Luke 6:8 - Hawa Naga Bible 2001

⁸ Yuq muinz Yesu rueq tsuingshiq thuinz nuex tvmaung yaq lvmx kuex tuiuz vtueq, vyauk vmaungx waz kvmac, “Kvtenc kaz vtueq vyuq jvp kuiuz,” ngoz kuq tueq. Kvruex waz kuex kvtenc kaz vtueq jvp kaz tueq.

ASII LAKDAP Bible (BSI)

⁸ Shatmaq, Jesuq riika tsangshiq tsan mong na jamlai wa tiima tlaq kriika, akhon wishe. Kriikha maq, apaiq raq atsi we ka, “Tiidolaq, laüta ana nokwe khaki na chapwa kiq,” nguta heato. Krai mren, atsi we ka tiidopot raüta, kiijaq chap wato.

Muklom

⁸ Etharin Jesu aa ning tin mong raaq tha usam eq ta etho piq aa miqwa thima batta, “Nang tunshat eq ináng thaji jakho o lang kaphu.” Ethiwa tha tunshat eq eshina lang kata.

Luke 6:8 Referencias Cruzadas

1 KAÜWA WERAÜ 28:9

Piq rueq Solomon muex ngoc, “Isaz lex, mnoz rueq m-waz Tishox muex kvjungc vtueq, vthvlc vhttauk thuinz vguez maq, raungc raq thuinz vmungx maq vpiq muex nawk palx tvkoc ngaz rueq mnoz muex nvr vphaungx. Naungshiq rueq kvmungx vshix lvmz nuiyc raungc raq vshix lvmz lotlaz kuex vpiq rueq tuiuz yaq. Mnoz kuex vpiq kox nuex kvnvp ruiux yuq, vpiq rueq mnoz kuex lvp wvnc shuex; yuq muinz mnoz rueq vpiq muex yix tvnungx shung kuq ruiux yuq, vpiq rueq mnoz kuex pattup tuip gay kv-phux.

1 KAÜWA WERAÜ 29:17

Mnoz rueq miq ruip rawx thuinz vmungx kuex taruiyx lawc vtueq tsuingrux yaq thuinz httaz jix miq htenc kuex raungc raq vshuiux lvmz ngaz rueq tuiuz yaq. Vtsuing vrux maq nuiyc vruex hup vsvmx lotlaz kuex raungc raq thuinz maq mnoz muex ngaz rueq kuq vphaungx. Vruex yuq rvtuimx jex yaq mmiqsaz htenc rueq muinz mnoz muex shomc kuy lvmz nuex mtanc lac kokez wuez yaq nguinx kuex ngaz rueq khiz vshaungx.

YOBA 42:2

Yehowa lex, mnoz kuex luimc vkawc lotlaz mvrc yaq waz rvtoq; Mnoz rueq roc shuiux phvnx ruip saz kuex mnoz rueq shuimx lot vshuiux ngaz rueq tuiuz yaq.

Tvtsvmc 44:21

nuiyshiq mungx nuex httuiyq vshix kvmungx lvmx htenc kuex tuiuz vshuiux ningkhvnc nuex, mnoz rueq kvruex lvmx kuex vsuing khiz tuiuz vshuiux rvtueq.

ISAIA 42:4

Vpiq rueq thuinz tvbac juing, rvmuq ngoz ruiux khvmc thuinz kuex tvyomx gay shuex rvmuq; vpiq rueq ghaq htauk nuex tvrac vlvmz kuex tv-phaungx taq shuex. Lvmx luz mungx jix htenc kuex vpiq rueq tvluing yaq kuex raungc raq thuinz maq bvmc wuez yaq.”

Matthew 9:4

Tsuingshiq rueq tvmaung yaq lvmx kuex vpiq rueq tuiuz vtueq, “Nuimshiq rueq yvmx ngoz tueq lac vbac honc vbac tvmaung vshuinx?

Mark 3:3

Yesu rueq kvruex waz muex ngoc, “Nuk miqsaz khaungkac nuex kvkhic jvp kaz loq,” ngoz kuq tueq.

Luke 13:12

Yesu rueq yalxjuik nyuiuz kuex khiz vtueq vpiq kox nuex gvl ruiux, “Yalxjuik nyuiuz lex, mnoz thuiuz sac vtuiux wawc luenx wvnc toq shex!” ngoz kuq tueq.

Luke 5:22

Tsuingshiq rueq kvkhoc tvmaung yaq lvmx kuex Yesu rueq tuiuz ningkhvnc nuex, “Nuimshiq rueq yvmx ngoz tueq lac kvkhoc tvmaung vshuinx?

