JOSHUA 22:28 - Hawa Naga Bible 2001

²⁸ Kvkhoc mkaq muinz yaungx ruiux kuex naungshiq rueq htaz vshix kuex naungshiq suiuz vsaz hez rueq muinz, ‘Lawc shuinz! Yehowa shomrawx ikhoc shomrawx kuex naungshiq jix vwaz tamx rueq tvhungx shec tueq. Kvruex shomrawx kuex wvr maq jauk shomc kuy juing muinz rvmuq, shomc nawk kuy juing muinz rvmuq, yuq muinz nuimshiq nuiyc nuiyshiq miqsaz hvlwvl nuex hakhix yaungc tvkoc dvyx rvtueq.’

ASII LAKDAP Bible (BSI)

²⁸ Naishiq raq tiima wan kai, ngohea shaqshaq kriishe dea nguraüla, naisaü naisetiim raq akha mingulot, ‘Liirong laq! Ara naititiim pat na Tatiwe berong-wacha ikha haithütaq ara! Arka honglu thun ka wa na chaq ma riimak, kiimaq nyamse atra honglu take miimin riimak, shatmaq nashiqnok nai namshiqnok liipan na atiitsang miitu mithii shongthüto.’

JOSHUA 22:28 Referencias Cruzadas

RAPHA HIQWA LAK 31:48

Laban rueq Yaku muex ngoc, “Majuiuc raungnuiyq lung phungc vruex kuex naungnueyc muex hakhix m-yaungx kueq,” ngoz tueq. Kvkhoc rvtueq kvruex hong kv-ngoc Galeed ngoz tueq muingc tueq.

2 HOKHVMX 16:10

Honoc Tiglat Pileser kuex humc kay ngoz tueq Hokhvmx Ahaza kuex Damasku ghaq nuex kaz koq tueq, kvruex yuq shomrawx kuex piq rueq khiz vtueq, piq rueq kvruex rulc shvmx shiz rvkhauk laz tvhungx vtueq shomc waz Uria kox nuex tvwvnc kuq tueq.

DUNGWVNC 25:40

Ngaz rueq nuimshiq muex kanx maq tvkhic kuq phaungx vromz yac ikhoc tvhungx guirc tvkoc rvwvl shuiuz.

ISAIA 19:19

Kvkhoc vkhing httuiuc wvnc tuex nuex, Ejip mungx nuex Yehowa tvkoc shomrawx vshiz tvhungx ruiux, Ejip mungx ghaqruiy nuex vpiq tvkoc lunghtung vshiz shungc shuex.

Hebrews 8:5

Shomc waz bix tsuingshiq rueq shuimx wvnc tueq lvmz kuex raungmungx nuex httax yaq shuimc vkay rulc rv-ngvlc layx nuiyc vyac kawx dvyx rvtueq, Moshe rueq shuimx wvnc tueq lvmz muinz kvrulc rv-ngvlc dvyx rvtueq. Yvmx khoc lac ngoz ruiux lec Vsawc Tap kvruex guirc tvkoc dvnc tueq nuex Tishox rueq, “Kuz maq mnoz muex ngaz rueq tvkhic kuq phaungx rulc rv-ngvlc lotlaz kuex nauk lauk kaz maq shuimx shuiuz,” ngoz tueq jungc kuy shec ningkhvnc nuex rvtueq.

JOSHUA 22:27

nuiyshiq miqsaz htenc nuiyc nuimshiq miqsaz htenc tvkoc muinz, yix maq pat vjat wawc naungshiq miqsaz htenc tvkoc muinz hakhix mvhttarc yaungc tvkoc dvyx rvtueq. Naungshiq rueq wvr maq jauk shomc kuy nuiyc lux rvyaungc shomc kuy juing kuex shomc nawk ruiux yuq vpiq vsawc Tap kvlc nuex Yehowa muex nawk palx kuq shix lvmz vruex shomrawx kuex hakhix yaungx tuex. Vkhoc maq raz tueq nuimshiq suiuz vsaz hez rueq nuiyshiq muex nuimshiq kuex Yehowa rulc yvmx muinz seng muq ngoz tueq ngoc juing vguez mruez kueq.

JOSHUA 22:29

Wvr maq jauk shomc kuy juing, vruiy vwungx maq shomc kuy juing nuiyc shomc nawk kuy juing tvkoc shomrawx tvhungx vtueq Yehowa muex nuiyshiq rueq vsuingc suing khawx lvlx vshix rvmuq. Vpiq httax yaq Tap kvlc nuex Yehowa naungshiq Tishox shomrawx maq lvy vtueq shomrawx vganc kuex nuiyshiq rueq tvhungx vshix rvmuq,” ngoz tueq jungx tueq.

JOSHUA 24:27

Piq rueq miq lotlaz muex ngoc, “Vruex lungkuiux kuex naungshiq lotlaz muex hakhix m-yaungx kueq. Naungshiq muex Yehowa rueq jungx phuex kvjaz lotlaz kuex tay tueq shex. Kvkhoc rvtueq nuimshiq Tishox muex nauk khawx lvlx wuez kaz, vruex kuex nuimshiq tvkoc hakhix muex yaungx tuex,” ngoz tueq jungx tueq.