Matthew 7:24 - Hawa Naga Bible 2001

²⁴ “Ngvy kvjaz vruex tay vtueq phvnc tvhungx jix waz kuex lung htauk nuex yuimx guirc jix wvtharc waz rulc rv-ngvlc yaq.

ASII LAKDAP Bible (BSI)

²⁴ “Ara chongtiikang arkha maq, jurwa ara i bomchong ara lang wan tlaq, kriiti ka maiq atsiiwe raq, ajam ka longkaü longkaü wat raüta, jamkham shong raüta hai wan tlaq ikha miraq.

Muklom

²⁴ “Ethi rangma, utang miq eq iraaq tat eq somlo aa, piq sha long kho o him huntey asam atol miq mal.

Matthew 7:24 Referencias Cruzadas

YOBA 28:28

Tishox rueq miq htenc muex ngoc, “Nuimshiq kuex taksux tharc httaz tvkoc Taungjix muex hiyaz tvtsanc nganc rax. Nuimshiq rueq tuiuz tay wvnc tvkoc layx vbac wawc kvroz wvnc yek tuinx rvtueq,” ngoz tueq jungx tueq.

Tvtsvmc 111:10

Yehowa muex tvtsanc nganc kuex tharc httaz wvnc juing lvmx rvtueq; vpiq rueq nvrc bomc htenc tay phvnx jix lotlaz muex rvkhauk laz khac phoc kuy lvmx kuq yaq. Vpiq rueq pattup tvtsvmc kvmc lvmz lvp wvnc tueq.

Tvtsvmc 119:130

Mnoz tvluing bomc kuex tvkhic jungphvnc kuy lvmx htenc rueq raungwuic kuex kuq vtueq, yvmx muinz tuiuz muq jix muex taksux tharc tvlvp kuq yaq.

Tvtsvmc 119:99

Ngaz kuex mnoz rueq jungx toq kvjaz htenc thuinz maq rvwvlc ningkhvnc nuex, ngaz muex tvluingc kuy jix tvluingc waz bix lotlaz htauk nuex jvnc vtueq ngaz rueq tuiuz vshaungx.

TAKSU LAK 10:25

Layx bac jix htenc kuex raunghtiq raungguil rueq pvnx wvnc rvhumc yaq, yuq muinz tsuingrux miqsaz kuex pattup vhiz juing rac muq kvwungx tuex.

TAKSU LAK 10:8

Tvmaung vthenc miq htenc rueq vhvlx tharc jungc kvjaz kuex lvp wvnc yaq. Miqyaq jix thuirthux yaq htenc kuex batac momaq wvnc rvhumc tuex.

TAKSU LAK 12:7

Layx bac jix htenc rul wvnc tsuiyc vtueq tsuingshiq suiuz vsaz htenc tvkoc yvmx muinz tvjungx taq shec muq, yuq muinz tsuingrux jix yuimx taungx htenc kuex vphaungx ngaungx rvwvnc tuex.

TAKSU LAK 14:8

Yvmx rvtueq lac miqjat lat miq kuex wvtharc yaungx yaq nguinx? Piq rueq shuimc juing kuex piq rueq tuiuz yaq ningkhvnc nuex rvtueq. Yvmx rvtueq lac kvnvnc svnc jix waz kuex miqyaq yaungx yaq nguinx? Yvmx khoc lac ngoz ruiux lec piq rueq tuiuz hvlc ngoz tueq tvmaung ningkhvnc nuex rvtueq.

Matthew 12:50

Raungmungx nuex httax yaq Iwaz thuinroc shuimc jix htenc kuex inox, ishvlx nyuiuz nuiyc inyuiuz rvtueq,” ngoz tueq jungx tueq.

Matthew 16:18

Kvkhoc rvtueq ngaz rueq mnoz muex jungx kuq ix, mmuingc kuex lung ngoz yaq Peter rvtoq, lung rauk ngoz yaq vjungx tvjvp htauk nuex ngvy phungc kuex ngaz rueq tec taq vshaungx, vthueyc vmvy rueq doc muinz kvruex taungx gay lot muq.

Matthew 24:45

“Kvkhoc ngoz ruiux tvmtuing vhttax nvrc waz kuex mruex jix waz lac rvtvnx? Kvruex waz kuex vganc nvrc waz htenc guimz lawc muex nuiyc vkhing httuiuc ruiux phuiuz vsvy phvlc kuy tvkoc vjiyungx waz rueq vthvl taq waz rvtueq.

Matthew 25:2

Tsuingshiq hez wawc nyuiuz bv-ngac kuex miqyaq, nyuiuz bv-ngac kuex wvtharc rvtueq.

Matthew 25:4

wvtharc jix htenc kuex miqmac wvrkok htenc rulc vdvmz vpuiz tix vjvnc tauk khvp nuex htawc laq tueq.

Matthew 25:9

‘Wvtharc jix htenc rueq tvralc tueq, ‘Nuiyshiq tvkoc nuiyc nuimshiq tvkoc tauk kuex hungx muq rvtuex, vshaungc rvyaq kvwawc nuimhez tvkoc ruiyx kaz kuinz,’ ngoz tueq.

Matthew 7:25

Raungyunx vtueq yuix puingx wvnc ruiux muinz, raungguil vtueq yuimx kuex httux lak wvnc ruiux muinz, lung htauk nuex vguirx ningkhvnc nuex rul lot muq.

Matthew 7:26

“Yuq muinz ngvy kvjaz vruex tay vtueq phvnx muq jix ukhaq yuq muinz miqmac yuimx kuex kumtsvy htauk nuex guirc jix vngaz waz rulc rv-ngvlc yaq.

Luke 11:28

Yuq muinz Yesu rueq, “Tishox bomjungc tay vtueq phvnc jix kuex mtanc thuinhvlc wuez!” ngoz tueq tvralc tueq.

John 13:17

Majuiuc nuimshiq rueq vruex tsuingrux lvmx kuex tuiuz vshuinx ningkhvnc nuex, kvruex phvnx ruiux yuq nuimshiq thuinhvlc httax yaq.

John 14:15

“Nuimshiq rueq ngaz lungwawx vphuinx ngoz ruiux kuex ngaz rueq nvrc bomc htenc kuex tay phvnx wuez shuinx.

John 15:10

Ngaz kuex Iwaz rueq nvr yaq kvjaz htenc tay phvnx vtueq, vpiq lungwawc nuex rvwak vtaungx ikhoc, nuimshiq muinz ngaz rueq nvrc bomc htenc kuex tay phvnx ruiux kuex ngvy lungwawc nuex rvwak wuez tuinx.

John 15:14

Nuimshiq kuex ngaz rueq nvr phaungx kvjaz tay phvnx ruiux kuex nuimshiq kuex ngvy kungjix hez rvtuit.

Romans 2:13

Yvmx khoc lac ngoz ruiux lec miqsaz rueq Tvrac kuex vtay lvmlvmc raz tueq dvyx Tishox rulc tsuingrux lvp shuex rvmuq, Tvrac nuex nvr shec tueq rulc rv-ngvlc shuimx ruiux yuq jix tsuingrux ngoz tueq ngoz shuex.

1 John 2:3

Tishox rueq nvrc bomc kuex naungshiq rueq phvnx ruiux yuq, naungshiq kuex vpiq tuiuz jix htenc rvtiq lvmz rvkhauk laz tuiuz lvp shix.