Matthew 4:9 - ASII LAKDAP Bible (BSI)

⁹ Raüta, “Ümniiraq i ji chong na bum laüta ngi ara shomnoq haü jiila, ara maiqmung thun ara ümniima mikuq kang,” nguta Thawe raq nguto.

Hawa Naga Bible 2001

⁹ “Mnoz rueq bumx vtueq ngaz nawk ruiux yuq, vruex lotlaz kuex ngaz rueq mnoz muex kuq phaungx,” ngoz tueq jungx tueq.

Muklom

⁹ Etho Thangwa aa batta, “Ba langku o tong eq, nga shumnuk phu jo, nga iri thaji raa nang ma kotchak phanáng.”

Matthew 4:9 Referencias Cruzadas

Tvtsvmc 72:11

Hokhambi thun wiitarü raq ajichong na bum raüta minoq wan; Maiqphan tlotli raq apaiq minoq wan.

TAKSU LAK 8:15

Ngi raq hokhambi mungpeng na khrum tiikang, kiimaq tuwebi ma tri ahea tiiq wan na khrum tiikang.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

Matthew 26:15

Raüta apaiq raq tsangshiq ma akha waito, “Ngi raq Jesuq ka namshiq ma lapkuq hajaq, namshiq raq ngi ma jamlai wa mikuq han?” Kra tai raüta tsangshiq raq kampho kamsii roqtsam kra wea raüta apaiq ma ajaq na tiisham kuqto.

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

John 12:31

Ümchaü arshe, mangjong maiqse khapho akhing ka. Ümchaü akhing ara mangjong hiq rümti we kra tiidea baiq akhing she saü wato.

John 13:3

Awe raq apaiq ma phanrap tang wan miitu ningkun ka akekun she nguta apaiq raq asap. Kiimaq apaiq ka Shiikeawe pha wa aki, kiimaq apaiq ka Shiikeawe pha na hali wawan nong nguta, Jesuq raq wiita asap.

John 14:30

Ngi ka ümchaü namshiq rai manphan riichan apa ka riibom lap mang she. Ara jamkhano chongtiikang ngukla, ara mangjong hiq ara rümti we ka saü wanto she. Apaiq raq ngi ka hupkhang wanlot mak.

John 16:11

Kiimaq, tsangshiq raq Shiikeawe raq tingting kappe sham tlaq kra sap mak, ajiq tak wan tlo. Ara jamkhano chongtiikang ngukla, Shiikeawe raq ara mangjong hiq rümti we kha ka ümchaü aphowi she. Raüta, apaiq ka atiishut baiq wishe. Shatmaq, tsangshiq riika kra bomtsi kiimin sapphaq mak miili sitlo.

2 Corinthians 4:4

Tsangshiq raq Tsütsa Ahea ma kam mak riitlaq kriika, Thawe raq tsangshiq wenyi makpo kra pangho kha maq chhi mak sitlo. Ara mangjong hiq rümti thawe abi raq, tsangshiq wenyi mak ka apang riibaiqto. Tsangshiq khuthaq na rawüli liliim wan tlaq kriika, tsangshiq raq chhi mak sitlo. Ara chong tiikai rawüli litlaq ngutiikai arka Tsütsa Ahea Khristo khushü jonglu liliim chhainyii rawüli kra nangnga chong tiikai. Khristo ka Shiikeawe rai shamshi ngamshi sitlaq kra tiichhikuq tlo.

1 Timothy 3:6

Apaiq ka kamasham rilung na akha adiq she riichang. Ahon atsii ka aku she riichang. Kra riimak ngu raü ka, apaiq ka ashkong tiina mirki. Raüta, Shiikeawe raq Thawe jamkho tiidea baiqtaq kiikha, apaiq min midia.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”