Matthew 9:2 - ASII LAKDAP Bible (BSI)

² Kiijaq maiq wiijamti raq akhum ama arki we ka changdü na tiiweshat maq Jesuq phana pi wanto. Jesuq raq tsangshiq kamtsantsii ka chhi raüta atsiti we nangnga, “I se loi, ümtsaiji ka tiijong laq! Ümngarai ka diikuqto she,” nguta bomdamto.

Hawa Naga Bible 2001

² Kvkaq miq wvyvmc rueq chuing nuex woalc yaq gvnmaungx miq washiz kuex vpiq kox nuex pix laq tueq. Yesu rueq tsuingshiq nuex kvmluimx thuinz mtanc lac httax yaq nguinx kuex khiz vtueq, “Isaz lex, khvmc thuinz httax kuiuz! Mmvrax dawc gay rvhumc doc shex,” ngoz tueq jungx kuq tueq.

Muklom

² Eshináng miqtang aa jak ajaa may thamot moq ashey miq tha ráng o tun som eq Jesu relnáng thok som katta. Jesu aa ning kam alam rapney ahan ta khi eq, piq aa jak ajaa may thamot moq miq thima batta, “I sa, tin nak thajung u! Ba ngarey tha utol sey chakta.”

Matthew 9:2 Referencias Cruzadas

THARC TVLUINGC 9:7

Kriq na. Phesiq laq. Phetaktak phaqsiq laq. Chojong chise maq silaq. Wiiche wiitsam phetaktak phaqsi laüta silaq. Chochikhiq maq silaq. Shiikeawe arka ahea siili.

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

Matthew 14:27

Kiijiishe, tsangshiq bom ka tresaq, “Tsaiji tiijong ronglaq! Naqhai rongkiq. Ngi ahata,” nguta Jesuq raq tsangshiq rai riibom damto.

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Matthew 6:12

Naishiq ma ashut klotibi mra thun diikuqkai, kiikhiisii naishiq mra thun kiimin diikuqlaq.

Matthew 8:10

Jesuq raq apaiq bom ka tairaüta, awang riito. Kiimaq apaiq tro na mungmaiqse ajai phan wantibi thun kriima akha nguta chongkuqto, “Ngi raq chongtiikang arka tengteng! Ngi raq Israil mung na arwe kamasham akha ümchaü niitaq weshi ra min hum mang shaqli.

Matthew 8:16

Rajiko niishe mungmaiqse raq maiq ka tsak amii raq arom wan, atsi asitibi thun pahea kra Jesuq phaniishe shea wanto. Jesuq raq apaiq bom tsishi miili, tsak amii tha thun wiita chhiijii kuqto. Kiimaq atsiti ümchuwa apaiq phana kirai witaq thun ka wiita tiihea kuqto.

Matthew 9:22

Jesuq raq ajai nü na liisaq raüta, “I se loi ümtsaiji ka tiijong laq! Ümkam tsantsii thütlaü kra lümaq heaki laüshe,” nguta apaiq rai bomdamto. Krai mren apaiq thatsi kiimin tiidoqra heasaq heakito.

Matthew 9:5

Riita, ‘Ümngarai diikuqto she’ nguta ngo sha aje, sha, ‘Tiidolaq, chaplaq, laüta khumlaq’ nguta thaü kriiwa aje?

Matthew 9:6

Ikhiijiila, ngi raq namshiq ma, Maiq Se riika, mangjong hiq na ngarai diike wan miitu arang ho tlo nguta tiichhikuq pha,” ngutiishe tsangshiq ma chongto. Kra chongtaq krai mren, apaiq raq ahan ama arki we ka, “Tiidolaq, chap laq, laüta ümdamsii ka kom laq, laüta ümjam niishe wawan laq!” nguta thaüto.

Mark 1:32

Kra raji, rashe nyap jai niishe, atsiti nai wai raq ajok thun maiq kunli ka, Jesuq phana sheahoto.

