Matthew 7:26 - Hawa Naga Bible 2001

²⁶ “Yuq muinz ngvy kvjaz vruex tay vtueq phvnx muq jix ukhaq yuq muinz miqmac yuimx kuex kumtsvy htauk nuex guirc jix vngaz waz rulc rv-ngvlc yaq.

ASII LAKDAP Bible (BSI)

²⁶ “Shatmaq jurwa ara i bomchong ara taishat shat maq lang wan mak siwan tlaq, kriiti ka maiq angi we ashi raq, ajam ka kumtsai thaq na ahai wan ikha miraq.

Muklom

²⁶ “Etharin utang miq eq iraaq tat eq somlo moq, piq sha long pháng kho o him huntey ajat miq mal.

Matthew 7:26 Referencias Cruzadas

YOBA 22:16

Tsuingshiq vkhing max httuiuc nuex dvyx, yuix puk puingc rueq thuq hoalc gay rvhumc tueq.

TAKSU LAK 14:1

Yalxjuik rulx taksux tharc maq yuimx htenc guirx yaq, yuq muinz miqyaq ningkhvnc nuex tvbac gay rvhumc yaq.

JEREMIA 8:9

Wvtharc jix mmiqsaz htenc kuex yvlc svy rvhumc yaq; tsuingshiq kuex thuinz bvruik shauk vtueq bix nuex manz wuez tueq. Tsuingshiq rueq ngvy bomc htenc tvdux gay tueq; majuiuc tsuingshiq nuex yvmx taksux tharc lac httax yaq nguinx?

Matthew 7:24

“Ngvy kvjaz vruex tay vtueq phvnc tvhungx jix waz kuex lung htauk nuex yuimx guirc jix wvtharc waz rulc rv-ngvlc yaq.

Matthew 7:25

Raungyunx vtueq yuix puingx wvnc ruiux muinz, raungguil vtueq yuimx kuex httux lak wvnc ruiux muinz, lung htauk nuex vguirx ningkhvnc nuex rul lot muq.

Matthew 7:27

Raungyunx vtueq yuix puingx wvnc ruiux raungguil vtueq yuimx kvruex httux lak wvnc kvlak rul wvnc tueq. Kvkhoc rul kvlak wvnc tuex kuex tvmaq jup rvtueq!” ngoz tueq jungx tueq.

Luke 6:49

Yuq muinz ngvy kvjaz vruex tay vtueq phvnx muq waz kuex, htungyaz tv-phaungx tvjvp muq maq ghaq htauk nuex yuimx guirc jix waz rulc rv-ngvlc yaq. Kvruex yuimx kuex yuix puingx vtueq htulak wvnc ruiux yuq, kvkaq dvyx kvlak rul bac wvnc tueq, kvruex yuimx bac wvnc vtuex kuex kvhiz juing yunghvlc rvtueq!”

James 2:20

Miqyaq vngaz lex! Honc vyaungc vguez maq kvmluimx tuiux kuex khuec guez yaungx yaq lvmx tuiuz roc haz?

1 SAMUEL 2:30

M-yuimx wuinz nuiyc m-waruiuz kuex shomc waz yaungx vtueq pattup ngaz muex mshuimx kuq phueq ngoz tueq, Ngaz, Yehowa Israel Tishox rueq lvy wvnc tueq pat nuex bomkhvmc taq tauk. Yuq muinz majuiuc bomkhvmc kvruex mkaq muinz phaungx tuex rvmuq shex ngoz tueq ngaz rueq jungx vphaungx! Kvkhoc ruec tvraung, ngaz muex tvtsanc nganc jix kuex ngaz rueq tvtsanc nganc kuq shaungx, ngaz muex wvlc guez tvyaungc jix kuex ngaz rueq vsuirc sac rvshaungx.