JOSHUA 7:12 - Hawa Naga Bible 2001

¹² Vkhoc ningkhvnc nuex Israel miqsaz kuex ralx khvt lot muq. Majuiuc kuex tsuinghez pumz tvbac gay rvhumc ningkhvnc nuex ralx hez kox wawc rv-nyuik yuz wvnc wuez tueq! Nuimshiq muex lvmc mvy muq ngoz tueq ngaz rueq ngoz phaungx rvhvt maq tsuingshiq rueq lvmz wvnc tueq hup vsvmx kuex nuimshiq rueq tvbac gay muq wawwawx ngaz kuex mnoz rulc vdvmz nuex httax taungx rvmuq!

ASII LAKDAP Bible (BSI)

¹² Arningkhan tiina Israilnok ka rewe khaki na chap wan lot mak she riitaq. Tsangshiq raq rewe ka khatlot mak dea jangkito. Jamkhano ngukla tsangshiq maiqmii kiimin ashthen baiq chang phan manson thiikho na araü baiq wishe jakito! Ngi raq namshiq ma, jaqkaiq maq naqsham rongkiq nguta aming akuqha hupsam thun kra shiithen baiq man wiiwii, ngi ka namshiq rai sidam mang she!

JOSHUA 7:12 Referencias Cruzadas

Tvtsvmc 44:10

Mnoz rueq nuiyshiq kuex nuiyshiq ralx hez kox wawc tvyuz wvnc ruiux, tsuingshiq rueq nuiyshiq hup vsvmx htenc kuex lvp wvnc tueq.

Tvtsvmc 60:10

Mnoz rueq nuiyshiq kuex vsuing haz tvdux gay vphux? Nuiyshiq ralx daungx rulc roc nuex mnoz dung kaz naungx muq haz?

TAKSU LAK 28:1

Layx bac jix kuex tsuingshiq yurc jix vguez rvhvt maq yuz wuez yaq, yuq muinz vtsuing vrux jix miq kuex hangsic ikhoc khvmc yaq.

ISAIA 59:2

Vpiq rueq tay muq kuex nuimshiq mvrax htenc ningkhvnc nuex rvtueq. Nuimshiq rueq Tishox muex nawk palx tvkoc hunglaungx tuit nuex nuimshiq mvrax rueq nuimshiq kuex Tishox rulc tv-phvlc gay kv-phuinx.

JEREMIA 23:33

Yehowa rueq ngaz muex jungx phuex, “Yeremia lex, ngvy miqsaz htenc wawc vshiz shiz, shvmmax vshiz shiz, shomc waz vshiz shiz rueq mnoz muex, ‘Yehowa bomjungc kuex yvmx lac?’ ngoz tueq wiz ruiux yuq, mnoz rueq piq muex, ‘Mnoz rueq Yehowa muex gurc tvliq vshuiux ningkhvnc nuex vpiq rueq mnoz kuex tuip gay kv-phux,’ ngoz tueq jungx shuiuz.

JEREMIA 6:8

Yerusalem ghaq jix lex, nuimshiq rueq kvruex kuilc daz htenc kvmac tharc humc wuez shuinz, rvmuq ngoz ruiux ngaz rueq nuimshiq kuex tuip gay phaungx; nuimshiq ghaqyungx kuex miq vshiz muinz httax muq juing kumtsvy tvnx muex tvyaungc gay shaungx,” ngoz tueq jungx tueq.

Hosea 9:12

Yuq muinz tsuingshiq rueq nox htenc tvpeluz ruiux muinz, tsuingshiq kuex ngaz rueq lvmz laq vtueq, vshiz muinz tvraungx taq shec shaungx rvmuq. Kvruex miq htenc kuex ngaz rueq gay shec shaungx nuex, kvhiz juing phvnx tsuingshiq nuex yaungx wvnc tuex,” ngoz tueq jungx tueq.

