Biblia Todo Logo
La Biblia Online
- Anuncios -




Matthew 9:2 - Hawa Naga Bible 2001

2 Kvkaq miq wvyvmc rueq chuing nuex woalc yaq gvnmaungx miq washiz kuex vpiq kox nuex pix laq tueq. Yesu rueq tsuingshiq nuex kvmluimx thuinz mtanc lac httax yaq nguinx kuex khiz vtueq, “Isaz lex, khvmc thuinz httax kuiuz! Mmvrax dawc gay rvhumc doc shex,” ngoz tueq jungx kuq tueq.

Ver Capítulo Copiar

ASII LAKDAP Bible (BSI)

2 Kiijaq maiq wiijamti raq akhum ama arki we ka changdü na tiiweshat maq Jesuq phana pi wanto. Jesuq raq tsangshiq kamtsantsii ka chhi raüta atsiti we nangnga, “I se loi, ümtsaiji ka tiijong laq! Ümngarai ka diikuqto she,” nguta bomdamto.

Ver Capítulo Copiar

Muklom

2 Eshináng miqtang aa jak ajaa may thamot moq ashey miq tha ráng o tun som eq Jesu relnáng thok som katta. Jesu aa ning kam alam rapney ahan ta khi eq, piq aa jak ajaa may thamot moq miq thima batta, “I sa, tin nak thajung u! Ba ngarey tha utol sey chakta.”

Ver Capítulo Copiar




Matthew 9:2
32 Referencias Cruzadas  

Kaz kuiuz, vkoz vkez maq mnoz phuiuz vsvy kuex phauk saq shuiuz; msvpiq tix kuex nuingx vtueq piauc kuiuz. Kvruex kuex Tishox rueq roc yaq lvmz rvtueq.


Ngaz rueq mmvrax htenc kuex phuemx ikhoc tvmoz gay tauk. Ngaz kox nuex yek waung luit; ngaz kuex mnoz palc jix rvtauk,” ngoz tueq.


Kvruex kaq Yesu rueq, “Thuinz nauk tvruinc kaz! Ngaz rvtauk, nauk hiz kaz!” ngoz tueq tsuinghez muex ngoz tueq.


Kvkhoc rvtueq vpiq muingjungc thaungc kuex Siria mungx htenc lotlaz nuex nyvmc wvnc vtueq, gvnz hvlx muq jix htenc, vmac vtsac phvnx ruip saz thuiuz sac rvhumc jix htenc, htaungc kvpumz jix htenc, vngauk thuiuz jix, huk maungx yauk maungx jix htenc vpiq kox nuex shvlx laq koq tueq, vpiq rueq tsuingshiq muex tvhvlc kuq tueq.


Miq rueq nuiyshiq muex vyaq kuq mvrax nuiyshiq rueq dawc kuq shix ikhoc, nuiyshiq mvrax muinz dawc kuq koq.


Kvruex kvjaz kuex Yesu rueq tay vtueq vpiq kuex kawc yawc vtueq vpiq yix phvnc naungc jix hez muex, “Nuimshiq muex ngaz rueq vsuing jungx kuq ix, Israel phvnx nuex doc muinz vtanc khvnc kvmluimx jix miq washiz muinz khiz mauk.


Raungyac raungnyauk wvnc tueq nuex, miq htenc rueq htaungc kvpumz jix miq paunghvlc kuex vpiq kox nuex shvlx laq tueq. Kvkaq vpiq rueq bomc poshiz maq dvyx htaungc htenc kuex yurc gay ruiux vthuiuz vsac jix miq lotlaz tvhvlc kuq tueq.


Yesu rueq kvroz lawc ruiux piq kuex khiz vtueq, “Isaz yalxjuik saz lex, thuinz nauk tvruinc kaz! Mkvmx luimx thuinz rueq mnoz tvhvlc gay kv-phux,” ngoz kuq tueq. Kvkaq dvyx kvruex nyuiuz kuex hvlx kaz tueq.


‘Mmvrax dawc kuq gay vphaungx’ rvmuq ngoz ruiux ‘Kvtenc vtueq khuemx wvnc kuiuz,’ ngoz tueq jungc lac yoalx yaq nguinx?


