JOSHUA 7:11 - ASII LAKDAP Bible (BSI)

¹¹ Israilnok raq ngarai tangto! Ngi raq tsangshiq ma tongshong jaqkhaq raü atiipa kuqha kra samhea thü ronglaq nguta aming akuqha kra panbaiqto. Tsangshiq raq atiithen baiqchang hupsam wiijam ka lamhoto. Tsangshiq raq hukhoto. Raüta kra miitu arot riito. Raüta tsangshiq hupsam rai she thühoto.

Hawa Naga Bible 2001

¹¹ Israel miqsaz rueq mvrax yaq gay tueq! Tsuingshiq rueq phvnc tvkoc ngaz rueq nvr tauk ngaz rulc vkhvmc taq kvjaz kuex tsuinghez rueq tvbac gay tueq. Vtvbac gay juing hup vsvmx wvyvmc kuex tsuinghez rueq lvmz laq tueq. Tsuingshiq rueq hup vsvmx muinz guiuq, vrot muinz rot kaq, miqmac hup vsvmx htenc rulc vdvmz nuex taq wuez yaq.

JOSHUA 7:11 Referencias Cruzadas

2 HOKHVMX 18:12

Samaria thentaq kriika Israilnok raq Tatiwe, tsangshiq Shiikeawe bom taimak tlea kha na thento. Kiimaq tsangshiq raq Tatiwe raq tsangshiq rai tongshong raüpot kha wantaq thun kra jin wanto. Kiimaq Tatiwe jaqshise Mosheq raq akuqthü thungtri raütu thun kra wiita tlea wan kha na thento. Tsangshiq raq tri bom chong ka taimak riito. Kiimaq tsangshiq raq aming thun ka lang mak riito.

2 HOKHVMX 5:24

Tsangshiq ka Elisha sitlaq hiq lam kiiniishe saüho raüta, Gehaji raq kra thongkhiiq wiinai kra apaiq jam niishe hothü wato. Raüta apaiq raq Naaman jaqshise nai ka tsangnai jijai niishe tiiwa baiqto.

ISAIA 24:5

Maiqse raq Shiikeawe tri jin raüta kiimaq apaiq raq pattup pat-sa miitu tongshong wantaq tri ka jin raüta hiqraikhü ka tiisheshibaiqto.

JEREMIA 31:32

Kriika Ngi raq tsangtitiim ka Ejip mung wa Ijaq maq hit lata sheawan kang akhing na tongshong chü shong wan kang kiikhiika riimak she miraq. Kra pat na Ngi ka tsangshiq ma awese ikha siwan kang. Shatmaq tsangshiq raq itongshong tri raütu ka lang wan mak riito.

Hosea 6:7

“Shatmaq isenginok raq tsangshiq ma akuq ha, Kannan mung wa Adam chela na saü raüta, tongshong jaqkhaq raü atiipakuqha, tsangshiq raq kra diibaiqto.

LEWI 5:15

Maiq ashi ra raq sapmak lam maq Tatiwe ma asii honglu ake chang wa kuqmak dea laq baiq raüla, apaiq raq kra kuq mak dea riitaq kra miitu Tatiwe ma tiitham-honglu kenong chang. Kriika sku pongwe ashi riimakla chhechhi akhum nyeajokjok ami atsi jam min ahü kra kechang. Kra thii ka mung raq langtlaq thii riikhaq li maq kechang.

HABAKUK 2:6

Munglu rewa wanshanok raq, tsangshiq tijongnok ka akha mislai wan, “Namshiq raq maiqjaq wa, anyea wan han tsiiq nai nyam tum, namshiq raq phaqsiq lap man mithen han! Namshiq thiitham ka maiq ma tiitham wan lanta, ümloq na saüli wa chiithe ma mija han?”

JEKERIA 5:4

Tati Ningkun Ajong Pinthumwe raq, arjaq waiq tlaq manson ka apaiq raq armung na siti ahuk jatibi jam na mitiisaüha nguta chongtlo. Kiimahali armung na jurwa rung na atiitum raüta, arot saqse kuq tliiti jamkun na mitiisaü ha nguta chongtlo. Arjaq chongtlaq rai mren, tsangshiq ashut aphittibi jamkun kriika wiita mitiithen baiq,” nguta chongtlo.

Matthew 22:21

Kiijiishe, “Hokham we mang,” nguta tsangshiq raq treto. Kiijiishe, “Riita ikhiijiika Hokham we rii ka Hokham we ma kuq rong liina. Kiimaq Shiikeawe rii ka Shiikeawe ma kuq rong liina,” nguta Jesuq raq tsangshiq bom ka treto.

Acts 5:9

Kra tairaütiishe, Petar raq, “Ümwese namnai raq kiqri lanta, Shiikeawe Asii Wenyi ka jamlai nguto tairai tlan? Liilaq, ümwese maa lapkaiti ka ümchaü maalap rü maq awa, kilam chong niili. Tsangshiq raq ümmaa kiimin ümchaü piho raüta milapki nong!” nguta apaiq bom ka treto.

TRI CHONGKE 17:2

“Kiimaq bom shiiton, namshiq raq nam mung na chela bashi ra na, maiqwe riilo riimakla jechak riilo, ashi ra raq, Tatiwe man na ngarai tangto, raüta apaiq tongshong raükha kra,

Hebrews 4:13

Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.

JOSHUA 23:16

Kiimaq namshiq raq, Tatiwe nam Shiikeawe raq, namshiq ma tongshong ramkhap kra lang ronglaq nguta aming kuqtaq kra, lang man riihan jiila, kiimaq lanta namshiq raq ahin phra thun kra shiililii lanta shomnoqho han la, apaiq tsan mikhiq, raüta namshiq ma mo mitiiho. Kiimaq jaqlo liipan niili, ara hiqpo hiqwin mung, apaiq raq namshiq ma kuqtaq arwa, namshiq ka weshi min tiichong man she mithum han.”

JOSHUA 7:1

Shamtaq Tatiwe raq Israilnok ma, Jeriko chela wa phanrap hupsam ka wiita ashthen baiq chang phanshi ra min jaqkaiq maq shamkai maimak nguta aming akuq ka langmak dea riito. Maiq weshi amang Achan ngutlaq kriiraq, kra aming ka lang mak jinto. Kra ningkhan Tatiwe ka Israilnok ma atsan khiqhea walü wa ikha riito. Achan ka Karmi se. Apaiq ma ati ka Jabdi. Kiimaq tsangta mang ka Jera ta. Kiimaq tsangshiq weraü ka Juda phan wa.

JOSHUA 7:10

Kiijiishe, Tatiwe raq Joshua ma chongto, “Tiido laq! Ümniika hiq na akha jaram bumsea wa?

PHOWEBI 2:20

Kiijiishe, Tatiwe ka Israilnok ma pinthum atsan khiqtlo kiimaq akha ngutlo, “Armungti raq, ngi raq tsangtitiim ma tongshong kiqkham ka thürong laq nguta aming akuqha kra, wiita she jin wanto. Jamkhano ngukla tsangshiq raq ibomchong ka taimak tleatlo.

1 SAMUEL 14:38

Kiijiishe Saul raq mungmaiqse liiti welabi ka akha heato, “Ana warong ra, ümchaü ranaiq jamlai ngarai wa tangta kra rit rong i.