Matthew 4:10 - Hawa Naga Bible 2001

¹⁰ Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.

ASII LAKDAP Bible (BSI)

¹⁰ Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Muklom

¹⁰ Jesu aa thawel batta, “Thangwa, i rel wang chuwang u! Asang likwit na bat aa, ‘Teyhungwa ba Shkewa sha hun nang aa shumnuk ching etho piq jaksom sha hun somlo ching.’”

Matthew 4:10 Referencias Cruzadas

1 KAÜWA WERAÜ 21:1

Satan rueq Israel miqsaz muex kuilc daz tvrvhumc roc vtueq, Dawid muex muingc wvlc lvmc tvkoc tvhtvp htaz kuq tueq.

YOBA 1:12

Yehowa rueq Satan muex ngoc, “Piq rueq lvp taq tueq phvnx ruip saz kuex m-yauk nuex rvtueq, yuq muinz Yoba piq pumz kuex tuingc mvy muq,” ngoz tueq jungx tueq. Rvkoq tueq Satan kuex kaz wvnc tueq.

YOBA 1:6

Raungsaz hez kuex Yehowa khaungkac nuex kvkhic kay raungnuiyq httuiuc koq tueq, Satan muinz tsuinghez rulc kvnvp lomx ruiux yaq.

YOBA 2:1

Raungsaz hez kuex Yehowa khaungkac nuex kvkhic kay raungnuiyq httuiuc wvnc yek koq tueq, Satan muinz tsuinghez rulc kvnvp lomx tueq.

Tvtsvmc 109:6

Ngvy ralx muex khac phoc kuy tvkoc kuimphox muex rvnphvnx jix phoc waz kuex thvl taq shuiuz, piq ralx hez phungc wawc washiz shiz kuex piq muex mvrax tvgurc jix tvyaungc shuiuz.

DUNGWVNC 23:25

Nuimshiq rueq ngaz muex nawk palx kuq ruiux yuq, Ngaz, Yehowa nuimshiq Tishox rueq nuimshiq muex ruimruimx kuq vtueq, phuiuz vsvy nuiyc yuix kuex phoay laz tv-phauk saq phaungx, vmac vtsac lotlaz lvmz kuq gay phaungx.

ISAIA 30:22

Nuimshiq rueq kuimphox maq vtvhungx yac yuimx htenc nuiyc kuimshawx maq vtvhungx yac yuimx htenc kuex lvmz vtueq, miqsuirc vsac taungx vwawx ikhoc kvhtenc kuex tuip gay ruiux, “Ngvy khaungkac vwawc kaz wvnc kuiuz!” ngoz tueq ramc jungx shuinx.

Matthew 16:23

Yesu kuex kvroz nyez vtueq Peter muex, “Satan lex, ngvy kox wawc kvyenc kaz wvnc kuiuz, mnoz kuex ngvy tvhtuip jix rvtoq, Tishox thuinroc lvmx kuex khiz muq, miqsaz thuinroc lvmx dvyx tvmaung vshuiux,” ngoz tueq.

Mark 1:13

kvruex yuq raungx rok 40 tup vpiq httax tueq nuex, Satan rueq laulawc vpiq rvhumc tueq. Kvruex yuq ngvmx saz vsvl vwvl htenc muinz httax yaq, yuq muinz raungkamx waz hez httuiuc kaz vtueq vpiq muex tv-phauk saq tueq.

Luke 10:18

Yesu rueq tsuingshiq muex tvralc tueq, “Htaungc kuex raungmungx maq raunglep ikhoc dvy kaz yaq kuex ngaz rueq khiz tauk.

Luke 11:18

Kvkhoc rvtueq Satan mungtan nuex raz tsaz muq maq vdvmz dvmz rvkhvt ruiux yuq, yvmx khoc lac phaungx ngaungx tvnx? Ngaz rueq Beelzebul hungc vlaungc maq htaungc htenc yurc gay yaq ngoz tueq nuimshiq rueq jungx wuez vshuinx.

Luke 13:16

Majuiuc vyuq Abraham phvnx vmaq saz piq kuex wawc 18 Satan rueq khvrc buinc rvhumc tueq, piq muex Vguilc Raungnuiyq dawc kuy mvy yaq rvmuq haz?” ngoz tueq tvralc tueq.

Luke 22:3

Kvruex kaq sangac waz rokshiz rac wanueyc nuex lomx yaq Iskarut ngoz yaq waz thuinz nuex Satan kuex nyuip wvnc tueq.

Luke 22:31

“Simon lex, Simon lex! Tay shuiuz! Nuimshiq kuex tsvmz jap shix ikhoc jap gay muex Satan rueq vkhangx vlvp wuez shex.

Luke 4:8

Yesu rueq, “Taungjix m-Tishox muex mnoz rueq nawk palx lvp shuiux, vpiq muex dvyx shuimx lvp kuq shuiux ngoz tueq Rumvrc luik nuex wuiyq shec tueq,” ngoz tueq tvralc tueq.

John 13:27

Yuda rueq wanx kvruex tsenc phuiuz rac dvyx, Satan kuex piq nuex nyuip wvnc tueq. Kvkhoc rvtueq Yesu rueq, “Mnoz rueq shuimc juing yauk shuimc kuex htat htat shuimx shuiuz,” ngoz kuq tueq.