Yuq muinz Miq Saz vruex kuex ghaq htauk wawc mvrax dawc kuy gay vrangx vpangx vhttax lvmx kuex nuimshiq rueq tuiuz wuez shuinz,” ngoz tueq jungx yaq lvmx maq gvnmaungx waz muex, “Kvtenc kuiuz, mkhvy tuimx kuex pix vtueq yuimx nuex waung wvnc kuiuz!” ngoz kuq tueq.


Shalx nyuip wvnc yix raungyac nuex, miq htenc rueq vthuiuz vsac jix nuiyc htaungc kvpumz jix lotlaz Yesu kox nuex shvlx laq tueq.


Yesu jvp vtueq, “Piq kuex gvl wvnc luit,” ngoz tueq. Kvkhoc rvtueq tsuinghez rueq muik mawz waz kuex gvl wvnc tueq. Tsuinghez rueq, “Thuinz hvlx kokez kuiuz! Kvtenc kuiuz, vpiq rueq mnoz gvl yaq,” ngoz kuq tueq.


Kvkaq Yesu rueq, “Isaz yalxjuik saz lex, mnoz kvmluimx thuinz maq mnoz hvlx kaz toq. Gvnhttuingc maq waung wvnc kuiuz, mnoz vthuiuz vsac sawc ruiyruiyc mhvlc kaz kueq,” ngoz kuq tueq.


Tsuinghez rueq vpiq kuex khiz vtueq vkawc yawc rvwuez tueq. Yesu kuex kvkaq vhtaq maq vkvjak, “Thuinz nauk tvruinc kaz, ngaz rvtauk, nauk hikaz!” ngoz tueq.


Nuimhez kuex ngaz rulc vshiz dvyx yaungc ningkhvnc nuex nomic lvp wvnc shuinx, yuq muinz nuimhez kuex mungkawx nuex htemrvmz kuilc daz rvhumc tuinx. Yuq muinz thuinz nauk tvruinc kaz! Ngaz rueq mungkawx kuex taungx gay tauk shex!” ngoz tueq.


Vpiq rueq tsuingshiq thuinz vmungx nuex tvmaung yaq kuex tuiuz yaq ningkhvnc nuex, vpiq muex miqsaz lvmz kuex uraq muinz jungc kuy rac muq.


Kvkaq Yesu rueq tsuinghez muex, “Yalx rox bix lex, nuimhez nuex phuiuz svy juing phvnx shishiz vhttax haz?” ngoz tueq wiz tueq. Tsuingshiq rueq, “Yvmx muinz vguez,” ngoz tueq tvralc tueq.


Piq muinz kvyuq ngaungc vtueq Polu rueq jungphvnx yaq kvjaz kuex tay tvtsuingc tueq. Polu rueq piq kuex lawc tvtsuingc koq tueq, vthuiuz vsac hvlc laz tanc khvnc piq kvmluimx thuinz httax yaq kuex tuiuz vtueq,


Miq htenc kuex Polu rueq shuimc juing phajet nuiyc khvy phux kuex vthuiuz vsac jix nuiyc htaungc kvpumz jix kox nuex lvmz wvnc koq tueq, vthuiuz vsac jix kuex hvlx wvnc ruiux, htaungc htenc kuex miqmac kvpumz yaq jix gvnz wawc dung wvnc wuez tueq.


Kvruex raungwvrx Taungjix kuex Polu hep nuex jvp kaz vtueq, “Nauk hiz kaz! Mnoz rueq Yerusalem nuex ngvy lvmz hakhix khvmc toq kvkhoc Roma nuex muinz khvmc yek shuiuz,” ngoz tueq.


Kvruex dvyx rvmuq, naungshiq kuex Tishox rulc kungjix muex tvyaungc wvnc phuex Taungjix Yesu Christu ningkhvnc nuex Tishox rueq naungshiq nuex shuimx wvnc tueq yauk shuimc htenc kvmac thuinhvlx vtix.


Yuq muinz miq vshiz shiz rueq, “Miq vshiz kuex kvmluimx httax yaq, vganc vshiz kuex honc vyaungc vhttax,” ngoz tueq ngoz ruiux yuq, “Honc vyaungc vguez maq kvmluimx kuex ngaz muex tvkhic kuq koq, ngaz rueq honc vyaungc maq ngvy kvmluimx kuex tvkhic kuq phaungx,” ngoz tueq jungx kuq ix.


Síguenos en:

Anuncios


Anuncios


¡Síguenos en WhatsApp! Síguenos