Luke 6:9

Kvkaq Yesu rueq tsuingshiq muex, “Ngaz rueq nuimshiq muex wiz ix, naungshiq Tvrac nuex Vguilc Raungnuiyq yvmx shuimc mvy yaq ngoz tueq lac jungx shec tvnx? Vhvlx shuimc shuex mvy yaq nguinx, vbac shuimc lac mvy yaq nguinx? Miqsaz thuiuzthuic palc kuy juing shuex, rvmuq ngoz ruiux tvbac gay juing lac?” ngoz tueq wiz tueq.

John 2:25

Vpiq rueq tsuingshiq thuinz vmungx nuex tvmaung yaq kuex tuiuz yaq ningkhvnc nuex, vpiq muex miqsaz lvmz kuex uraq muinz jungc kuy rac muq.

John 21:17

Kvmaq lauk thuimx ngoc yaungc Yesu rueq, “Yohan saz Simon lex, mnoz rueq ngaz lungwawx vphux doc haz?” ngoz tueq wiz tueq. Peter kuex vthuinz bac vtueq, “Taungjix lex, mnoz rueq phvnx ruip saz tuiuz yaq, ngaz rueq mnoz lungwawx yaq lvmz kuex mnoz rueq tuiuz yaq!” ngoz tueq tvralc tueq. Yesu rueq, “Ngvy khelbuenx htenc kuex remx shuiuz.

John 9:4

Ngvy tvkay jix waz vpiq yauk shuimc kuex raungnuiyq baunglaung naungshiq rueq shuimc juing, uraq muinz shuimx lvp muq raungnyauk vkhing httuiuc wvnc tuex.

Acts 20:24

Yuq muinz ngvy tvkoc ruiyrawz kuq shec phuex yauk shuimc nuiyc Taungjix Yesu rueq vkuq yauk shuimc kuex tvlot laz shuimc tvkoc dvyx ngvy htauk nuex httax yaq ningkhvnc nuex ngvy thuiuzthuic momaq kay muex ikhunc nyerc sac muq. Taungjix rueq vkuq yauk shuimc kuex Tishox kejux lvmx Thuix Thaungx Vhvlx tvtay kuy tvkoc dvyx rvtueq.

Acts 26:26

Hokhvmx Agripa lex, vruex lvmz htenc kuex mnoz rueq muinz tuiuz yaq ningkhvnc nuex ngaz rueq mnoz muex duimx puiuc mauk maq jungx kuq vphaungx. Vruex kuex shuk vnoz maq vshuimx wvnc rvmuq ningkhvnc nuex, kvruex lvmz htenc kuex mnoz rueq vsuing tuiuz vshuiux ngoz tueq kvmx vtaungx.

Philippians 1:28

Nuimshiq kuex ralx muex nauk hiz kaz; mkaq muinz khvmc thuinz httax wuez kuinz, kvkhoc ngoz ruiux yuq ralx kuex sumx wvnc vtueq, nuimshiq rueq taungx wvnc shuinx lvmx ralx muex hakhix tvkhic shuinx, yvmx khoc lac ngoz ruiux lec nuimshiq muex tvtaungx kuy jix waz kuex Tishox rvtueq.

Hebrews 4:13

Tishox rueq khiz tuiuz muq laz juing httuiyq puic lot yaq phvnx yvmx muinz vguez, lotlaz kuex vpiq khaungkac nuex kvkhic yaq jvnc khuec nuex naungshiq rueq shuimx wvnc tiq htenc kuex vpiq rueq wisoz rvhumc wuez tix.

1 Peter 4:1

Christu kuex gvnngvmx nuex kuilc daz rvhumc tueq khuec nuex nuimshiq muinz vpiq rvhumc wvnc thuinz tvmaung ikhoc maq miqmac shauk pumz tvhungc wuez shuinz; yvmx khoc lac ngoz ruiux lec gvnngvmx kuilc daz rvhumc yoalx jix waz kuex mvrax wawc rv-phvlc wvnc yoalx shex rvtueq.

Revelation 2:23

Piq yix phvnx jix htenc kuex ngaz rueq thvt gay shaungx, kvkaq jix ngaz kuex miqsaz thuinz vmungx nuex tvmaung yaq lvmx tuiuz jix waz rvtauk kuex phungc htenc rueq tuiuz wvnc wuez shuex. Nuimshiq wawc vshiz maq vshiz muex miqmac rueq shuimx wvnc tuit rulc rv-ngvlc tvyez kuq phaungx.