JOSHUA 22:29 - ASII LAKDAP Bible (BSI)

²⁹ Naishiq ka ümkhiiriita jiimin Tatiwe kiq ka khiimai. Kiimaq ümchaü wa na chaq chang honglu, kiimaq rai awong honglu kiimaq nyamse atra take chang berong-wacha hai laita, Tatiwe wokhong wiika ümtiikii jiimin dongho mai. Naishiq raq Tatiwe nashiq Shiikeawe berong-wacha apaiq sichang Tombutiip rinkea na chaptlaq berong-wacha kra tlea laita, ahin berong-wacha ka haiki mai.”

Hawa Naga Bible 2001

²⁹ Wvr maq jauk shomc kuy juing, vruiy vwungx maq shomc kuy juing nuiyc shomc nawk kuy juing tvkoc shomrawx tvhungx vtueq Yehowa muex nuiyshiq rueq vsuingc suing khawx lvlx vshix rvmuq. Vpiq httax yaq Tap kvlc nuex Yehowa naungshiq Tishox shomrawx maq lvy vtueq shomrawx vganc kuex nuiyshiq rueq tvhungx vshix rvmuq,” ngoz tueq jungx tueq.

JOSHUA 22:29 Referencias Cruzadas

RAPHA HIQWA LAK 44:17

Kiijiishe Joseph raq nguto, “Kriika riimak! Ngi raq kiikhiika ümtiikiimin klomang! Ju khiiq niiwa ikok humtaq kriiwe kli idise ma mija. Namshiq ahinti ka hansang maq namwe phana jang wan rong laq.”

RAPHA HIQWA LAK 44:7

Kiijiishe tsangshiq raq apaiq bom ka akha treto, “Shiilangwe lei, ümniiraq akha ngutlaü arka jamlai ngowa ngutlaü? Naishiq ka atiitum laita chongtiikai, naishiq raq akhiika klo mai.

1 HOKHVMX 21:3

Kiijiishe, “Ara spiqro bagan arka ngi raq ititiim jaq wa tachong hupsam alapha,” nguta Naboth raq treto. “Tatiwe raq tai miimin taibi miraq, ngi raq ara bagan ara ümniima kuqbaiqha jiika!”

2 HOKHVMX 18:22

Asiria mungti ajongwe ka kriithaq niimin akhiishe nguto, “Shea ümniika üm Tatiwe, üm Shiikeawe ma kamrai tiikang ngutiisha tiitsaki rai tlaü? Riita Hejekia raq Juda mungti mungmaiqse ma kiimaq Jerusalemti ma Tatiwe ka Jerusalem na berong-wacha sitlaq kriijaq lam lam li shomnoq wan ratlo nguta traho kuq raüta dea Tatiwe noqchang asii tiipsetiim nai berong-wacha thun ka tiithen baiq wanto riimak sha? Raüta apaiq ka shumiito riimak sha?

2 KAÜWA WERAÜ 32:12

Apaiq kata Tatiwe shomnoq chang asii jam thun nai berong-wacha thun wiita tiithen baiqtiwe. Raütiishe Juda mungti nai Jerusalemti ma noqku ka bashi niili riichang kiimaq homseng honglu kiimin berong-wacha ashi niili chaq chang nguta chongketiwe.

Romans 3:6

Akha kla jurmin ngulot mai jo! Shiikeawe apaiq tingting maq simak ngu raü ka, apaiq raq mangjong maiqse kha ka jamkho, tingting ma mipho kuq?

Romans 6:2

Kriika ümtiikiimin riimak! Nashiq ka ngarai lamphan na atsai kai kun she. Tsaiki kai she ningkhan, tiithong kiki ka, jamkho ngarai mong niili misi nong rong i?

Romans 9:14

Riita, ikhiijiika, ara chong tiikai arkha maq, Shiikeawe raq tri raü ka, tingting maq sham wan mak nguta, nashiq raq apaiq ma mingu lot rong i sha? Riimak, nashiq raq kiikha ka ngulot mai.

TRI CHONGKE 12:11

Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.

JOSHUA 22:23

Ngohea dea naishiq raq Tatiwe aming jin laita, atra honglu chaq chang, kiimaq rai awong honglu chaqchang, kiimaq rintii honglu chaqchang, naishiq maiqmii miitu berong-wacha haikai jiila, Tatiwe apaiq raq naishiq ma mo mitiiholaq.

JOSHUA 22:26

Kra ningkhan naishiq raq berong-wacha haikai. Shatmaq arka honglu ataakuq nyamse chaq ma riimak, kiimaq honglu kewan miitu min riimak.

JOSHUA 22:28

Naishiq raq tiima wan kai, ngohea shaqshaq kriishe dea nguraüla, naisaü naisetiim raq akha mingulot, ‘Liirong laq! Ara naititiim pat na Tatiwe berong-wacha ikha haithütaq ara! Arka honglu thun ka wa na chaq ma riimak, kiimaq nyamse atra honglu take miimin riimak, shatmaq nashiqnok nai namshiqnok liipan na atiitsang miitu mithii shongthüto.’

JOSHUA 22:30

Ramwe Phinehas nai apaiq rai akidam mung welabi weroqshi kriiraq, shenyap mung na siti aweraü khuthaq wa welabi raq, Reuben phan, Gad phan, kiimaq Shedong nü na siti Manase phan shiilangbi raq tsangshiq ma bom tru chongkuqtaq kra tai raütiishe, tsangshiq ka mit si mitsaq, tsansang she riito.

JOSHUA 24:16

Kiijiishe, mungmaiqse raq treto, “Naishiq raq Tatiwe baiq laita, ahin phra thun ka shomnoqki mai!

1 SAMUEL 12:23

Riita ngi raq riiwe kla, Tatiwe man na namshiq miitu achu jaüke ka nungpaq lata, apaiq man na ngarai ka tangmang mirha. Kra la na, ngi raq namshiq ma jamlai wa ahea kiimaq namshiq ma riikhaqli jaqsham chang kra mishrin kuq kang.