Matthew 7:25 - Hawa Naga Bible 2001

²⁵ Raungyunx vtueq yuix puingx wvnc ruiux muinz, raungguil vtueq yuimx kuex httux lak wvnc ruiux muinz, lung htauk nuex vguirx ningkhvnc nuex rul lot muq.

ASII LAKDAP Bible (BSI)

²⁵ Ra ka düthaü jun wanto. Jürai thun ka wiita ma wanto. Rathaiq rahai ka henghea hai wan raüta, kra jam ka thaü baiq wanto. Shatmaq kra jam ka ropbaiq lot mak dea riito. Jamkhano ngukla kra jam ka longkaü thaq na kham shong wan raüta ahai wan.”

Muklom

²⁵ Jujong aa ráng chey ta, jung ching ta etho rangpong eq him sha motta, etharin him sha chilwang moq angta. Chammatakoi eshi him sha long khona hunta.

Matthew 7:25 Referencias Cruzadas

TAKSU LAK 10:25

Layx bac jix htenc kuex raunghtiq raungguil rueq pvnx wvnc rvhumc yaq, yuq muinz tsuingrux miqsaz kuex pattup vhiz juing rac muq kvwungx tuex.

MALAKI 3:3

Vpiq kuex kuimphox diq tvsawc jenx jix waz ikhoc httuiuc kaz vtueq khac phox shuex. Kuimphox nuiyc kuimshawx jenx jix waz rueq kuimphox nuiyc kuimshawx kuex jenx yaq ikhoc Yehowa kamx waz rueq shomc waz bix kuex tvsawc nawc shuex, kvkhoc ruez yaq lvmz kuex shomc waz bix rueq Yehowa kox nuex rvkhauk laz shomc kuy juing phvnx htenc kuex lvmc lvy tvkoc rvtueq.

Matthew 16:18

Kvkhoc rvtueq ngaz rueq mnoz muex jungx kuq ix, mmuingc kuex lung ngoz yaq Peter rvtoq, lung rauk ngoz yaq vjungx tvjvp htauk nuex ngvy phungc kuex ngaz rueq tec taq vshaungx, vthueyc vmvy rueq doc muinz kvruex taungx gay lot muq.

Matthew 7:24

“Ngvy kvjaz vruex tay vtueq phvnc tvhungx jix waz kuex lung htauk nuex yuimx guirc jix wvtharc waz rulc rv-ngvlc yaq.

Matthew 7:26

“Yuq muinz ngvy kvjaz vruex tay vtueq phvnx muq jix ukhaq yuq muinz miqmac yuimx kuex kumtsvy htauk nuex guirc jix vngaz waz rulc rv-ngvlc yaq.

Matthew 7:27

Raungyunx vtueq yuix puingx wvnc ruiux raungguil vtueq yuimx kvruex httux lak wvnc kvlak rul wvnc tueq. Kvkhoc rul kvlak wvnc tuex kuex tvmaq jup rvtueq!” ngoz tueq jungx tueq.

Acts 14:22

“Naungshiq kuex Tishox Mungtan nuex httuiuc tvkoc kuilc daz htemc rvmc paunghvlc rvhumc wvnc tix,” ngoz tueq jungphvnx kuq ruiux kvmluimx miqsaz kuex tv-phaungx ngaungx kuq tueq. Tsuingshiq kvmluimx thuinz phaungx ngaungx tvkoc muinz honc tvsvmz jungx kuq tueq.

Ephesians 3:17

kvmluimx ningkhvnc nuex Christu rueq nuimshiq thuinz vmungx htenc nuex vpiq httaz juing muex mtvyaungc shueq nuiyc lungwawc thuinz nuex htungyaz tvjvp tv-phaungx ruiux,

Colossians 2:7

Tvluingc kuy rvhumc wvnc tuit rulc rv-ngvlc, vpiq nuex vthuiuz vsungx vruingx waungc vtueq, vpiq nuex miqmac rullungx kuex tvtsuir tv-phaungx wuez ruiux, nuimshiq kvmluimx thuinz kuex pinhtumc tv-phaungx wuez shuinz. Nuimshiq nuex kejux rvwvlc thuinz mvrc wuez kuinz.

James 1:12

Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.

1 Peter 1:5

Kvruex kuex kvmluimx ningkhvnc nuex vtvsuip vkhing nuex mdung wvnc kueq ngoz tueq tvyoalc taq shec tueq palc daungc wvnc kejux kuex mlvp wvnc shueq, Tishox luimc vkawc maq tvkhup wungx kuy rvhumc jix nuimshiq tvkoc rvtueq.

1 Peter 1:7

Kvkhoc taruiyx rvhumc lvmz kuex Tishox muex nuimshiq vsuing shuex kvmx vtuinx, kvmx muit lac kuex talc lawc tvkoc rvtueq. Tvbac gay lot yaq kuimshawx doc muinz wvr maq tvyuimx shuz lawc shix rvtueq, kuimshawx htauk nuex muinz vhtawz tsanc hvlc phvnx nuimshiq kvmluimx kuex phaungx ngaungx rawc nuex talc lawc rvhumc vtuinx rvtueq. Kvkhoc ngoz ruiux jix Yesu Christu httuiuc kaz tuex raungnuiyq nuex tvtsvmc kvmc lvmz, ngauz vngax nuiyc tvtsanc nganc kuex nuimshiq rueq lvp wvnc wuez shuinx.

1 John 2:19

Vruex miq htenc kuex vsuing mkaq muinz naungshiq lux rvyaungc vtix nuex seng muq jix htenc khuec nuex naungshiq kox wawc tsuingshiq dung wvnc wuez vtuex; naungshiq rulc lux rvyaungc vtix vyuq seng ruiux yuq tsuingshiq kuex naungshiq rulc vdvmz nuex httax naungx khvmz phuex. Yuq muinz tsuingshiq kuex vsuing naungshiq rulc seng muq lvmz mkvkhic wvnc kueq tsuingshiq dung wvnc wuez vtuex.