Matthew 9:2 - Muklom

² Eshináng miqtang aa jak ajaa may thamot moq ashey miq tha ráng o tun som eq Jesu relnáng thok som katta. Jesu aa ning kam alam rapney ahan ta khi eq, piq aa jak ajaa may thamot moq miq thima batta, “I sa, tin nak thajung u! Ba ngarey tha utol sey chakta.”

ASII LAKDAP Bible (BSI)

² Kiijaq maiq wiijamti raq akhum ama arki we ka changdü na tiiweshat maq Jesuq phana pi wanto. Jesuq raq tsangshiq kamtsantsii ka chhi raüta atsiti we nangnga, “I se loi, ümtsaiji ka tiijong laq! Ümngarai ka diikuqto she,” nguta bomdamto.

Hawa Naga Bible 2001

² Kvkaq miq wvyvmc rueq chuing nuex woalc yaq gvnmaungx miq washiz kuex vpiq kox nuex pix laq tueq. Yesu rueq tsuingshiq nuex kvmluimx thuinz mtanc lac httax yaq nguinx kuex khiz vtueq, “Isaz lex, khvmc thuinz httax kuiuz! Mmvrax dawc gay rvhumc doc shex,” ngoz tueq jungx kuq tueq.

Matthew 9:2 Referencias Cruzadas

Matthew 14:27

Kalo Jesu aa ning ma batta, “Nak cho inn! Ira nga! Tin thajong inn.”

Matthew 4:24

Syria mung thaji miqtang aa Jesu tha usam sey ta, etho ning aa Jesu rel thináng uphan phan thaji tak asa miqtang thok solta; chamtey tey thangwa wang lottey miqtang angta, chamtey tey wakngak tak asa angta, chamtey tey jak ajaa jin thamot moq miqtang angta; etho Jesu aa thaji tha taqhal ta.

Matthew 6:12

Í ma thaja somtey tang thima í aa tolchak i. Irimal í ma tho tolchak phu.

Matthew 8:10

Iri raaq raa tat eq Jesu rapney patja ta etho ujio kattey tang ma batta, “Nga nim ma batphang, Israel na piq mal rapney kamtey miq sha nga khi wey mong.

Matthew 8:16

Ethi rangja tho thangwa eq lotey daqhan miqtang Jesu relnáng thok solta. Jesu nung wang raaq eq anaan tsija tang tha phanchakta etho thaji takasa tang tha taqhal ta.

Matthew 9:22

Jesu aa ngik lang eq batta, “I sa miqnusa, nak cho u! Bakam wang nang uqhal ang tu.” Kalo hun eshi miqnusa tha qhalta.

Matthew 9:5

Achol raa chamlang aa: ‘Ba ngarey tha tol eq chakta’ raaq raa tia ‘tunlang eq, qhing u’ raaq raa?

Matthew 9:6

Etharin Miqna Sa ma tho iri mingkang na ngarey raa tolchak ma authority atha ta nga nim ma takhi eq phanáng.” Etho piq aa eshi jak aja may thamot moq miq thima batta, “Tunshat eq ba ráng ni tunsom eq himnáng wang u.”

Mark 1:32

Rangja sey ang atho, miqtang aa Jesu relnáng atakasa miqtang etho thangwa eq lo aa miqtang tha thoksol ta.

Mark 10:49

Jesu tanglang eq batta, “Piq shi hal inn!” Ning aa piq tha halta etho batta, “Nak cho u! Tunshat u, piq aa nang hal aa!”

Mark 5:34

Jesu aa piq thima batta, “Isa miqnu, bakam wang nang qhaltu. Nungmay eq ka u, ba taksa tha uqhal sey angta.”

Mark 6:50

Ning aa piq tha khi eq rapney chota. Jesu aa kalo hun ning thima batta, “Tin thajong inn! Ira nga! Nak cho inn!”

John 16:33

Nga iri raaq raa chamma batta phang takoi nim aa nga o nungmay cham kap inn. Mingkang ro nim ma tsamnáng, etharin tin thajong inn! Nga mingkang raa ujin sey táng.”

John 2:25

Miqtang miikkhi piq ma ràa moq angta, chammatakoi piq aa miqtang tinmong na chamlang atha usam eq aa.

John 21:5

Jesu aa ning batta, “I nokwa tang, nim jakna amaan dan ngaqsa atha i?” Ning aa thawel batta, “Ahung.”

Acts 14:9

Piq tong eq Paul raaq tha tat chey ta. Baluk o Paul aa piq sing siin ta tho piq uqhal angma han aa ta sing ta,

Acts 19:12

Paul aa tatit lo aa khatlosa tia khat sha atakasa miqtang relnáng som kat ajo, ning atakasa tha qhalta etho ning khom wang anaan tsija tang thalat ta.

Acts 23:11

Ethi rangpal tho Teyhungwa Paul relna lang eq batta, “Nak cho u! Nang aa ba miikkhi tha Jerusalem na battu, thimal nang aa Rome na tho irimal hun som ching.”

Romans 5:11

Ira chen ang moq, etharin hiqtang Teyhungwa Jesu Khristo tungkang o Shkewa hiqtang jamoq kara ti, eshirangma hiqtang sungrang ang i.

James 2:18

Etharin chamtey eq batna, “Nang aa ukam eq u etho nga jaksom som ang.” Nang aa ba kam sha ngama jaksom ahung takhi phu, etho nga i kam sha jaksom tungkang o nangma takhi phanáng.