Luke 6:8 - ASII LAKDAP Bible (BSI)

⁸ Shatmaq, Jesuq riika tsangshiq tsan mong na jamlai wa tiima tlaq kriika, akhon wishe. Kriikha maq, apaiq raq atsi we ka, “Tiidolaq, laüta ana nokwe khaki na chapwa kiq,” nguta heato. Krai mren, atsi we ka tiidopot raüta, kiijaq chap wato.

Hawa Naga Bible 2001

⁸ Yuq muinz Yesu rueq tsuingshiq thuinz nuex tvmaung yaq lvmx kuex tuiuz vtueq, vyauk vmaungx waz kvmac, “Kvtenc kaz vtueq vyuq jvp kuiuz,” ngoz kuq tueq. Kvruex waz kuex kvtenc kaz vtueq jvp kaz tueq.

Muklom

⁸ Etharin Jesu aa ning tin mong raaq tha usam eq ta etho piq aa miqwa thima batta, “Nang tunshat eq ináng thaji jakho o lang kaphu.” Ethiwa tha tunshat eq eshina lang kata.

Luke 6:8 Referencias Cruzadas

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

1 KAÜWA WERAÜ 29:17

Ngi raq asapha ümniiriika maiqse angu kunli tsantsii ka maitai tlaü, kiimaq jurwa tsantsii khangriri hea riimtlaq kriiti rai ka chochi khiq sitlaü. Tsantsii khangriri hea maq kiimaq tingting tsantsii maq, ngi raq arthun ara khoqriiq shishiiq maq ümniima kiinong kuq tiikang. Kiimaq ngi raq chhi wan kang she, ümsenginok ümchaü arjaq thungtii wantaqti raq khoqriiq shishiiq maq ümniima honglu thun ka kuq wanto.

YOBA 42:2

Tatiwe, ngi raq asapha ümniika wiita thaq na ningkun jonghea rümti; ümniiraq jamlai wa thapthi tlaü kra wiita miklo lot haü siisaq.

Tvtsvmc 44:21

ümniiriika michhi haü dongdii, jamkhano ngukla ümniiraq naishiq tsantsii apaü arthü ka asaphaü.

ISAIA 42:4

Apaiq raq rantsantsii tran mak miraq riimakla tsaiji tran mak miraq; apaiq raq mangjong hiq na kha tingting mipho. Maiq mung ratsükotibi raq apaiq raq shrinke wan kra tairo thengetlo.”

Matthew 9:4

Kiijiishe Jesuq raq tsangshiq tsan na jamlai wa tiima tlaq kra thohe raütiishe, “Namshiq tsan mong na akha abi ashut ka jaram wa tiima tlan?

Mark 3:3

Kiijiishe Jesuq raq atsiti we ka, “Ana tarü khaki na wara,” nguta heato.

Luke 13:12

Jesuq raq apaiq ka chhi raüta, “Maiqnyung loi, ümthatsi kharü ka adiikewi she!” nguta apaiq ma chongto.

Luke 5:22

Kra tai raütiishe, Jesuq raq tsangshiq tsan mong na jamlai wa tiimatlaq, kra kunli asap. Kriikha miishe, apaiq raq tsangshiq ma, “Riita, namtsan mong na akhiika jaram wa tiima tlan?

Luke 6:9

Kiijiishe Jesuq raq tsangshiq ma chongto, “Ngi raq namshiq ma bom poshi waipha: Riita, nashiq Thungtri na Asii Niitiitsak ranaiq na jamlai jaqsham chang ngutiiwa chongtla? Akhrumke chang ngutiisha chong tla, sha ashthen baiq chang ngutiiwa chong tla? Maiqse miisaq ka atan riichang ngutiisha chong tla, sha maiqse miisaq ka atiichhun riichang ngutiiwa chong tla?”

John 2:25

Maiqse tsan mong na, jamlai phan wa rüm tlaq, kriika apaiq ma maiq raq chongke rea ngo min raa mak. Apaiq raq tsangshiq tarü tsantsii na, jamlai wa sitlaq kriika sapshat.

John 21:17

Kiimahali, tiithong tsam she, Jesuq raq Petar ma hali bom ka wai nongto, “Johan se Simon, riita, ümniiraq ngi ka ngohea shaqshaq dea sha lungwii tlaü?” Kiijiishe, Petar ka atsan biwa liishe riito. Ara jamkhano atsan bita ngukla, Jesuq raq apaiq ma bom ka, tiithong tsam she, “Ümniiraq ngi ka lungwii tlaü dea sha?” nguta waito. Kriikha maq, apaiq raq hali tre nongto, “Tatiwe, ümniiriiri phanrap asap haü. Ngi raq ümniika lungwii tiikang ngutiimin, ümniiraq asap haü!” Kiijiishe, Jesuq raq apaiq ma chongto, “Ikhla, i skuse kong ka samhea rüm laq.

John 9:4

Rawü asi wiiwii, nashiq raq ngi tiikaiti we jaqsham arka sham wan ruq riichang. Ranyaq akhing she saü wan raüla, jurmin jaqsham wan lot mak she miraq.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 26:26

Ajong Hokham we Agripa lei! Ngi raq ümman na bom chong ka kholam kholiiq lata, i tsan mong na jamlai phan kankop wan min ahü maq, bom tiikang. Ara jamkhano akha bom wan tiikang ngukla, ara chongtiikang mra pin wantaq thun arka, ümniiriimin kunli asap haü siisaq. Ara chong tiikang thun mra pin taq kriika shokshaüno wa bom ka riimak.

Philippians 1:28

Namshiq jaqtibi miika naqhai rongkiq. Jang wrap she srea nola ma ja lanta si ronglaq. Riita, arka tsangshiq ma hakhi ashi miraq. Tsangshiq riika tangmak miraq, namshiq riidea mitang han nguta misap. Jamkhano ngukla, namshiq rekhat ka Shiikeawe raq mitiitang kuq.

Hebrews 4:13

Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.

1 Peter 4:1

Riita Khristo jamkho han-ngam na nashiq miitu chamchao raüta tsaitaq, krai mren sii hali, namshiq min Jesuq Khristo apaiq raq atsai khekham maq tiije raüta sitaq kiikhiisii hali, namshiq tiima tsantsii na micham chao wan rong i ngushat nguta, khekham maq sirong laq. Ara jamkhano chongtiikai ngukla, juwa adü na maiq raq tiichamchao tlaqti ka ngarai jaqkhon mong niika simak she.

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.