JOSHUA 22:27 - Hawa Naga Bible 2001

²⁷ nuiyshiq miqsaz htenc nuiyc nuimshiq miqsaz htenc tvkoc muinz, yix maq pat vjat wawc naungshiq miqsaz htenc tvkoc muinz hakhix mvhttarc yaungc tvkoc dvyx rvtueq. Naungshiq rueq wvr maq jauk shomc kuy nuiyc lux rvyaungc shomc kuy juing kuex shomc nawk ruiux yuq vpiq vsawc Tap kvlc nuex Yehowa muex nawk palx kuq shix lvmz vruex shomrawx kuex hakhix yaungx tuex. Vkhoc maq raz tueq nuimshiq suiuz vsaz hez rueq nuiyshiq muex nuimshiq kuex Yehowa rulc yvmx muinz seng muq ngoz tueq ngoc juing vguez mruez kueq.

ASII LAKDAP Bible (BSI)

²⁷ Shatmaq, arka namshiqnok nai naishiqnok liipan na, miithii shong ashi mirlaq nguta, kiimaq naishiq tsai jai, rawiichii saüpat sepat miitu, naishiq riimin Tatiwe ka apaiq sichang asii Tombutiip kiijii dea naishiq honglu wa na chaq chang kra lamho laita kiimaq nyamse take chang honglu kiimaq rintii honglu thun ka lamholaita shomnoq tiikai nguta mithii shong klokai. Arka namsaü namsetiim raq naishiq ma, naishiq riika Tatiwe rai riibom kai chang lam ahü nguta bom chang ahü mirlaq nguta klokai.

JOSHUA 22:27 Referencias Cruzadas

RAPHA HIQWA LAK 31:48

Laban rueq Yaku muex ngoc, “Majuiuc raungnuiyq lung phungc vruex kuex naungnueyc muex hakhix m-yaungx kueq,” ngoz tueq. Kvkhoc rvtueq kvruex hong kv-ngoc Galeed ngoz tueq muingc tueq.

RAPHA HIQWA LAK 31:52

Ngaz rueq tvtsuingc juing lung phungc vruex lvy vtueq mnoz kuex khvt kaz phaungx rvmuq, mnoz rueq muinz tvtsuingc juing lung phungc vruex lvy vtueq ngaz kuex khvt kaz phux rvmuq lvmx kuex, vruex lung phungc nuiyc vruex mvhttarc kuex honc tvsvmc juing m-yaungx kueq.

Tvtsvmc 16:5

Yehowa lex, ngaz nuex httax yaq lotlaz kuex mnoz taungx wawx jvnc rvtueq, mnoz rueq ngaz muex rax yaq phvnx lotlaz kuex kuq phux; max kox wawc ngvy pat kvmuinz m-yauk nuex httax yaq.

ISAIA 19:19

Kvkhoc vkhing httuiuc wvnc tuex nuex, Ejip mungx nuex Yehowa tvkoc shomrawx vshiz tvhungx ruiux, Ejip mungx ghaqruiy nuex vpiq tvkoc lunghtung vshiz shungc shuex.

TRI CHONGKE 12:11

Yehowa rueq vpiq muex nawk palx juing baungshiz nuex dvyx thvl taq shec tueq; kvruex baung kvyuq ngaz rueq nvr phaungx rulc rv-ngvlc nuimshiq rueq wvr maq jauk shomc nawk kuy juing nuiyc vganc maq shomc nawk kuy juing htenc, nuimshiq mvnz rokshiz wawc mvnshiz nuiyc shomc kuy juing htenc, Yehowa muex vkhvmc kuq yauk noalc htep htenc kuex lvmc lvy rax.

JOSHUA 22:10

Ruben, Gad nuiyc Shaldungc Manase phvnx htenc kuex Yodan ruilx maq shalx nyuip kox Gelilot hong nuex httuiuc kaz vtueq, yuix ruilx kawx nuex shomrawx yunghvlc tvhungx tueq.

JOSHUA 22:26

Nuiyshiq rueq shomrawx tvhungx vshix vruex kuex wvr maq jauk shomc nawk kuy tvkoc shomc kuy juing rvmuq,

JOSHUA 22:28

Kvkhoc mkaq muinz yaungx ruiux kuex naungshiq rueq htaz vshix kuex naungshiq suiuz vsaz hez rueq muinz, ‘Lawc shuinz! Yehowa shomrawx ikhoc shomrawx kuex naungshiq jix vwaz tamx rueq tvhungx shec tueq. Kvruex shomrawx kuex wvr maq jauk shomc kuy juing muinz rvmuq, shomc nawk kuy juing muinz rvmuq, yuq muinz nuimshiq nuiyc nuiyshiq miqsaz hvlwvl nuex hakhix yaungc tvkoc dvyx rvtueq.’

JOSHUA 22:34

Ruben nuiyc Gad miqsaz rueq, “Vruex shomrawx kuex naungshiq lotlaz tvkoc Yehowa kuex Tishox rvtueq lvmz hakhix muex yaungx yaq,” ngoz tueq jungx tueq. Kvkhoc rvtueq kvruex ngoc “Hakhix,” ngoz tueq tsuinghez rueq muingc tueq.

JOSHUA 24:27

Piq rueq miq lotlaz muex ngoc, “Vruex lungkuiux kuex naungshiq lotlaz muex hakhix m-yaungx kueq. Naungshiq muex Yehowa rueq jungx phuex kvjaz lotlaz kuex tay tueq shex. Kvkhoc rvtueq nuimshiq Tishox muex nauk khawx lvlx wuez kaz, vruex kuex nuimshiq tvkoc hakhix muex yaungx tuex,” ngoz tueq jungx tueq.

1 SAMUEL 7:12

Kvruex yimaq Samuel rueq lung vshiz tsenz vtueq Mizpa nuiyc Shen hvlwvl nuex shungc ruiux, “Yehowa rueq nuiyshiq muex lvmx wvlex romc kuq phuex,” ngoz tueq jungx tueq, kvkhoc rvtueq lung kv-ngoc, “Romc kuy jix Lung,” (Ebeneza) ngoz tueq muingc tueq.