Matthew 9:3 - Hawa Naga Bible 2001

³ Kvkaq Tvrac tvluingc waz bix vbez rueq, “Vruex waz vraq Tishox muex yomnamc kvjaz kvjak yaq,” ngoz tueq miqmac thuinz mungx maq ngoz wuez tueq.

ASII LAKDAP Bible (BSI)

³ Kra tairaüta, Thungtri shrinketi shrabi wiijamti raq tsangshiq liipan na, “Arwe raq ara Shiikeawe khü maq tiihong raüta riikhiq ashut bomtlo!” nguta riibomto.

Muklom

³ Thong tataltey tang aa ira tat eq ning jaktung mong thina wanta, “Iri miq rey Shkewa junnam tung aa raaq bat aa.”

Matthew 9:3 Referencias Cruzadas

LEWI 24:16

Israel miqsaz htenc muex jungx shuiuz. Israel miqsaz rueq ngoz ruiux muinz, Israel miqsaz rulc httaz naungc jix pungnuk miqsaz rueq ngoz ruiux muinz, Yehowa muex httonx ruiux yuq, miq lotlaz rueq piq kuex lung maq tuip thvy gay rax.

WEAWEA 15:30

Israel miqsaz rueq rvmuq ngoz ruiux pungnuk miqsaz rueq tvmx lvmlvmc maq yaq gay ruiux kuex, kvruex waz rueq Yehowa muex wvlc guez waqguez tvyaungc tueq ningkhvnc nuex piq kuex vthueyc tvrvhumc rax.

Matthew 26:65

Kvruex kaq Shomc Wayungx rueq piq svmhung kuex puinz juir gay ruiux, “Vpiq rueq Tishox muex yomnamc kvjaz jungx yaq! Naungshiq rueq hakhix vganc thuiyc rac muq shex! Tishox muex yomnamc kvjaz jungx yaq kuex nuimshiq rueq majuiuc tay wvnc wuez tuit!

Matthew 7:29

Yvmx khoc lac ngoz ruiux lec vpiq kuex Tvrac tvluingc waz hez ikhoc rvmuq; vrangx vpangx vhttax kvjaz maq vpiq rueq tvluing kuq yaq.

Mark 14:64

Tishox muex yomnamc kvjaz vpiq rueq jungx yaq kuex nuimshiq rueq muinz tay tuit. Nuimshiq rueq yvmx khoc lac htvp htaz shuinx?” ngoz tueq. Tsuingshiq lotlaz rueq: vpiq mvrax vhttax lvmz raungshuex raung ningkhvnc nuex vthueyc murx tvgurc aungx yaq ngoz tueq htvp htaz wuez tueq.

Mark 3:28

“Ngaz rueq nuimshiq muex vsuing jungx kuq ix, mungkawx miqsaz mvrax lotlaz nuiyc tsuingshiq rueq vjungc vphvnc yaq yaq honc vbac lotlaz tvkoc mvrax htenc kuex dawc kuq lot yaq.

Mark 3:29

Yuq muinz Vsawc Siyac muex honc vbac yomnamc kvjaz kvjak jix miqsaz ukhaq muex yuq muinz mvrax dawc kuy rvhumc lvp tuex rvmuq, piq kuex pattup pat-sac nuex seng yaq mvrax shuimc jix waz rvtueq,” ngoz tueq jungx tueq.

Mark 7:21

Yvmx khoc lac ngoz ruiux lec miq thuinz vmungx maq vbac kvmungx htenc dung kaz vtueq, kvraq piq kuex honc vbac layx htenc tvshuimx yaq sahtok sapawx yaungx yaq, vguiuq vrot rvyaq, miq thvt yaq,

Luke 5:21

Tvrac tvluingc waz hez nuiyc Pharise nuk rueq, “Vruex waz kuex yvmx khoc miq lac vpiq rueq Tishox muex yomnamc kvjaz kvjak yaq! Tishox maq lvy vtueq uraq lac mvrax dawc kuq lot yaq nguinx!” ngoz tueq tvmaung wuez tueq.