Luke 6:7 - Hawa Naga Bible 2001

⁷ Tvrac tvluingc waz hez nuiyc Pharise nuk rueq Yesu muex mvrax tvgurc tvkoc lvmx thuiyx tueq, Vguilc Raungnuiyq vthuiuz vsac jix tvhvlc kuq shuex shuex tvhvlc kuq muq lac ngoz tueq bvmc lawc tueq.

ASII LAKDAP Bible (BSI)

⁷ Kiijaq, Thungtri shrinketi maiq wiijamti kiimaq Phorisinok phong wa wiijamti min asi riito. Tsangshiq raq, Jesuq ka tiishut haijaq nguta, lampu rit khekham maq kheto. Kriikha maq, tsangshiq ka Jesuq raq Asii Niitiitsak ranaiq na atsi asiti ka mitiihea kuq sha tiihea kuq mak wa riijiiq nguta khekham maq liito.

Muklom

⁷ Thong tataltey tang etho Phorisi tang aa Jesu aa jashit somlot tha ban chey ta, req ning aa Sabbath saal o piq aa taqhal na bo ta ban siin ta.

Luke 6:7 Referencias Cruzadas

Tvtsvmc 38:12

Ngvy thvy roc jix rueq ngvy tvkoc bix tsvnc taq tueq, ngvy tvthuiuz sac roc jix htenc rueq muinz ngaz kuex tvbac tac gay tvkoc tvhiz sungx yaq; tsuingshiq rueq ngaz kuex thauk muq vbac lvmx tvnkhvnz yaq.

ISAIA 29:21

Vganc jix htenc tvnkhvnz kvjaz kvjak jix, miq thvy gay yauk shuimc murx kuex tvguing jix nuiyc kenrix jix miqsaz htenc kuex tvrac vlvmz wawc het tvdvy gay ruiux, vrot vkaq kvjaz kvjak jix kuex Tishox rueq tvbac gay shuex.

JEREMIA 20:10

Ngaz rueq miq htenc shuip shuyx yaq kuex tay tauk, “Baung ruip saz nuex Kvhiz juing! Kvkhoc rvtueq piq kuex vrangx vpangx vhttax jix muex tvtay ix!” ngoz tueq. Ngvy kungjix shauk rueq doc muinz ngvy rulc wvnc kuex bvmc yaq. Tsuingshiq rueq, “Piq kuex naungshiq rueq laulawc lot shix shvmx; kvkaq naungshiq rueq piq kuex lvp ruiux murx tvyez lot shix,” ngoz tueq.

Matthew 5:39

Yuq muinz majuiuc ngaz rueq nuimshiq muex jungx kuq ix; nuimshiq muex yaq kuy jix waz muex yauk nauk tvyez kaz, mhtvlx phawc vkeq kox nuex thvt ruiux yuq, vphvrx kox kvrac noalc kuq shuiuz.

Mark 3:2

Kvruex yuq Yesu ngoc vyaq yauk shuimc jix ngoz tueq mvrax tvgurc roc jix miq wvyvmc httax yaq, Vguilc Raungnuiyq kvruex waz kvmac tvhvlc kuq shuex shuex tvhvlc kuq muq lac ngoz tueq lawc wuez tueq.

Luke 13:14

Kvkhoc Yesu rueq Vguilc Raungnuiyq tvhvlc kuy ningkhvnc nuex vjux thoz yuimx lawc jix waz kuex khaq vtueq, miq htenc muex ngoc, “Naungshiq rueq yauk shuimc mvy yaq raungx tvruk httax yaq; kvruex raungnuiyq htenc nuex kaz vtueq tvhvlc wuez shuinz, Vguilc Raungnuiyq kuex nauk kaz vkueq!” ngoz tueq jungx tueq.

Luke 20:20

Kvkhoc rvtueq tsuingshiq rueq mvnuc yaq kuex thuiyx wuez tueq. Tsuingshiq rueq Yesu vpiq kvjaz maq mvrax thuiyx vtueq, vpiq kuex luimc vkawc vrangx vpangx vhttax Roma Mungx walaungx bix yauk nuex lekuy gay tvkoc tsuingrux muex kvlauc lawc jix htoksaz miq htenc muex khauloayc yauk noalc kuq vtueq vpiq kox nuex tvkaz tueq.

John 9:16

Pharise nuk wvyvmc rueq, “Kvruex waz kuex Vguilc Raungnuiyq tvrac phvnx muq ningkhvnc nuex Tishox kox wawc vkaz rvmuq shvmx,” ngoz tueq. Wvyvmc rueq, “Mvrax vhttax miqsaz rueq vwangc juing romzyac kuex yvmx khoc lac tvkhic lot shvnx?” ngoz tueq. Kvkhoc tsuingshiq kuex vdvmz dvmz thuinz raz muq yaungx wvnc tueq.