Matthew 4:9 - Hawa Naga Bible 2001

⁹ “Mnoz rueq bumx vtueq ngaz nawk ruiux yuq, vruex lotlaz kuex ngaz rueq mnoz muex kuq phaungx,” ngoz tueq jungx tueq.

ASII LAKDAP Bible (BSI)

⁹ Raüta, “Ümniiraq i ji chong na bum laüta ngi ara shomnoq haü jiila, ara maiqmung thun ara ümniima mikuq kang,” nguta Thawe raq nguto.

Muklom

⁹ Etho Thangwa aa batta, “Ba langku o tong eq, nga shumnuk phu jo, nga iri thaji raa nang ma kotchak phanáng.”

Matthew 4:9 Referencias Cruzadas

Tvtsvmc 72:11

Hokhvmx lotlaz kuex piq khaung-kac nuex bumx vtueq nawk wuez shuex; miqphvnx lotlaz rueq muinz piq muex nawk wuez tuex.

TAKSU LAK 8:15

Hokhvmx bix rueq guimz lawc yaq nuex ngaz rueq romc naungx vshaungx, vhvlx tvrac htenc kuex tvhungx tvkoc mungx walaungx bix kuex ngaz rueq htuiz daungx vshaungx.

DANIEL 4:32

Mnoz kuex miq phungc wawc yurc gay rvhumc vtueq yaruix ngvmx saz htenc rulc vdvmz wawc mvshix tup manx rueq ikhoc renhttuingx kuex phauk shuiux. Kvkaq Johvlc Tishox rueq miqsaz mungtan htenc htauk nuex guimz yaq luimc vkawc lvp vtueq vpiq rueq vthvl ukhaq muex muinz vpiq rueq kuq lot yaq kuex mnoz kvjungc tuiux,” ngoz tueq.

Matthew 26:15

“Yesu kuex ngaz rueq nuimshiq yauk nuex lekuq ruiux yuq kuimphox mjuc lac kuq phuinx?” ngoz tueq wiz tueq. Tsuinghez rueq piq muex kuimphox rokthuimx kuq tueq.

Matthew 4:10

Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.

John 12:31

Vruex mungkawx kuex majuiuc doc muinz vphoc rvhumc vtuex; majuiuc mungkawx vruex guimz lawc jix waz kuex yuz phic nuex tuip gay rvhumc tuex.

John 13:3

Yesu kuex Vwaz rueq vpiq muex luimc vkawc tsuiyc laz kuq tueq kvmuinz; vpiq kuex Tishox kox maq kaz vtueq, Tishox kox nuex yek waungc yek juing kvmuinz tuiuz yaq.

John 14:30

Nuimshiq rulc paunghvlc kvjak lvp mauk shuex, yvmx khoc lac ngoz ruiux lec mungkawx guimz lawc jix waz kuex httuiuc wvnc yaq shex, piq rueq ngvy htauk nuex guimz juing luimc vkawc vguez.

John 16:11

Mungkawx vruex guimz lawc jix waz kuex vphoc rvhumc vtuex ningkhvnc nuex, tsuingshiq kuex vphoc lvmz nuex seng vtueq yaq wuez yaq.

2 Corinthians 4:4

Vruex mungkawx nuex honc vbac tishox ngoz yaq htaungc rueq tsuingshiq thuinz htenc kuex raungx nyauk maq puingc gay ningkhvnc nuex, tsuingshiq kuex kvmx muq. Piq kuex Tishox shvmx yac shauk rvtueq, Christu ngauz vngax lvmx Thuix Thaungx Vhvlx wawc dung wvnc vtueq tsuingshiq htauk nuex httuiuc kaz tueq raungwuic kuex tsuingshiq rueq khiz muq.

1 Timothy 3:6

Piq kuex Christan vnyalx yaungc jix waz muinz yaungc mvy muq, piq ngamc ngax thuinz joz wvnc vtueq Htaungc Satan ikhoc phoc kuy gay rvhumc muq mruez kueq, kvmluimx lvmx nuex kenrix maq yungx luz wvnc jix waz yaungc rax tuex.

Revelation 19:10

Kvkaq ngaz rueq piq yaz phaungx nuex bumx vtueq nawk palx dvnc tauk, yuq muinz raungkamx waz rueq, “Kvkhoc nauk nawk kaz! Ngaz kuex mnoz nuiyc mphuz mnox hez maq phaungc vtueq, Yesu rueq jungphvnx wvnc tueq tsuingrux lvmx phvnc jix htenc rulc shuimc shiz kayshiz jix nvrc waz dvyx rvtauk. Tishox muex dvyx nawk palx shuiuz!” ngoz phuex. Yvmx khoc lac ngoz ruiux lec Yesu rueq jungphvnx tueq tsuingrux bomjungc maq jix shvmmax bix muex rawshvmx tvwaung kuq yaq.

Revelation 19:16

Vpiq svmhung nuex nuiyc yaz wuenc nuex, “Hokhvmx htauk nuex Hokhvmx, taungjix htauk nuex Taungjix,” ngoz tueq vmuingc kuex wuiyq shec tueq.