Mikha 2:6 - Hawa Naga Bible 2001

⁶ Miq htenc rueq ngaz muex jungphvnx kuq vtueq, “Nuiyshiq muex nauk jungphvnx kuq vkueq. Kvruex yuq seng yaq lotlaz kuex nauk jungphvnx kaz. Tishox rueq nuiyshiq muex tvyvlc sac yaq rvmuq.

ASII LAKDAP Bible (BSI)

⁶ Tsangshiq raq ngi ma akha, tra hoto, “Naishiq ma akha tra naqhokuq kiq. Tatiwe raq naishiq shiithen baiq mak miraq. Naishiq ka chongthum tiija mak miraq.

Mikha 2:6 Referencias Cruzadas

Tvtsvmc 74:9

Nuiyshiq kvmluimx nuex seng yaq vsawc mvhttarc htenc kuex khiz miq shex; kvyuq shvmmax washiz muinz httax muq shex, mtanc nuex httuiuc laz vkhoc yaungx wvnc tuex lvmz kuex uraq muinz tuiuz muq.

ISAIA 29:10

Yehowa rueq nuimshiq kuex yoalx rek maq maungkuiyq tvtsoalx gay kv-phuinx. Shvmmax bix kuex miq htenc muik muex yaungc aungx yaq, yuq muinz Tishox rueq tsuingshiq tvmawz puingc gay tueq.

ISAIA 30:10

Tsuingshiq rueq shvmmax bix muex kuiyqshuik httaz tvkoc ngoz yaq. Tsuingshiq rueq, “Vlvmx kuex nuiyshiq muex nauk jungx vkueq. Nuiyshiq rueq tay roc kvlawx jungx shuinz. Nuiyshiq rueq vlvmx rvmuq kvjaz htenc dvyx jungx wuez shix.

EJEKIEL 20:46

Vpiq rueq, “Vthueyc rvyaq miq lex, ghaqyaz kox kvyuq lawc shuiuz. Ghaqyaz kox kvyuq kvjak vtueq ghaqyaz wawc luingx muex rawshvmx shvmx shuiuz.

EJEKIEL 21:2

Vpiq rueq, “Vthueyc rvyaq miq lex, Yerusalem kuex shummarc shuiuz. Miq htenc rueq nawk palx yaq baung kvmuinz shummarc gay shuiuz.

EJEKIEL 3:26

Ngaz rueq mtvlix kuex tvyulx gay phaungx kvkaq mnoz rueq tvgap gawx jix miq htenc kuex tvhonc tvsvmz lot shuiux rvmuq.

AMO LUIK DVP (AMOS) 2:12

Yuq muinz nuimshiq rueq naziri miqsaz muex svpiq tvnuingc ruiux, shvmmax bix rueq ngvy bomjungc jungx muq tvkoc tuingshaung vshuinx.

AMO LUIK DVP (AMOS) 7:13

Bethel vyuq mkaq muinz rawshvmx nauk yaungx kaz. Vruex baung kuex hokhvmx waz rueq nawk palx juing, miqsaz htenc hoc rvtueq,” ngoz tueq jungx tueq.

AMO LUIK DVP (AMOS) 7:16

Kvkhoc rvtueq Yehowa rueq jungx yaq kvjaz kuex tay shuinz. Mnoz rueq ngaz muex rawshvmx shvmx mauk tvkoc muinz, Israel miqsaz muex khawc lvlc kvjaz tvthauk gay tvkoc muinz jungx vshuiux.

Mikha 3:6

“Shvmmax bix lex, nuimshiq raungnuiyq kuex htumx wvnc vtuex; shalx kuex nuimshiq htauk nuex nyuip wvnc vtuex. Nuimshiq rueq ngvy miqsaz htenc muex lvmx shvlc tvyaq tuit ningkhvnc nuex, nuimshiq nuex shvmmax romzyac tvkhic kuex khiz shuinx rvmuq shex, yvmx lvmx yuq muinz nuimshiq rueq rawshvmx bomc jungx lot shuinx rvmuq,” ngoz tueq jungx tueq.

Mikha 6:16

Hokhvmx Omri nuiyc piq saz Hokhvmx Ahab hez layx vbac yauk shuimc kuex nuimshiq rueq phvnx vshuinx ningkhvnc nuex vruex lvmz yaungx wvnc tuex. Nuimshiq rueq tsuingshiq kvmungx thuinz kuex phvnx ruq phvnx vshuinx ningkhvnc nuex ngaz rueq nuimshiq kuex tvbac gay phaungx, miq ruip rawx rueq nuimshiq muex shummarc kv-phux. Baung ruip saz wawc miq htenc rueq nuimshiq kuex wvlc guez waqguez nueykuic kv-phuinx,” ngoz tueq jungx tueq.

Acts 4:17

Yuq muinz nuk miqsaz htenc muex thaungc vruex nyvmc wvnc muq tvkoc Yesu muingc jungc kuex tsuingnueyc rueq yix vmax nuex ukhaq muex muinz jungphvnx kuq muq tvkoc kvjaz tvtsuir jungx kuq shuinz,” ngoz tueq.

Acts 5:28

Piq rueq, “Kvruex waz muingc ruingc vtueq tvluing jungphvnx muit tvkoc nuimshiq muex nuiyshiq rueq jungc kuy yoalx shex; yuq muinz majuiuc nuimshiq rueq Yerusalem ghaq pumz nuex nyvmc laz tvluing jungphvnx wvnc vshuinx, kvruex waz thueyc tueq kuex nuiyshiq ningkhvnc nuex ngoz tueq nuimshiq rueq mvrax tvgurc roc haz!” ngoz tueq kamx waz hez muex ngoz tueq.

Acts 5:40

Tsuingshiq rueq kamx waz hez kuex gvl vtueq wungthvt ruiux, majuiuc vmaq kuex Yesu muingc jungx vtueq tvluingc mvy muq ngoz tueq jungx kuq ruiux, tvkaz gay tueq.

Acts 7:51

“Kvtanc khvnc nuimkhux tsanz yaq nyix! Tishox bomjungc kuex tay wvnc tvkoc nuimshiq thuinz vmungx kuex kvtanc khvnc httvl yaq ix! Nuimshiq kuex nuimshiq jix vwaz tamx rueq shuimx wvnc tueq ikhoc Vsawc Siyac kuex nuimshiq rueq mkaq muinz wvlc guez muex tvyaungc vshuinx nyix!