Mark 10:49

Kiijiishe Jesuq ka achap raüta, “Apaiq ka ana hea laq” nguta thaüto. Krai mren tsangshiq raq makchuk we ma, “Tsaiji tiijong laq! Tiidolaq. Apaiq raq ümnaq hea tlo,” nguta chongkuqto.

Mark 5:34

Kiijiishe, Jesuq raq, “I se le! ümniiraq ngi ma kamwan laü kha maq, hea wan laü. Ahea, Ümchaü ka hansang miishe siwakiq. Ümthatsi ka heakito she” nguta chongkuqto.

Mark 6:50

Tsangshiq raq apaiq ka chhi raüta kai phiip raq tsaito. Shatmaq, Jesuq raq tsangshiq rai bomsaq, “Naqhai rongkiq. Ngi tiina!” nguta bomdamto.

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

John 2:25

Maiqse tsan mong na, jamlai phan wa rüm tlaq, kriika apaiq ma maiq raq chongke rea ngo min raa mak. Apaiq raq tsangshiq tarü tsantsii na, jamlai wa sitlaq kriika sapshat.

John 21:5

Kiijiishe, “Jerobi lei, namshiq raq ngiq phanshi ra min lap man dea sha?” nguta apaiq raq tsangshiq ma waito. “Ahü, siirairai,” nguta tsangshiq raq apaiq bom ka treto.

Acts 14:9

Apaiq kiimin kiijaq nga raüta, Paul raq traho bom chongkuqtlaq kra tsangrakrak hea maq tiitsang taito. Kriiwe ka Paul raq chhito. Kiimaq apaiq raq Shiikeawe bomtsi ma kamtlo ngutiishe apaiq tho ka heto. Krai mren, apaiq tsi kiimin miheaki nguta sap raütiishe, apaiq raq atsiti we ka tiqtiq liito.

Acts 19:12

Paul raq akhupo shat chang samtlaq phaqchetsetiim nai jaqsham lam maq achhü shat chang kheachüsetiim thun kra lamho raü raüta atsi asiti khum na tiiweho kli dongdii min, atsi asi ka tiidoq mra hea tlo. Kiimaq abi shinrii thun ka wiita tsangshiq khum wa juho tlo.

Acts 23:11

Kra rawa na Tatiwe ka Paul rai adam chapto. Raüta, apaiq ma, “Ümniika naqhaikiq! Ümniiraq arjaq Jerusalem na i ruk i kiimwe ma jamkho jawan laü, kiikhiisii hali, Rom chela niimin hakhi kewa raa tlo,” nguta ningkun shoqke bom hali chongkuqto.

Romans 5:11

Riita ara chong tiikai ara lamlam siili ka riimak. Arthaq niimin apa dea asi shaqli. Nashiq raq khoqriiq wan chang lamlu ka jonghea dea asi. Arka Shiikeawe raq Tati Jesuq Khristo pum lümaq, nashiq ka Shiikeawe khi alu bi miishe tiija kuq wantaq arkha maq khoqriiq siq tiikai.

James 2:18

Shatmaq Phungmaiqse liipan wa weshi ra riika, “Phungmaiqse liipan na maiq wiijamti riika kamtsantsii rümtlo. Kiimaq maiq wiijamti riika jaqsham wantlo” nguta bom ka mikhii ngu i. Ikhla ngi riishe kriiwe bom ka akhiishe tre pha. “Ahea, ikhiila, ümniiraq ngi ma mitiichhi kuq lot haü jiika jam raa mak. Ümniiraq ngi ma, Phungmaiqse weshi riika kamtsantsii mirüm. Shatmaq ahea awa jaqsham miiriiwe ka tiichhi kuq lot mak min miraq ngu tlaü? Shatmaq, ngi riikla, i kamtsantsii ka asi dea rümtiikang nguta, i jaq sham maq mitiichhikuq lot ha.