JOSHUA 7:11 - Hawa Naga Bible 2001

¹¹ Israel miqsaz rueq mvrax yaq gay tueq! Tsuingshiq rueq phvnc tvkoc ngaz rueq nvr tauk ngaz rulc vkhvmc taq kvjaz kuex tsuinghez rueq tvbac gay tueq. Vtvbac gay juing hup vsvmx wvyvmc kuex tsuinghez rueq lvmz laq tueq. Tsuingshiq rueq hup vsvmx muinz guiuq, vrot muinz rot kaq, miqmac hup vsvmx htenc rulc vdvmz nuex taq wuez yaq.

ASII LAKDAP Bible (BSI)

¹¹ Israilnok raq ngarai tangto! Ngi raq tsangshiq ma tongshong jaqkhaq raü atiipa kuqha kra samhea thü ronglaq nguta aming akuqha kra panbaiqto. Tsangshiq raq atiithen baiqchang hupsam wiijam ka lamhoto. Tsangshiq raq hukhoto. Raüta kra miitu arot riito. Raüta tsangshiq hupsam rai she thühoto.

JOSHUA 7:11 Referencias Cruzadas

2 HOKHVMX 18:12

Israel miqsaz htenc rueq Yehowa tsuingshiq Tishox kvjaz tay muq kvdvyx muinz rvmuq, tsuingshiq rulc vtaq bomkhvrc kvmuinz tvbac gay ruiux, Yehowa nvrc waz Moshe maq raz tueq vkuq shec tvrac lotlaz kuex tvbac gay ruiux phvnx muq ningkhvnc nuex Samaria ghaq kuex dvy wvnc tueq. Tsuingshiq rueq tay muq nuiyc tsuingshiq rueq phvnx muq.

2 HOKHVMX 5:24

Tsuinghez kuex Elisha httax yaq kanx nuex httuiuc waung vtueq, Gehazi rueq htungc vnueyc kuex lvmz vtueq yuimx mungx nuex pix wvnc tueq. Kvruex yimaq Naman nvrc wanueyc kuex tvyek gay tueq.

ISAIA 24:5

Miq htenc rueq Tishox tvrac htenc kuex tvbac gay tueq ikhoc maq muinz, pattup phaungx ngaungx tvkoc vpiq rueq vkuq bomkhvrc htenc kuex yaq gay tueq ikhoc maq muinz, ghaq kuex tvshuy shac gay tueq.

JEREMIA 31:32

Kvruex bomkhvrc kuex ngaz rueq tsuingshiq kuex Ejip mungx wawc yauk maq het vtueq shvlx wvnc tauk nuex, tsuingshiq jix vwaz tamx rulc vtaq ikhoc rvmuq. Ngaz kuex tsuingshiq tvkoc vtaungx waz ikhoc yaungx vtaungx rvhvt maq tsuingshiq rueq bomkhvrc kuex phvnx muq.

Hosea 6:7

“Yuq muinz tsuingshiq kuex ngaz rulc vtaq bomkhvrc kuex Adam rueq ikhoc tvbac gay ruiux, ngvy htauk nuex tvmtuing httax wuez muq.

LEWI 5:15

Ukhaq yuq muinz Yehowa tvkoc tvlvy kuy juing vsawc hup vsvmx htenc kuex tvmaung raung muq maq kvtungc wungc vtueq mvrax yaq gay ruiux yuq, Yehowa tvkoc shomc kuy juing vmac vtsac vguez khelbuenx pung, rvmuq ngoz ruiux khelkhix pung kuex lvmc lvy juing rvtueq. Kvruex htawz vrawz kuex tvrac rvkhauk laz shuimx yaq tawk rulc rv-ngvlc htvp htaz kuy juing rvtueq.

HABAKUK 2:6

Ralx sumx jix rueq ralx taungx jix muex nanxroc nanxsac maq tsuingshiq kuex ngoz ngax shummarc shuex. Tsuingshiq rueq, “Mnoz guimz muq kuex mnoz rueq lvmz toq, yuq muinz mnoz kuex vphoc rvhumc vtuiux! Nuimshiq rueq khac thoz tvhiz sungx ikhoc maq mtanc nuex httuiuc laz luiz waungx tix ngoz tueq lac tvmaung vshuinx?” ngoz tueq ngoz wuez yaq.

