Luke 6:8 - Muklom

⁸ Etharin Jesu aa ning tin mong raaq tha usam eq ta etho piq aa miqwa thima batta, “Nang tunshat eq ináng thaji jakho o lang kaphu.” Ethiwa tha tunshat eq eshina lang kata.

ASII LAKDAP Bible (BSI)

⁸ Shatmaq, Jesuq riika tsangshiq tsan mong na jamlai wa tiima tlaq kriika, akhon wishe. Kriikha maq, apaiq raq atsi we ka, “Tiidolaq, laüta ana nokwe khaki na chapwa kiq,” nguta heato. Krai mren, atsi we ka tiidopot raüta, kiijaq chap wato.

Hawa Naga Bible 2001

⁸ Yuq muinz Yesu rueq tsuingshiq thuinz nuex tvmaung yaq lvmx kuex tuiuz vtueq, vyauk vmaungx waz kvmac, “Kvtenc kaz vtueq vyuq jvp kuiuz,” ngoz kuq tueq. Kvruex waz kuex kvtenc kaz vtueq jvp kaz tueq.

Luke 6:8 Referencias Cruzadas

Matthew 9:4

Ning aa chamta tathin aa tha Jesu aa usam eq ta etho piq aa batta, “Nim aa chamma jashit tinthin tathin inn?

Mark 3:3

Jesu aa ethi wa thima batta, “Jakho konáng kaphu.”

Luke 13:12

Jesu aa piq tha khi atho hal eq batta, “Miqnu, ba taksa wang nang uqhal sey ang tu!”

Luke 5:22

Jesu aa ning tin raaq tha sam eq ning thima batta, “Nim aa irimal chamlang ma tathin inn?

Luke 6:9

Jesu aa ning thima pitta, “Nga nim ma pit phang: Hiqtang thong na Sabbath saal o chamlang somlo ching ta bat aa? Jaqhal som ching tia jashit som ching aa? Miqwa rollung sha thalun eq ching tia tashit eq ching aa?”

John 2:25

Miqtang miikkhi piq ma ràa moq angta, chammatakoi piq aa miqtang tinmong na chamlang atha usam eq aa.

John 21:17

Jesu aa juktom piq ma wey batta, “John miqwasa Simon, nang ngama tinmat ang phu i?” Juktom sey pit atho Peter tin rapney shitta, etho piq aa batta, “Teyhungwa, nang aa thaji usam eq u, nga nang ma tinmat ang phang ta tho usam u.” Jesu aa piq ma batta, “I kelwut tang ma taphak sat u.

John 9:4

Chamtan rangney aa eshitan itakattey jaksom sha hiqtang aa somlo ching. Rangpal uthuk sey angma ta, eshina utang eq tho jaksom jin som moq angna.

Acts 20:24

Etharin nga irollung ma ahan tathin mong. I tatut jol uthun angma etho Teyhungwa Jesu aa kot ta jaksom sha tahom ma hun nga tathin ang. Eshi jaksom sha Shkewa ráng manchan tungtang qhal phanchan jaksom.

Acts 26:26

Agrippa Lungwang, nga cho hung aa barel o raaq jin bat eq phang, chammatakoi nang aa iri thaji raaq raa usam eq u. Iritang raa tapu eq anak na ang moq ta.

Philippians 1:28

Ralwa tang ma nim amaan tho nak cho inn. Irimal ang ajo, ning uthun angna etho nim aa ulun kap nin ta ning aa usam eq na. Shkewa hun irimal somlo aa.

Hebrews 4:13

Phanghun wang cham tangwang tho Shkewa wang jin tapu moq, piq miik relna thaji alak nia takhi ang aa etho hiqtang aa piq ma wetwel kot ching.

1 Peter 4:1

Ethirangma Khristo aa hanngam o tsamnang angta jo nim aa tho piq tinthin mal shing inn, chammatakoi utang eq hanngam na tsamnang ang jo piq ngarey na ang moq sey.

Revelation 2:23

Nga usa tang sha tatik chak náng; eshi jio nga hun tin siintey nia khoti siintey ta thaji mondoli tang aa usam sey na. Nga nim thaji ma ujaksom mal uthang kotnáng.