang ta? Ngi raq tsangshiq hea kang ta, tsangshiq raq ibom jamto tremak? Ngi ka ningkun jomhea tsangshiq tiichhiikuqlot mang shea? Ngi raq khamjong chum ka bom tsishi miili trübaiqlot tiikang, kiimaq khamrai thun ka kumtsaiphii wang ma mitiijabaiqlot ha, krai mren kiijaq siti ngiq ka kham ahü kha maq wiita mijiim.

ISAIA 58:1

Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!

JEREMIA 15:16

Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.

JEREMIA 2:4

Tatiwe tsütsa ka taironglaq, namshiq Jakob saüse phan raq, Israilnok maiq phan thun raq.

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

Mikha 3:9

Jakob jamti tuwebi nai, Israilnok aki shillangbi lei, tai ronglaq, ngi chongpha, tingting tri shisheti, ajiq ka alam ma tiijatibi, alam nang ka ajiq ngu.

JEKERIA 4:6

Kiijiishe rase raq ngi ma Jerubabel ma Tatiwe raq atiichongho ara tsütsa ara chonglaq nguta thaüto: “Ümniiraq jaqsham ka phenlabi ningkun maq riimak. Kiimaq ümhan-ngam ningkun miimin riimak. Shatmaq ngi wenyi ningkun miitiq mitang haü.

WEAWEA 11:23

Kiijiishe Tatiwe raq treto, “Riita Ngi ningkun jong ka achuli she riichang nguta mishangbaiq lot sha? Ngi raq chongtiikang kra miku wan sha ku wan mak wa, kra ümniiraq jaqlo liipan niili she ümmak maq michhi haü!”

Matthew 3:8

Namshiq ngarai tsantsii ka klai wan lan she dea nguta, maiq ma jaqsham maq tiichhi kuq rong laq.

John 8:39

Kra tai raütiishe tsangshiq raq hali, “Naiti ka Abraham,” nguta apaiq kiq ka khiito. Kiijiishe, Jesuq raq tsangshiq bom ka treto, “Namshiq ka ngohea shaqshaq dea Abraham lai ala phan ngu raü jiika, apaiq ka jamkho shongnga wantaq, kiikhiisii hali namshiq min mishongnga wan han wa.

Romans 7:13

Kiikha shatmiitiq, ara jamlai phan wa ahea awa phan nguta thü wan tlaq, kra riika, ngi arka jamkho tsatbaiq wan phiita? Kiikha kla riimak! Ngi arka ngarai raq tiina tsatbaiq wantaq. Ngarai riika, jamlai wa ahea phan nguta sitlaq, kra lümaq ngi ara tsatbaiq wanto. Kriika, riikhaqli ngarai rong arai kra tiichhike wan miitu she riito. Kiimaq ara Thungtri aming thun ara lümaq, ngarai ningkun tu heng sitlaq kriika, aheng thaq niimin henghea, bihea sitlo nguta, kra tiichhi kuqtlo.

2 Corinthians 6:12

Naishiq raq naishiq tsantsii kilü ka namshiq miitu shaq mai. Namshiq raq riiwe, namshiq tsantsii kilü ka naishiq ma ashaq riilan.

2 Timothy 3:5

Tsangshiq ka rakhütsiri na Phungmaiqse nguta mitiingo. Shatmaq, tsangshiq rilung na, tsangshiq chap anga maq, tsangshiq kamasham ka hiqtili ikhli mitiija baiq. Ümniika akhnok maiq rai ümtiikiimin naq lom damkiq. Ümniika alu na hailaq.