JEKERIA 5:4

Tvphaungc Tvsuip Yehowa rueq vruex kvtuemc kvtaungc bomc kuex tvkaz shuex lvmz jungx tueq, kvruex kuex vguiuq jix miq ruip rawx yuimx kvyuq tuemc vtueq, vrot vkaq bomjungc jix miq ruip rawx yuimx kvyuq nyuip tuex. Kvruex kuex tsuingshiq yuimx kvyuq kvjungx kaz vtueq tsuingshiq kuex tvbac gay shuex,” ngoz tueq jungx tueq.

Matthew 22:21

Tsuingshiq rueq, “Kesar yac nuiyc tvtsuingc luik wuiyq taq tueq,” ngoz tueq tvralc tueq. Kvkaq vpiq rueq, “Ngoz ruiux kuex Kesar muex seng yaq kuex Kesar muex kuq shuinz, Tishox muex seng yaq kuex Tishox muex kuq shuinz,” ngoz tueq tsuinghez muex ngoz tueq.

Acts 5:9

Kvkaq Peter rueq, “Nuimnueyc kuex Taungjix Siyac taruiyx muex yvmx ngoz tueq lac raz vtuinx? Lawc shuiuz, mtaungx waz luip kay jix hez kuex vruex kaluix daungx vyuq httuiuc wvnc yaq; mnoz muinz vpic tvy gay kay juing rvtueq!” ngoz tueq.

TRI CHONGKE 17:2

“Nuimshiq httax tuinx miqghaq vshiz shiz nuex miqwaz rulx wvyvmc, rvmuq ngoz ruiux yalxjuik rulx wvyvmc rueq Yehowa bomkhvrc kuex tvbac gay muex ngoz tueq,

Hebrews 4:13

Tishox rueq khiz tuiuz muq laz juing httuiyq puic lot yaq phvnx yvmx muinz vguez, lotlaz kuex vpiq khaungkac nuex kvkhic yaq jvnc khuec nuex naungshiq rueq shuimx wvnc tiq htenc kuex vpiq rueq wisoz rvhumc wuez tix.

JOSHUA 23:16

Yehowa nuimshiq Tishox rueq, nuimshiq rueq phvnc tvkoc nvr tueq bomkhvrc kuex nuimshiq rueq phvnx muit maq vganc tishox htenc kuex nawk palx ruiux yuq, vpiq khaq vtueq nuimshiq muex murx tvgurc kv-phuinx; vpiq rueq nuimshiq muex kuq kv-phuinx vruex vhvlx mungtan vwawc mtanc httax muq nuex nuimshiq vshiz muinz kvjungx tuinx rvmuq shex,” ngoz tueq jungx tueq.

JOSHUA 7:1

Yehowa rueq Israel miqsaz muex Yerikho ghaq wawc taungx vwawx phvnx ruip saz kuex lvmz muq maq tvbac gay tvkoc nvr tueq rvhvt maq phvnx muq. Vmuingc Akhan ngoz yaq waz rueq kvruex kvjaz kuex phvnx muq ningkhvnc nuex Yehowa kuex Israel miqsaz muex pinhtumc khaq tueq. (Akhan kuex Yuda phvnx wawc taungkhoz taunghtaq rvtueq Zera taungx nuex seng yaq Zabdi suiuz, Karmi saz rvtueq.)

JOSHUA 7:10

Yehowa rueq Yoshua muex ngoc, “Kvtenc kuiuz! Yvmx ngoz tueq lac ghaq nuex kvkhoc bumx kaz tuiux?

PHOWEBI 2:20

Kvkaq Yehowa kuex Israel miqsaz muex vthuinz khaq vtueq, “Vruex miqphvnx kuex tsuingshiq jix vwaz tamx rueq phvnc tvhungx tvkoc ngaz rueq nvr tauk bomkhvrc kvruex tvbac gay wuez tueq.

1 SAMUEL 14:38

Kvruex yimaq Sholu rueq miq htenc kvmac vyungx vlaungx bix muex ngoc, “Vnuex kaz wuez luit, yvmx khoc phvnx mvrax lac yaq gay tiq nguinx kuex majuiuc raungnuiyq wisoz wuez shuinz.