Acts 26:18

Mnoz rueq Pungnuk miqsaz htenc muik kuex tvkalc kuy rax, tsuingshiq kuex raungnyauk wawc raungwuic nuex tvhttuiuc kuq ruiux, Satan yauk mungx wawc Tishox kox nuex tvyenc wvnc shuiux. Tsuingshiq kuex ngaz muex kvmluimx ningkhvnc nuex mvrax dawc kuy rvhumc vtueq, Tishox rueq vthvl taq miqsaz muex yaungx wvnc tuex,’ ngoz tueq jungx phuex.

Acts 5:3

Peter rueq, “Anania lex, yvmx ngoz tueq lac mnoz kuex Satan waz muex mthuinz kuex tvguimz vshuiux nuiyc ghaqphux vshaung kuimphox wvyvmc kuex mtvkoc tvjungx taq vtueq Vsawc Siyac muex rot vshuiux?

1 Corinthians 5:5

Khac phox shuex Taungjix Raungnuiyq nuex kvruex waz siyac palc daungc wvnc rvhumc tvkoc piq shauk vgvnz tvbac gay juing ningkhvnc nuex nuimshiq rueq piq kuex Satan yauk nuex lekuq gay shuinx.

1 Corinthians 7:5

Nuimshiq rueq vjux thoz tvkoc kungkhux nuex vkhing vlox lvmc muex raz tsaz tuinx maq lvy vtueq, miqmac vtaungx waz vtaungx nyuiuz htungx httax yaq kuex nauk tvkhvlc kaz; vjux thoz lot ruiux yuq vdvmz nuex httax yek kuinz. Kvkhoc ngoz ruiux jix nuimshiq rueq nanx lot ruiux Satan rueq mvyx tvy yaq kuex rvhumc muit rvtuinx.

2 Corinthians 11:14

Tsuingshiq rueq kvkhoc shuimx yaq kuex vwangc juing rvmuq! Satan doc muinz raungwuic kamx waz ikhoc kvguirc guenc lot yaq.

2 Corinthians 12:7

Ngaz rueq khiz tauk vwangc juing siyac maq tvkhic yaq htenc kvruex ningkhvnc nuex ngvy thuinz yungc ngamc ngax juing vguez mruez kueq, ngvy shauk gvnz nuex vthuiuz vsac phvnx shiz rvhumc vtaungx; kvruex vthuiuz vsac kuex Satan rueq vtvkaz kamx waz ikhoc ngaz muex murx tvgurc ruiux ngaz ngamc ngax vtaungx kuex tv-ngawk kuq gay phuex.

2 Corinthians 2:11

Kvkhoc ngoz ruiux jix Satan rueq naungshiq htauk nuex taungx lot muq tvkoc tuingshaung lot shix; yvmx khoc lac ngoz ruiux lec piq rueq kvmungx yaq kuex naungshiq rueq tuiuz vshix ningkhvnc nuex rvtueq.

TRI CHONGKE 10:20

Yehowa nuimshiq Tishox muex hiyaz tvtsanc nganc vtueq vpiq muex dvyx nawk palx kuy rax. Vpiq muex tvmtuing httax ruiux vpiq muingc kuex ruingc vtueq dvyx bomkhvmc tvy rax.

James 4:7

Kvkhoc rvtueq Tishox thuinroc lvmx kuex phvnx wuez shuinz; htaungc waz kuex tuingshaung gay shuinz; kvkhoc ngoz ruiux yuq jix piq kuex nuimshiq kox kvwawc yuz wvnc tuex.

JOSHUA 24:14

Yoshua rueq, “Majuiuc nuimshiq rueq Yehowa muex tvtsanc nganc vtueq, kenrix rix maq nuiyc tvmtuing maq vpiq kuex nawk palx wuez shuinz. Mesopotamia nuiyc Ejip mungx maq nuimshiq jix vwaz tamx rueq nawk palx wvnc tueq tishox htenc kuex tuip gay ruiux, Yehowa muex dvyx nawk palx wuez shuinz.

1 Peter 5:9

Nuimshiq kuex nuimshiq rueq lvp wvnc tuit kvmluimx kuex tvtsuir tv-phaungx vtueq ralx waz kuex khvt tuingshaung gay shuinz, yvmx khoc lac ngoz ruiux lec mungkawx lotlaz nuex nuimshiq kvkhoc kvmluimx jix miqsaz htenc kvrulc rv-ngvlc yaq vkuilc vdaz rvhumc wuez yaq kuex nuimshiq rueq tuiuz vshuinx.

1 SAMUEL 7:3

Samuel rueq Israel miqsaz muex jungx tueq kuex, “Nuimshiq thuinz vmungx lotlaz maq Yehowa kox nuex yek waung ruiux yuq, pungnuk tishox lotlaz nuiyc Astarte nyuiuz yac yuimx htenc kuex tuip gay wuez shuinx. Nuimshiq miqmac shauk pumz kuex Yehowa muex tvshuk lekuq ruiux vpiq muex dvyx nawk palx kuq ruiux yuq, Philistin miqsaz yauk wawc vpiq rueq nuimshiq kuex palc wvnc kv-phuinx,” ngoz tueq jungx tueq.