JOSHUA 22:29 - Hawa Naga Bible 2001

²⁹ Wvr maq jauk shomc kuy juing, vruiy vwungx maq shomc kuy juing nuiyc shomc nawk kuy juing tvkoc shomrawx tvhungx vtueq Yehowa muex nuiyshiq rueq vsuingc suing khawx lvlx vshix rvmuq. Vpiq httax yaq Tap kvlc nuex Yehowa naungshiq Tishox shomrawx maq lvy vtueq shomrawx vganc kuex nuiyshiq rueq tvhungx vshix rvmuq,” ngoz tueq jungx tueq.

ASII LAKDAP Bible (BSI)

²⁹ Naishiq ka ümkhiiriita jiimin Tatiwe kiq ka khiimai. Kiimaq ümchaü wa na chaq chang honglu, kiimaq rai awong honglu kiimaq nyamse atra take chang berong-wacha hai laita, Tatiwe wokhong wiika ümtiikii jiimin dongho mai. Naishiq raq Tatiwe nashiq Shiikeawe berong-wacha apaiq sichang Tombutiip rinkea na chaptlaq berong-wacha kra tlea laita, ahin berong-wacha ka haiki mai.”

JOSHUA 22:29 Referencias Cruzadas

RAPHA HIQWA LAK 44:17

Yosep rueq, “Kvkhoc rvmuq! Ngaz rueq kvkhoc kuex ruez lot mauk! Khvp humc tueq waz kvdvyx ngvy dax muex yaungc rax. Kvjungx yaq jix htenc kuex nuimwaz kox nuex vhvlx waq maq yek waung wuez kuinz,” ngoz tueq ngoz kuq tueq.

RAPHA HIQWA LAK 44:7

Tsuinghez rueq piq muex ngoc, “Walaungx waz lex, nuiyhez muex kvkhoc nauk nyvnc vkueq, nuiyhez rueq kvkhoc vyaq yauk shuimc kuex shuimx miq lvmz kvtuemc vtix.

1 HOKHVMX 21:3

Nabot rueq, “Vruex svpiq sunc kuex ijix iwaz tsak jungx vlvp shec rvtueq. Mnoz muex ngaz rueq kuy lvmz kuex Yehowa rueq mtvwanc kuq phuex!” ngoz tueq jungx tueq.

2 HOKHVMX 18:22

Asiria vyungx vlaungx waz rueq tvhttoarc jungx yek tueq, “Rvmuq ngoz ruiux mnoz kuex Yehowa m-Tishox muex tvluimc vshaungx ngoz tueq ngaz muex haz jungx phux? Hezekia rueq Yehowa nawk palx juing baung nuiyc shomrawx htenc lotlaz kuex tvbac gay toq rvmuq haz? Vpiq rueq Yuda nuiyc Yerusalem wawc miq htenc muex Yerusalem wawc shomrawx nuex dvyx nawk palx juing ngoz tueq jungx tueq rvmuq haz?

2 KAÜWA WERAÜ 32:12

Piq kuex Yehowa muex nawk palx juing baung htenc nuiyc shomrawx htenc kuex tvbac gay ruiux, Yuda miqsaz htenc nuiyc Yerusalem ghaq jix htenc kuex shomrawx vshiz nuex dvyx nawk palx vtueq vhomc vtumc juiuz tvkoc jungc jix waz rvtueq.

Romans 3:6

Kvkhoc kuex rvmuq! Mkhoc shoc maq Tishox kuex tsuingrux muq waz ngoz ruiux yuq mungkawx vruex yvmx khoc lac phox kuq lot shvnx?

Romans 6:2

Kvkhoc kuex rvmuq! Mvrax wawc vrv-phvlc wvnc wuez shex naungshiq kuex mvrax mungx nuex yek shiz yvmx ngoz tueq khuemc yek lac?

Romans 9:14

Kvkhoc rvtueq Tishox kuex tvrac vlvmz muex yaungx muq haz? Kvkhoc kuex rvmuq.

TRI CHONGKE 12:11

Yehowa rueq vpiq muex nawk palx juing baungshiz nuex dvyx thvl taq shec tueq; kvruex baung kvyuq ngaz rueq nvr phaungx rulc rv-ngvlc nuimshiq rueq wvr maq jauk shomc nawk kuy juing nuiyc vganc maq shomc nawk kuy juing htenc, nuimshiq mvnz rokshiz wawc mvnshiz nuiyc shomc kuy juing htenc, Yehowa muex vkhvmc kuq yauk noalc htep htenc kuex lvmc lvy rax.

JOSHUA 22:23

Nuiyshiq rueq Yehowa lvmx phvnx miq maq wvr maq jauk shomc nawk kuy, vruiy vwungx maq shomc kuy nuiyc lux rvyaungc shomc kuy muex nuiyshiq tvkoc shomrawx kuex nuiyshiq rueq tvhungx guirx tiq ngoz ruiux lec, Yehowa rueq nuiyshiq muex murx mtvgurc kuq phueq.

JOSHUA 22:26

Nuiyshiq rueq shomrawx tvhungx vshix vruex kuex wvr maq jauk shomc nawk kuy tvkoc shomc kuy juing rvmuq,

JOSHUA 22:28

Kvkhoc mkaq muinz yaungx ruiux kuex naungshiq rueq htaz vshix kuex naungshiq suiuz vsaz hez rueq muinz, ‘Lawc shuinz! Yehowa shomrawx ikhoc shomrawx kuex naungshiq jix vwaz tamx rueq tvhungx shec tueq. Kvruex shomrawx kuex wvr maq jauk shomc kuy juing muinz rvmuq, shomc nawk kuy juing muinz rvmuq, yuq muinz nuimshiq nuiyc nuiyshiq miqsaz hvlwvl nuex hakhix yaungc tvkoc dvyx rvtueq.’

JOSHUA 22:30

Shomc waz Phineha nuiyc shalx nyuip kox wawc miqphvnx vtaungx htenc wawc yuimx taungx walaungx yaungx yaq kung kuex shunshvlc jix miq waz rokshiz rueq Ruben, Gad nuiyc Shaldungc Manase phvnx hez rueq jungphvnx kuq yaq kuex tay vtueq tsuinghez thuinhvlx wuez tueq.

JOSHUA 24:16

Miq htenc rueq, “Nuiyshiq rueq vganc tishox htenc kuex nawk palx tvkoc Yehowa kuex mkaq muinz tuip gay shix rvmuq!

1 SAMUEL 12:23

Ngvy tvkoc kuex thoz ruiux, nuimshiq tvkoc vjux thoz mauk ningkhvnc nuex, Yehowa muex yaq gay tauk wawc msawc m-yal wvnc kueq. Kvkhoc ruec tvraung, vhvlx nuiyc vlvmz kuex phvnc tvkoc ngaz rueq nuimshiq muex tvluing kuq phaungx.