HABAKUK 1:13

Yuq muinz mnoz rueq vruex kv-phelc kvruik raz tueq honc vbac miqsaz htenc muex yvmx khoc lac nanx kuq vshuiux? Mmuik htenc kuex pinhtumc sawc hvlc ningkhvnc nuex honc vbac htenc kuex lawc roc muq, miqsaz htenc rueq vyaq yauk shuimx yaq kvmuinz mnoz rueq nanx lot muq. Kvkhoc rvyruiux tsuingshiq rueq tsuingshiq htauk nuex jvnc vtueq tsuingrux yaq miqsaz htenc tvbac gay yaq nuex mnoz kuex yvmx rvtueq lac kuiyqshuik dvyx httax vtuiux?

WEAWEA 14:39

Yehowa rueq jungx tueq kvjaz kuex Moshe rueq Israel miqsaz muex tvlvy jungx kuq koq tueq, tsuingshiq thuinbac yonzyex khoar wuez tueq.

WEAWEA 14:42

Nauk kaz. Yehowa kuex nuimshiq rulc vdvmz httax muq ningkhvnc nuex ralx rueq nuimhez kuex taungx gay kv-phuinx.

WEAWEA 14:43

Nuimhez kuex Amalek nuiyc Kanaan miqsaz htenc rulc rvlungc rvkhvt ruiux yuq, nuimhez thueyc tuinx; nuimhez rueq Yehowa kuex tuip gay tuit ningkhvnc nuex piq kuex nuimhez rulc vdvmz httax naungx kv-phuinx rvmuq,” ngoz tueq jungx tueq.

WEAWEA 14:45

Kvruex yuq httax yaq Amalek nuiyc Kanaan miqsaz htenc rueq tsuinghez kuex khvt taungx gay vtueq Horma ghaq nuex httuiuc laz yurc khvt gay tueq.

TRI CHONGKE 7:26

Kvruex yac yuimx htenc kuex nuimshiq rueq miqmac yuimx nuex lvmc lvy mvy muq, lvmz laq ruiux yuq yac yuimx htenc kvkhoc nuimshiq muinz mvnhttonc rvhumc tuinx. Yac yuimx htenc kuex Yehowa rueq mvnhttonx kuq tueq ningkhvnc nuex yac yuimx htenc kuex nuimshiq rueq suirsac shuiuc pac wuez rax.

JOSHUA 6:18

Yuq muinz tvbac gay juing phvnx htenc kvwawc nuimshiq rueq yvmx muinz lvmc mvy muq; mkhoc shoc maq nuimshiq rueq kvkhoc ruez ruiux yuq, Israel miqsaz jerak nuex vkuilc vdaz nuiyc tvbac gay rvhumc tuinx.

PHOWEBI 16:20

Kvruex yimaq piq rueq, “Samson lex! Philistin miqsaz kaz yaq!” ngoz tueq ramc tueq. Kvkaq piq kvsvmc kvtenc vtueq, “Piq kuex yac dauk ikhoc dvyx dung wvnc lvp taungx,” ngoz tueq tvmaung tueq. Piq kuex Yehowa rueq gay shex tueq lvmz piq rueq tuiuz muq.

PHOWEBI 2:14

Kvkhoc rvtueq Yehowa kuex Israel miqsaz muex vthuinz khaq vtueq tsuingshiq kuex khvt ruiux yauk laungc yalawx raz tueq tvbac gay jix muex lekuq gay tueq. Vpiq rueq tsuingshiq kuex tvroz nuex httax yaq ralx htenc muex lekuy gay ningkhvnc nuex, Israel miqsaz tsuingshiq shauk pumz kuex kvgawx lot muq shex.

PHOWEBI 2:4

Raungkamx waz rueq kvkhoc jungx tueq nuex Israel miqsaz htenc kuex guyc sez khoar wuez vtueq,

1 SAMUEL 14:38

Kvruex yimaq Sholu rueq miq htenc kvmac vyungx vlaungx bix muex ngoc, “Vnuex kaz wuez luit, yvmx khoc phvnx mvrax lac yaq gay tiq nguinx kuex majuiuc raungnuiyq wisoz wuez shuinz.